الشاعر باقر علاء للقصائد الحُسينية

أيـام قليلـة
ونشعـر فـي طعـم الحيـاة💔

#باقر_علاء

رياح عاشوراء قادمة💔
#باقر_علاء

اللهم الثبات على نهج سيدي وَحبيبي الإمام علي ابن أبي طالب ﴿؏﴾
اللهم عجل لوليكَ الفرج بظهور صاحب الزمان الإمام المهدي المنتظر ﴿ﻋﺟ﴾ وأجعلنا من جنوده الأوفياء ياالله
مُتباركين بولادة سيّد الحق (الغائب القريب)
حاكم الأرض ومُنقذ البَشرية مَهديُنا ﴿ﻋﺟ﴾

هلا بشمعة علي وشمعة ظلام الليل
هلا بمهدي هلا يا خاتم التكميل
ربك ضمك النا ضمة المحتاج
هلا وكُل الهلا بكُل وكت بيْ تنزيل

(مثل القرآن...أنتَ لربك سَواك)

#باقر_علاء

اذا راح الحسين...احسين مَيروح!!
عدنا المهـدي راجـع يعـني راجـع

#باقر_علاء

سلام الله على الحُسين الشهيد ؏
وعلى خدام الشهيد

نستقبل توثيقكم للقصائد وطلباتكم ببركة محمد وآل محمد
للتواصل معرف البوت ✍🏻👇🏻

@Baqire19bot

#باقر_علاء

القصيدة تصلح للشور
وَمن اللّٰه وأهل بيت رسول اللّٰه التَوفيق

#باقر_علاء

التلحين بعد قليل ينزل
#باقر_علاء

قصـيدة ﴿نِحَـير عالم﴾

«~~~~»

حُبك جماله مالي عين....عشت بخدمتك يالحنين
خادم الك ناذر حياتي....أنتَ حبيبي ياحُسين

الخدم دونـك حلم فارغ بلا تفسـير
وسط صحنك تمنينه طيـور انطـير
نِصـير اتـراب لعيـونك تـريد انصـير
لطم نلطم بچي نبچي وحرب تطبير

نِحَـير عالـم ابحُـــبنه
يحس بينه فقط ربنه

يا حُسين....أنتَ الآمان ابلا حِمـاية
ياحُسين....أنتَ البداية انت النهاية

آنه افديك ابحياتي....منك اتربت صفاتي
ساعد الله العاشقين....أنتَ حبيبي ياحُسين

«~~~~»

بخدمتك عايش اشمحـلى حيــاتي
روحـي عنـدك ياطــبيب الامنيـاتي
على دربك كون اموت اجمل ممـاتي
مو شرط موت بخدمتي إعلن وفاتي

وَفِي بجروحي بالخدامة
واليحب خيــحب إمامـة

بالجروح....منك شفت احلى الجروح
بالجروح....منك ولـــك جــاي و اروح

أكبر جريمة أنتَ ضامي....أعطش و اوديلك سلامي
على حُبك مؤمنين....أنتَ حبيبي ياحُسين

«~~~~»

على جروحك جرح ينعدله عام
ألــف عــام وكسـر مَيــت إمـام
الكسر كسرة ظهر وبظهري دام
كسرة الخاطر عليك وگلّبي جام

اموت اتمـنى يَـم بابك
واصيرن خادم احبابك

وليموت....يمك تحسبه الدنيا عايش
وليموت....لـ چَفه چف مهدينه نايش

گلّبي ألف مرة انكسر....شفت القهر من النحر
عايش الك كُل السنين....أنتَ حبيبي ياحُسين

«~~~~»

وسط صدري سكن أسمك سكن
وليحب طــولك يحـبه بولحسن
يازمـان حسـين عاش بكـل زمن
العـراق انتَ اوطن عاش بـوطن

على حُبك يلوموني
والك ناطيهن اعيوني

ياوطن....روحي الك وعيوني فدوة
ياوطن....أجمـل وطـن بالذمــة رَوة

طول العمر ليك اوفياء....جَنة ونجن في كربلاء
بصحنك صدى نوح اونين....أنتَ حبيبي ياحُسين

«~~~~»

ضريحك لو عِمن يندله گلّــبي
على دربك حبيبـي راح دربـي
اگولن كلمة بيها القاضي ربــي
اذا مو يمك اتعب يخسى تَعبي

ضريحك ما امل منه
أحبَنَك واحب حزنه

بالضريح....كُل الطـوائف تستـريح
بالضريح....بالجنه عفواً مو ضريح

ياسيدي يمك آمان....اسمك اشوفه بكُل مكان
حُبك ورث رب عالمين....أنتَ حبيبي ياحُسين

لــ باقـر عـلاء

=====================

قصيـدة ﴿نِحَـير عالم﴾

كلمات عاشق الحُسين ؏ الشاعـر ﴿ باقـر عـلاء ﴾
1445ه‍
2023/7/19تـ يوم الأربعاء
===============================

