طيب السلام عليكم ورحمة الله وبركاته معلومة علمية عن حب الشباب بما إنه شائع ومافيه هالثقافة عن هالموضوع نبدأ باسم الله: حب الشباب (العدّ acne ) • بداية أسبابه: > زيادة انتاج الزهم sebum بسبب زيادة الهرمونات الذكرية (وخاصة بفترة المراهقة) > التقرن الجريبي: بسبب زيادة الخلايا الكيراتينية ف بتسد الجريب الشعري فبصير عنا الزيوان > النمو الجرثومي: (propiomibactrium acne) هي جراثيم موجودة بشكل طبيعي على الجلد وبتحميه بس لما شافت الزهم ف صارت تتغدى عليه وصارت تكثر وجسم الانسان أكيد مارح يسكتلا ف برحلا جهاز المناعة وبتصير الاشتباكات والنتائج بتكون حبة مقيحة. •• طيب بعد ما عرفنا الأسباب صرنا نعرف كيف نتعالج > إما بتجديد البشرة باستخدام مقشرات (موضعية) > واما باستخدام صادات حيوية لتقتل الجراثيم (موضعية وعلى الحبات حصرا او جهازية) > واما المعالجة الهرمونية ( وهي بلاها ) ••• الأدوية: > بنزوئيل بيروكسيد: صاد حيوي ومقشر وحال للزيوان (موضعي مرة بالليل لأن بيعمل حساسية عالشمس) > كليندامايسين: صاد حيوي (موضعي عالحبة) وفيه كريمات فيها المزيج من هالتنين > الريتينوئيدات: وهي مشتقة من فيتامين أ بتقلل من تقرن الجريبات وبتحل الزيوان وبتقشر ( موضعي واذا كان الاستعمال فموي فلازم يتوقف قبل ٩ شهور من الحمل!) > وفيه أدوية بتأثر عالهرمونات وبتقلل هرمونات الذكورة ف قلتلكن بلاها لهيك مارح قولا 😂 •••• هي نبذة مختصرة جدا جدا عن الحالة وبعض الأدوية، ما حبيت اتعمق عشان ما تصير معقدة 👀 • وبس | #ابن_الخطبب