لطميه للسيده زينب عليها السلام تقرأ بطور (((يخيمات ┈┉┅━━❀❀━━┉┉┈ تحضرين ردتج يم حسن يمي تحضرين تغمضيني ييمه وتهمل العين انه بعازتج يم گلب الحنين ┈┉┅━━❀❀━━┉┉ ردتج لمن ابجي وأون بس حاضره بونيني يمي تونين بحزن ويمج يضل جنيني يمج تضل كل عيلتي وبيدج احط يميني عليه واگلج يم حسن لحگي عليه غمضيني ييمه ومدي اديه حتى من يغسلوني تحضرين ┈┉┅━━❀❀━━┉┉┈ ردتج ييمه مغسله ماريدن الغرايب جسمي نحيل ومااحمل كتلتني المصايب عن كربله وضيم اليسر يم الحسن شجاوب اديه من سوط العدو مورمات اديه واشوغن لو ذكرت الغاضريه ماانساها ابد ياذبحة حسين ┈┉┅━━❀❀━━┉┉┈ بفاتحتي ردتج يم حسن مهدله وحزينه ويمج سكينه وام علي وام قاسم الأمينه اشعر ييمه بغربتي جن وحدي بالضعينه يشيلون ردت من اخوتي نعشي يشيلون وعباس الشهم ويه اليشيعون ويكلي يزينب لاتخافين   ┈┉┅━━❀❀━━┉┉┈ ردتك يخويه لكبرتي ومنازعي ومماتي ردتك تداريني وتحن لو گربت وفاتي محد يخويه بلغك نص الدرب رفاتي عليه محد خبرك خويه عليه وتحضرون يبن أمي سويه وياكم تجيني ام البنين ┈┉┅━━❀❀━━┉┉┈ حگي ييمه لو اعتب لني متت غريبه المغسله من عندي جفلت ماتدري بالمصيبه شافتني محنية ظهر وابيضت الگصيبه الگلب شاب من فراگكم خويه الگلب شاب عمت عيني خذاكم مني التراب اصبحتوا بالثرى كلكم منومين ┈┉┅━━❀❀━━┉┉┈ *تمــــــــت بعــــــــــون اللــــــــــه تعـــــــــالى لاأجيــــــــــز شرعا حــــــــــذف اسمـــــــــــي من* *القصيـــــــــــده او*تنسيبـــــــــــها* *لغيـــــــــــري جزاكم الله خيرا* *الشاعـــــــــــره ام عــــــــــــبد اللّـــــــــــه العابــــــــــدي* https://t.center/cccccccUm_abbd_allcoooooo_9 ‌