القناة الرسمية... @baqir_alaa1

للتواصل... @Baqire

#الشاعر #باقر_علاء

#الشاعر_باقر_علاء
https://t.center/baqir_alaa1

قصيـدة ﴿ هاذا الأكبر ﴾

أبد مايقبـل عـذر.....بيهم ابسيـفه يطـر
للنهر بيهـم وصل.....علي الأكبر منتصر
هـاذا الاكبـر هـاذا الاكبـر
//////////////////////////////////////////////

علي الأكبر من يطب ينفي الخصم
يترس العسكر رعب ترجف زلـم
يشـبه العبـاس عمـه للـعلـم
الشبل مثل الفحل يهـدم هَدم

مثل عباس الحرب گاضيهه
بكيفه يطلع لو يطب اعليهه

رفـع راسـه للسمـة....صاح عاشت فاطمة
أوُجوهم صارت حمر...علي الأكبر منتصر
هـاذا الاكبـر هـاذا الاكبـر
********
من الخيم للحومة شايل رايته
من الجدم عباس چنـه الگصته
ازغير چان وزينب بشي وصته
مثل عمـه يصير حتى ابغيرته

صار يفدي كربله بعيونه
گلبه ابيض ماتغير لونه

اجمل وأبيض گلب....للفحل افضل مُحب
يهدي بعيـونه نـذر....علي الأكبر منتصر
هـاذا الاكبـر هـاذا الاكبـر
********
رَدوا امصوفـر وجـه باَگـوا هـوى
اثنين فوگ اثنين ظل يطگ سوة
بيهـم ابقبـل النهـر گلبـه ارتـوة
الطـاح بيهـم منكسر مالـه دوة

اللمـح أللـوان مـن اهدومه
بس اثر جدمه بقه بالحومه

ختلوا ولبسوا عبي....فدوة الأحفاد النبي
السالم ابراسه فَطر....علي الأكبر منتصر
هـاذا الاكبـر هـاذا الاكبـر
********
بطل خَلة الروس كلهـةَ امطشرة
راس طگ ابـراس صارت مَجـزرة
ساعة وحدة الحومه گلبت مگبرة
يشبـه العبـاس سبـع الگـنطـرة

رَعب عسكـر كامل ابَفعالـه
هيبة هيبة والحرب تحلاله

رايته گطعت هوى.....من دخل طف نينوى
لمحوا انجوم الظهر......علي الأكبر منتصر
هـاذا الاكبـر هـاذا الاكبـر
********
جفن حتى الخيل ماغَمـض جفـن
سحگت الطاح وركَض نوب انچفن
دخـل نص العسكـر ابـروحة دفـن
عبـره صـاروا للعـده وكل الزمـن

معزب الگهوة كسر فنجانهه
خلة عسكر تشرد ابفرسانهه

الشمـر شـاور حرس....گله حسك والنفس
بالرگب طگ مختصر....علي الأكبر منتصـر
هـاذا الاكبـر هـاذا الاكبـر
_________

