یئنی اردبیلی دوزنلمک اوچون اردبیلین بوتون بعدلارینا واقف اولان مجلس نماینده سی گرکتیر و بو اؤزللیکلر حاج احد بیوته ده وار: فرهنگ، هنر و ادب باخیمیندندان باشچی دیر. اقتصاد هوشونو گؤردوگو کارآفرینی ضمینه لرده گؤره بیلریک. سیاسی باخیمدان دیالوگ ایله دانیشیقلا سیاستچیلرله مذاکره ده امتیاز آلماقینی داشیدیغی وظیفه لرده گؤره بیلریک. اجتماعی باخیمدان توپلوم ایله جامعنین دردلرینی آختاریب اونا درمان تاپماغینی دا گؤرموشوک. 3 ایل دکتر بیوته ایله لغتنامه نی ایشلییننده، دکتر احد بیوته نئچه دفعه ماشیندان تصادف احتماللارینی رد ائله دی. یادیمنان چیخماز تبریزین ادبیاتچیلارینان دانیشیقیمیز اولان گون دکترین ماشینی پلیس راه دا سرسیلندر یاندیردی بیز یول ماشینی ایله مشکینه گئتدیک و دکتر دوستلارینین بیرینین ماشینی امانت آلیب مشکینن تبریزه گئتدیک جلسه چوخ عظمتلی جلسه ایدی و تبریزین بؤیوک لغت شناسلاری او جمله دن استاد شاهمرسی، داشقین و جعفرزاده ایله بیرلیکده اوتوروب دانیشدیق و اونلارین هاممی سی دکتر احد بیوته نین لغتنامه سینن دفاع ائله دیلر. یادیمنان چیخماز تهراندا جلسه میز اولاندا اول قوم شهرینده حضرت معصومه (س) ین حرمینی زیارت ائلئییب اورانین پارکینگینده حصیر سالیب یاتدوغ و صبح تهرانا گئدیب پژوهشکده فرهنگ و غلوم انسانیده دکتر صلابتنن لغتنامه دن دفاع ائله دی و آخشام اوستو تهرانین ادبیاتچیلارینان گؤروشدوک. دکتر بیوته نین ایشلره صلابتلی اقدام ائله مگیندن نه قدر دانیشسام آزدی. یاشاسین آذربایجانین ایگید اوغلو دکتر احد بیوته اردبیل دکتر احد بیوته نی سئچمکله شاه اسماعیل خطائی نین یوردونون یئنیدن دیرچلمگینه رای وئره جک وعده میز 1402جی ایلینین اسفند آیینین 11نجی گونو جمعه صاندیقلارین اوسته دکتر بیوته یه رای وئرمکدیر. 1402/12/7 میرقادر هاشمی