أنا مبعرفش ابدأ كلام مع حد ، حتّي لو بحب الكلام معاه ومبعرفش اعبر عن شعورى زى ما هو كده جوايا ف اللى قدامى بيفهم انه مش فارق معايا او انه حاجة وعدت بس ده غلط جدا والله ومش ده اللى بيبقا جوايا خالص فعلا.
فيه ناس بسبب خوفها من نتيجة اختيارها بتقرر إنها تقف مكانها وماتختارش من أساسه!.. د."مصطفى محمود" قال: (عدم الاختيار هو أسوأ اختيار).. معظم أنواع الفشل في الخطوات والعلاقات بتحصل بسبب عدم الاختيار مش بسبب الاختيار الغلط.. بغض النظر عن رأى الناس.
أنا والله عمري ما فرّطت يوم في حد أو كنت بياع يعني ، ولا عمري نكرت حاجه حلوه كانت بيني و بين حد لمجرد إننا بعدنا ، ولا عمري فكرت أكون عدو لحد عشان خلاص مبقناش حبايب ، بس كل ده عادي يحصل لما بحس أن إللي قدامي مش عارف قيمتي ، كل ده عادي يحصل و يهون طالما أنا كمان هونت .
لن اتوقف عن حبك يا ماجي.. حتي تحترق النجوم ، وتفني العوالم ، حتي تتصادم الكواكب وتذبل الشموس ، وحتي ينطفئ القمر ، وتجف البحار والأنهار ، حتي أشيخ فتتأكل ذكرياتي ، حتي يعجز لساني عن لفظ اسمك، حتي ينبض قلبي للمرة الأخيرة ، فقط عند ذلك ربما أتوقف ربما.
أنا بغير عليك لمجرد إن بدأت أرتاحلك ، مببقاش عايز حد يقرب منك ولا تعامل حد زى مابتعاملنى ، بحب أكون مميز محدش زي في حياتك ، يبقي ليا معزة خاصة في وسط كل اللي حواليك ، اسم مميز ، هزار ، تعود ، قرب كل دا غير أي حد بتتعامل معاه .
التراكمات مشكلتي اني شخص كتوم ويمكن دا عيب مش بعرف اعاتب اول بأول وافضل اناهد علي غلطات بتصدر من حد بحبه؛ بسكت وبعدي اي حاجه بسبب حبي ليه لحد ما بنوصل لحيطه سد قفلتي من الاسلوب والشخص وعلي اقل مشكله ببخ فوشه كميه كلام تحرق الدم واصفي يأما افضل السكوت ودا حل لتريح الدماغ مش هروب.
شوفت مشهد في فيلم The longest ride كانت البطلة واقفة قدام لوحة وبتوصف لحبيبها قد إيه هي عظيمة بتفاصيلها وهو واقف مش فاهم هي عجبها ليه بعدين سألته “you didn’t love it “ ف مكنش عايز يخيب حماسها ورد عليها وقال " I love how much you love it”. وأنا عايز شخص في حياتي ميخيبش حماسي كده !
بقيت بفضل الإنسحاب من أي حاجة علي وشك إني هشوف منها أذي ، مبقتش بستنى أشوف عواقبها وأقول خلاص أنا هبعد لاء أنا معنديش طاقة كافية عشان أضيعها مع ناس مش حاسه بيا وهلكوا نفسيتى ، مبقاش عندي القدرة إن أجازف في علاقة هتخلينى أندم على كل دقيقة إتنازلت فيها عن كرامتى .