قصيدة { هاذا الأكبر } ١٤٤٣ه‍

كلمـات الشاعـر { باقـر عـلاء }

===============================

القناة الرسمية... @baqir_alaa1

للتواصل... @Baqire

#الشاعر #باقر_علاء

#الشاعر_باقر_علاء
https://t.center/baqir_alaa1

على لسان حال السيدة زينب ﴿ع﴾

قصيدة....﴿أعاينـلك﴾


عفتني محملة هموم وأذية
رحـت وتلفتت عينك عليـة
يعبـاس يعبـاس
~~~~~~
أعاينـلك وادورك ويـن مـاويـن
على فراگك يكافل يبچي الحسين
اگلـه ارتـاح گال وخويـة بعديـن
طفت عين الشمس من غمض العين

مصيبة تجر مصيبة
ضيعتـة اشيجيبـة

بـعيد وطولت بية المسية
رحـت وتلفتت عينك علية
يعبـاس يعبـاس
*****
يغالي اشتاگ وانتة باگك المـاي
صعبة ايامي جاية وموش ويـاي
چنت ازغير يمي اعبايتي افيـاي
ياعباس موت اشتاگ انا اهـواي

شوگي كاسر النار
بعد للصاير وصار

حنيت الگبل نگعـد سويـة
رحت وتلفتت عينك عليـة
يعبـاس يعبـاس
*****
افز امـن الحلـم حسبالي عطشـان
وسفة اتذكرك صاحب عطش چان
ربعك ذولي اخوتك موش صحبان
كيان وجون عابـس يبچي عريـان

موش اولاد يعگوب
عليهم ذابت اگلوب

ريتچ روحي رافگدتي المنية
رحـت وتلفـتت عينك عليـة
يعبـاس يعبـاس
*****
أحسك عايش وما ميت احساس
عشت بعدك صحيح ابغربة عباس
ما اشمن هـوى بس ريحة اليـاس
حرت گطع المتن لو گطع الانفاس

بعدك مات الحسين
ضلت بس نساويـن

رحتوا ياولد حامي الحميـة
رحـت وتلفتت عينك عليـة
يعبـاس يعبـاس
*****
روحك يمي بس جسمك بالتراب
بـداية قصتي من خيمـة للبـاب
الختاميـة صفت بينـة بالكتـاب
للشام انسبـي وتضيـع الاحبـاب

ابشرك هسة بالشام
هدموا بينة الاحلام

تزيد الوحشة بين المغربية
رحـت وتلفتت عينك علية
يعبـاس يعبـاس

__________

قصيدة { أعاينـــلك }

كلمـات الشاعـر { باقـر عـلاء }

===============================

القناة الرسمية... @baqir_alaa1

للتواصل... @Baqire

#الشاعر #باقر_علاء

#الشاعر_باقر_علاء
https://t.center/baqir_alaa1

قصيدة على حال سيدتي ومولاتي رقية بنت الأمام الحسين (عليهم السلام)

وين ابوي......وين ابوي

وين ابوي الماسمع بنته تصيح
وين راح اسكينه علناگه تطيح
وين ابوي......وين ابوي

بلسبي تمشي رقيه اتصيح عمه
وين ابوية اشعطلة متعوده الزمه
تشهگ ابحسراتها وبل اووف يمه
گالت احضانه دفو اومشتاگه اشمه

وين ابوي العافني
من مشه ماشافني

الجان يقرالي قصص جون المسيح
وين راح اسكينه علناگه تطيح

وين ابوي..........وين ابوي

عمه من حرگو خيمنه ماكو عمي
فدوه اخافن لا يضربوني ابقي يمي
عمه واقع لو حلم مو هيجي حلمي
ريجي ابلعه امن العطش متعوده اسمي

انه طفله ازغيره
بالمعزه اجبيره

عمه ليش الكافر اعلينه يصيح
وين راح اسكينه علناگه تطيح

وين ابوي..........وين ابوي

روحي راحت والعطش عذبني حيل
الماي كافر ما اشربه اصبح سبيل
ضعن غربه اشلون انام اوجانه ليل
الدمع مايوگف ابعيني ضل يسيل

الدنيا وگفت بينه
الهوى امضيعينه

صبروا مو كله مشي خل استريح
وين راح اسكينه علناگه تطيح

وين ابوي..........وين ابوي

حيل مشتاگه بعد مابيه لهفه
مايعوف ابنيته ابوي وأنه اعرفه
راح ابوي الماي لازم مانشرفه
لاتجيبن سيرته لو حتى حرفه

مات ابوي الغالي
ونهدم دلالي

الناس تنشد بالنشد بنت الذبيح
وين راح اسكينه علناگه تطيح

وين ابوي..........وين ابوي

شفت راسك بلطشت وابچي عليك
عفت جسمك والنقص محبس بديك
روحي ماتت لأن تسكن روحي بيك
مثل كل يوم اوحضن بوسه اندعيك

انت احله ايامي
ياحبيبي الضامي

جان يشفي اكبر جرح هسه جريح
وين راح اسكينه علناگه تطيح

وين ابوي..........وين ابوي

---------------------------------------------------
..قصيدة {وين ابوي}
..الشاعر باقر علاء المگصوصي
===========================

القناة....... @baqir_alaa1

للتواصل...... @Baqire

#الشاعر
#باقر_علاء_المگصوصي
