#شعر_محلیخامْبه گَپ بَــزِنم، بِرْمــــه گلیمه
دِواره شــــو بِمـــــو تـــره نَدیمه
من اینتی ونِه دَس بَیْرم شِه دلّه
برو خامْبه که پَس بَیْــرم شِه دلّه
گِمـــون کِمْبــــه تــره اَصلا ندیمه
ته دَنیبــــی گـمــــــونـــم یا نَدیمه
گتی:شــومْبه تِه وسِّه مـا«ه»بیارم
ته سیـــو شویِسّــه، لَمْپـــــا بیارم
تِه چِش تا وا بَــــوِ، گِـــرْدِمْبه اِمْبه
روجـــا پیــدا بَــــوِ، گِـــرْدِمْبه اِمْبه
بَدی بــــوردی، شِـه پِتَج ره نِشایی
دَکِل مــــِه اَسْــلــــی رَج ره نِشایی
بَدی بــــوردی، نَتی تَکّـــا تینــــاره
سیو شویِ دلــــه، دل وونـــه پاره
نَتـی، من لــو بَخــــرده دل دارِمْبه
چـتی ته درد من طـاقت یـــارِمْبه
دِواره،کَئـــو اِقــــوال و تینــــاری
مـــره بَیْتـه، بِپـــاته بـــــرمه زاری
نا، امشـــو بی ته مِسِّ روز نـَوونه
بَسوتِ لِتْـکا دیگـــه ســـوز، نَوونه
بِرو، خامْبه مِه ور نجمــا بخوندی
اتی حـْـافظ اَتــی نیمـــا بخوندی
بَخون خامْبه شِه دلّه وا هادِم وا
گِمـــونم دَنیمه اَمشــو تا فــردا...
شهرزیبای من بابلسر
https://t.me/joinchat/AAAAADvMPliv32nF4DDcWQ