"Къэфэрейм ӏэгу фыхуемыуэм" къикӏыр сыт? - жеӏэри мэупщӏэ си зы ныбжьэгъужь.

Сыщыуэм сывузэхужынкӏэ сыфщыгугъкӏэрэ си лъагъуныр къызоӏуатэ: егъэлеяуэ куэду джэгу утыкум къиджэразэм ирегъэлей, емыкӏу ещӏэ. Емыкӏущӏэм и емыкӏур дэплъагъу пэтрэ абы ӏэгу ухуемыуэм уэ езым емыкӏу пщӏэ хуэду къыпщыхъужурэ емыкӏущӏэр ӏэгуауэкӏэ бгъэгушхуэмэ, ари богъэщхьэрыуэ, уэри емыкӏу бощӏэ, ар къэзылъагъу плъакӏуэхэри щыбогъауэ.

Ӏэгу-джэгум темыухуауэ жыпӏэми, сыт хуэдэ егъэлеяри фӏыкъым, щхьэпэкъым. Цӏыхущхьэ къэс емыкӏур имыдэныр адыгагъэкӏэ и пщэрылъу жыпӏэми, ари щыпкъэщ.