https://t.center/baqir_alaa1

كُل عام الحسين ايموت ويعيش💔
وتفــز اجروحنا وتبـدي المـواجـع
اذا راح الحسين...احسين مَيروح!!
عدنا المهـدي راجـع يعـني راجـع

#باقر_علاء

قريباً تصدر القصائد الحسينية لشهر محرم الحرام 💔
اخوكم #باقر_علاء

أيـام قليلـة
ونشعـر فـي طعـم الحيـاة💔

#باقر_علاء

رياح عاشوراء قادمة💔
#باقر_علاء

على استعداد لِكتابة القصائد الحُسينية
لشهر عاشوراء القادم بأذن الله ﷻ
للرواديد الأعزاء لـ أصحاب التوثيق
والتسجيلات
وَسَيتم نشر قصائد أُخرى
في القناة قبل قدوم شهر الأحزان

الشاعر ﴿باقـر عـلاء﴾
للتـواصل على التالي
_تـليگـرام @Baqire
_بوت التواصل للمحظورين @Baqire19bot

قنـاة الشـاعر ﴿باقـر عـلاء﴾ @baqir_alaa1

#باقر_علاء

آخر ليلة الك عباس
باچر بنكسر لحسين
حاله الما يطمن حال
موش بخير خاطر زين


#باقر_علاء

اللهم عجل فرج مولانا
صاحب العصر والزمان
الإمام المهدي ﴿عج﴾ ياالله
وأجعلنا من جنوده
وأجعلنا من أنصـاره.....وَمن أنصـار
الإمام الحُسين الشهيد ؏
اللهم تَقبل منا هذا القربان
وَتَقبل منا هذا القليـل ياالله
اللهم أرزقنا صبر مولاتي زينب ؏
وأرزقنا شجاعة سيدي العباس ؏

#لبيك_يامهدي

#باقر_علاء

التلحين بعد قليل ينزل
#باقر_علاء

﴿ابو فاضل نكت گاع ال امية﴾

أسوى العسكر وقادة......ترا اني
مثل طبة علي عينك.....ترانـي
صولـة خيـبر ابدمـها
علــي لعباس سَلمـها
اخذها وبيدة قَسمها.....ثَنية

بيهـــم قَســـم مشطــر
أسمهم خوف مو عسكر
طبگهم للنهــر معـــــبر.....تچية

سيفـه يـــدور القـــادة
طبـگ عنـوان بجـلادة
نـــذر طگــاته للســادة.....هدية

اشبه واحد ابفعلة......ترا اني
ابن حيدر علي حامي الحمـية
﴿ابو فاضل نكت گاع ال امية﴾
****

بَين وَجهــة للكافــل.....ترابين
دخل عباس سَواهـا......ترابين

حَمرة اعيون ابوفاضل
زلـم فــوگ الزلم كاتــل
سَبعهم بالنَـــخلّ خاتـل.....يجونه

نزل وحتار عزرائــيل
راح وصاح جبرائــيل
حتى يعاونه ويشــيل.....عونه

خَلة العســكر امشـرَد
ولسيفه ارگابهم مبرد
سَبعهم بالشمس يبرد.....يعونه

ترة العباس حاصرهم.....ترابين
درعه وسيفه والشردة قضـية
﴿ابو فاضل نكت گاع ال امية﴾
***
فَنــهم لو زلم خيــمة.....يهدون
على العباس چا فَنهم.....يهدون

من اعيونه چاويهم
يمَثل بالرعب بيهـم
ترجف حيل رجليهم.....ربَطهم

راس ابراس طگاهم
ركض حفاي رَداهـم
طين بطينة سَواهم.....خبطهم

ظحك عباس لخياله
يموت اليوگف اگبالّه
ماتنفع مثــــــل خالّه.....خططهم

سبعين بـ أبو فاضل.....يهَدوٌن
هـاد وهـد شـرط صارت دمية
﴿ابو فاضل نكت گاع ال امية﴾
**
سَبعهم شابعه العبـاس.....ردمات
خزر بالميت ومن عاش.....رد مات

شافت عينه وتندم
رعب سوالهم بالدم
گاع ابجيش تتقدم......رعبهم

يابس ريجة ماهمه
وصل يم النهر ذمه
خيمة يرسـم ابدمه.....صدمهم

گربوا لمحوا الخيـمة
يفــز عباس كالغيـمة
لحظة وصارت الهيمة.....شطبهم

الخايف بيهم بشردة.......ردم مات
راس ابـراس ضلّ يـردم سوية
﴿ابو فاضل نكت گاع ال امية﴾
**
حتى الطايح اوياهم......نَخلّهم
خيل وعسكر الكافل......نخَلّهم

ينخــلّ بالـــزلم بيــده
شطرهم والحرب عيده
صيـاد الـــزلم صــيدَه.........فرسهم

يدري حسين يوصلها
عيونّ الگـــاع كَحلـها
جامعله الــــزلم كلـها........فرشهم

شمرَة حيـدر القـائد
سَبعهم بالنخـلّ لابـد
شــارد وين يالشــارد........سطرهم

طب حسين هم بيده......نخلّ هم
وَيه الگــاع صــاروا بالوطــية
﴿ابو فاضل نكت گاع ال امية﴾

__

قصيدة ﴿ابن حيدر علي﴾

كلمات عاشق العباس الشاعـر ﴿ باقـر عـلاء ﴾
1444ه‍
2022/7/27تـ يوم الأربعاء
===============================

القناة الرسمية... @baqir_alaa1

للتواصل... @Baqire

#الشاعر #باقر_علاء

#الشاعر_باقر_علاء
https://t.center/baqir_alaa1