Bank va Mijoz

🏦 Халқ банки йиллик даромадни олдиндан олиш имкони бўлган омонат турини таклиф этмоқда

Банк томонидан тақдим этилаётган "Фоизлар олдиндан" омонати билан мижозлар шундай имкониятга эга бўлишлари мумкин.

Омонатни банк офисларида ёки "xazna" иловаси орқали онлайн расмийлаштириш мумкин.

Шартлари:
● муддати – 12 ой;
● йиллик фоиз ставкаси – 20%;
● энг кам миқдори – 10 млн сўм.

📱 "xazna" иловасини юклаб олиш учун ҳавола.

@bankmijoz

“Тижорат банкларининг Ўзбекистон Республикаси Марказий банкида депозитга ўтказиладиган мажбурий резервлари тўғрисида”ги низомга ўзгартириш ва қўшимчалар (№3002-4, 23.12.2024й) киритилмоқда.

Асосий ўзгаришлар:
➖ бошқа банкларнинг депозитлари резерв шакллантириладиган мажбуриятлар таркибига киритилмаслиги бекор бўлмоқда;
➖ резервларни фақат миллий валютада шакллантирилиши ва сақланиши бекор қилинмоқда;
➖ банкларнинг Марказий банкда резерв шакллантириладиган мажбуриятлари рўйхати қайта белгиланмоқда
(бунда, банкларнинг депозит характерига эга бўлмаган кредит ва қарзлари (субординар қарзлар), бошқа банклар ва молиявий ташкилотлар олдидаги мажбуриятлари ҳам резервга тортиладиган рўйхатга киритилмоқда);
➖ мажбурий резервлар миқдори ҳисоб-китоби жадвалини тўлдириш бўйича янги услубий кўрсатмалар киритилмоқда.

❗️Киритилган ўзгариш ва қўшимчалар 2025 йил 26 мартдан кучга киради.

@bankmijoz

🏦 MKBANK микромолия ва факторинг компанияларини ташкил этди

Мамлакатимизда тадбиркорликни янги босқичга олиб чиқиш ва қўллаб-қувватлаш мақсадида Микрокредитбанк томонидан янги иккита компания ташкил этилди.

Улар:

“UNA MOLIYA” микромолия ташкилоти – хорижий ҳамкорлар билан биргаликда банк томонидан мижозларга кўрсатилаётган микромолиявий хизматлар кўламини кенгайтириш учун

“MKB FAKTORING GROUP” масъулияти чекланган жамияти – тадбиркорларнинг айланма маблағларини тўлдиришга, фаолиятининг узлуксизлигини таъминлашга кўмаклашувчи ташкилот.

Мазкур ташкилотлар тадбиркорларни молиявий қўллаб қувватлаш билан шуғулланади.

@bankmijoz

❗️Комиссиясиз пул ўтказмалари (Р2Р)

Мазкур банк иловалари орқали эса фойдаланувчилар Uzcard карталари иштирокидаги (Uzcard-Uzcard, Uzcard-Humo, Humo-Uzcard) пул ўтказмаларини бир ойда белгиланган лимитгача бепул амалга оширишлари мумкин.

👉 Барча банк карталаридан:

🏦 Tenge24 иловасида – 10 млн сўмгача;

📱 xazna иловасида – 5 млн сўмгача;

🏦 Smartbank иловасида – 5 млн сўмгача;

🏦 SQB MOBILE иловасида – 5 млн сўмгача;

🏦 Davr Mobile иловасида – 3,5 млн сўмгача;

🏦 Milliy иловасида – 3 млн сўмгача;

🏦 Mavrid иловасида – 3 млн сўмгача.

👉 Фақат ўз картасидан:

🏦 BRB иловасида – 10 млн сўмгача;

🏦 Trastpay иловасида – 10 млн сўмгача.

Humo карталари ўртасидаги ўтказмаларни кўпчилик банк иловаларида комиссия тўловларисиз амалга ошириш йўлга қўйилган.

@bankmijoz

Банкоматларда пасайтирилган комиссия тўловлари

Сўнгги вақтларда қатор банклар томонидан ўз мижозлари (миллий карта эгалари) учун ўзларига тегишли банкоматлардан нақд пул ечишда комиссия тўловлари пасайтириб келинмоқда.

Хусусан:
🔘Даврбанк – 0,5 фоиз;
🔘БРБ – 0,5 фоиз;
🔘Asia Alliance bank – 0,6 фоиз;
🔘Гарантбанк – 0,7 фоиз;
🔘Асакабанк – 0,7 фоиз.

Мазкур ҳолат банк хизматлари истеъмолчилари учун яхши воқелик бўлиб, куни келиб банкоматдан нақд пул ечишда умумий комиссия тўловларини туширилишига асосий омил бўлиб хизмат қилиши мумкин.

Бугунги кунда банкоматлардан нақд пул ечишда банклар томонидан 1%лик комиссия тўлови ўрнатилган.

@bankmijoz

🏦 Агробанк микромолия ва факторинг ташкилотини ташкил этди

Банк хизматлари истеъмолчилари ва мижозларга кўрсатилаётган молиявий хизматлар кўламини кенгайтириш мақсадида Агробанк томонидан ўзининг шўъба корхоналари – "MICROFINANCE SERVICE" микромолия ташкилоти ҳамда "FACTORING SERVICE" масъулияти чекланган жамиятини таъсис этилди.

Мазкур корхоналар ўз фаолият йўналишидан келиб чиқиб, микромолия хизматлари ҳамда факторинг хизматларини кўрсатади.

Шунингдек, мазкур ташкилотлар ўз йўналишларида доимий равишда янги хизмат турларини жорий қилиб, уларни ривожлантириб боради.

@bankmijoz

​​​​Долларнинг ҳақиқийлигини қандай текшириш мумкин?

Сиз мустақил равишда АҚШ долларини қуйидаги тавсияларга таянган ҳолда текширишингиз мумкин.

Хавфсизлик элементларининг мавжудлиги ҳақиқий банкнотларнинг ўзига хос хусусияти ҳисобланади.

Хавфсизлик элементлари:
✔️ чизмаларнинг фон чизиқлари аниқ ва равон бўлиши керак;
✔️ чоп этилган тасвир банкнотнинг бутун олд томони бироз қавариқ бўлиши керак;
✔️ портрет банкнот марказидан бироз четга сурилган бўлиши керак;
✔️ қоғоз тегинганда дағал ва бахмал бўлиши керак, чунки унинг таркибида пахта ва зиғир толаси мавжуд;
✔️ сув белгилари портретнинг ўнг томонида жойлашган бўлиши ва иккала томонида бир хил бўлиши керак;
✔️ ҳимоя чизиғи ультрабинафша нурда яшил рангга айланади;
✔️ тасвир ранги узилишларсиз чизиқлар бўйлаб ўзгариши керак;
✔️ номинал ранги банкнотани бурчакка эгканда, пастки ўнг бурчакдаги рақамнинг ранги ўзгариши керак;
✔️ АҚШ Федерал захира тизимининг белгилари – банкнотани чиқарган махсус Федерал захира банкини кўрсатадиган ҳарф ва рақами бўлиши керак.

❗️Шунингдек, банкнотнинг ҳақиқийлигини тижорат банкиларида пуллик хизмат асосида ҳам текширтиришингиз мумкин.

Манба: Finlit.uz

@bankmijoz