شهرزیبای من بابلسر

#شعر_مازنی

کتابّــه انگلیـسی باتّنـه بوک
اَمه خار خارِ گپ ، بیّه دیالوگ
زوون مـادری گمبه شما ره
ننه پیت کاتـی آسمـونِ توک

طبیعت زیبای حاج شیخ موسی ، لهه

عکس: #محمد_جواد_گت_بابایی

🔹سه‌شنبه ۰۱ شهریور ماه ۱۴۰۱

🎀شهرزیبای من بابلسر🎀

🆔️ @babolsariha
🆔 http://instagram.com/babolsariha2‌

#شعر_مازنی

« اَتّا دَس هیچ گِدِر صدا نِدانّه »


بِهار بِمو اِمارِه سر نَزوئه
چِل چِلا اَمِه مَلِه پر نَزوئه

نا اَتّا گرمِ وا اینوَر بَزوئه
نا هیچکس اَمِه خِنِه در بَزوئه

شِما خَوِر دارنّی مِه دلِه جا ؟
دونّی خالی هسّه مِه لَتِه لِتکا ؟

چِتی این دلِه دردِ وا هاکِنِم !
کِجِه من این سِفره رِه لا هاکِنِم !

وَنگِ رَس درِه من صدا هاکِنِم ؟
سیئو دلِه دردِ دِوا هاکِنِم ؟

وقتی ویمبِه من این همه بلا رِه !
ویمبِه که مَردِمِ رنگ، زردا زارِه !

روز چاشت هَسّه ولی اَمِسّه تارِه
نَوِنِه بَئوتِن آخی بِلارِه !

وِنِه همدیگِرِه صدا هاکِنیم
گوم بَکِردِه راه رِه پیدا هاکِنیم

هرچی هِنیشیم آ دِعا هاکِنیم
اَئی وِنِه فِکرِ فِردا هاکِنیم

گِنّه اَمِه زمین خِدِه طِلائه
بینج آ گِندِم دِکاریم که پِلائه

اگِه جانِ خِدا هارشِه اِمارِه
اَئی شیر کَفِنِه اَمِه پِلا رِه

شهرزیبای من بابلسر
https://t.me/joinchat/AAAAADvMPliv32nF4DDcWQ

#شعر_مازنی

کتابّــه انگلیـسی باتّنـه بوک
اَمه خار خارِ گپ ، بیّه دیالوگ
زوون مـادری گمبه شما ره
ننه پیت کاتـی آسمـونِ توک

طبیعت زیبای حاج شیخ موسی ، لهه

عکس: #محمد_جواد_گت_بابایی

شهرزیبای من بابلسر
https://t.me/joinchat/AAAAADvMPliv32nF4DDcWQ

#شعر_مازنی

« اَتّا دَس هیچ گِدِر صدا نِدانّه »


بِهار بِمو اِمارِه سر نَزوئه
چِل چِلا اَمِه مَلِه پر نَزوئه

نا اَتّا گرمِ وا اینوَر بَزوئه
نا هیچکس اَمِه خِنِه در بَزوئه

شِما خَوِر دارنّی مِه دلِه جا ؟
دونّی خالی هسّه مِه لَتِه لِتکا ؟

چِتی این دلِه دردِ وا هاکِنِم !
کِجِه من این سِفره رِه لا هاکِنِم !

وَنگِ رَس درِه من صدا هاکِنِم ؟
سیئو دلِه دردِ دِوا هاکِنِم ؟

وقتی ویمبِه من این همه بلا رِه !
ویمبِه که مَردِمِ رنگ، زردا زارِه !

روز چاشت هَسّه ولی اَمِسّه تارِه
نَوِنِه بَئوتِن آخی بِلارِه !

وِنِه همدیگِرِه صدا هاکِنیم
گوم بَکِردِه راه رِه پیدا هاکِنیم

هرچی هِنیشیم آ دِعا هاکِنیم
اَئی وِنِه فِکرِ فِردا هاکِنیم

گِنّه اَمِه زمین خِدِه طِلائه
بینج آ گِندِم دِکاریم که پِلائه

اگِه جانِ خِدا هارشِه اِمارِه
اَئی شیر کَفِنِه اَمِه پِلا رِه


✍ #علی_شهمیری_سوادکوهی

شهرزیبای من بابلسر
https://t.me/joinchat/AAAAADvMPliv32nF4DDcWQ

#شعر_مازنی
🎼 صحرا
🎤 علی حسن نژاد

شهرزیبای من بابلسر
https://t.me/joinchat/AAAAADvMPliv32nF4DDcWQ

#شعر_مازنی

کاری کِندي کهِ مِن شِیدا بَووم
به سُونِ مَجنون بی لیلا بَووم

تِ دَستوری رِسوا دِنیا بَووم
عاشِقِ تِ آهوی مُونا بَووم

از هِجر شِه زُهرِه طالبا بَووم
یا میونِ هِندوها تنها دَوُوم

سُونِ پَلِنگ دَستی مینا بَوُوم
صحبتِ هر مجلسُ مَأوا بَوُوم

باز خوانی مِه دل بی بندا دَوُّو
قَمیس باشِ اِسبه مِکِنا دَوِّو

خوامبه کِ اون صبح رُوجا دَوِّو
چِکِل لُو باز کَل و شُوکا دَوِّو

بِلند افرا اون سُوزِ اوجا دَوِّو
بینِ مَردم باز صلحُ و صفا دَوِّو

شهر زیبـای من بابلسـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی

اون زمون  وشنا  بیتیم  تسابه  لینگ راهی بینه
تره یاد اینه؟
تخته پل  یور که  شینه تیل دکته  لینگ  صدا
تره یاد اینه؟
پیاده  راه کتنه  هیمه ره  شه دوش اشتنه
تره یاد اینه؟
اون زمون اسفالت نیه جاده نیه لپر و تیل
تره یاد اینه؟
هیمه و مرغنه ره وردنه بازار روتنه
جرب و کفش و کلوش گیتنه و راهی بینه
تره یاد اینه؟
عید  بیهه  نوروز  خونا  بهار  بهارما  گتنه
زرد کرکه مرغنه جنگی جنگی بازی بینه
تره یاد اینه؟
اون موقع طارم پلا نونوایی رسم نهییه
پلاره  مجمه  دله  لوه  نونه  راضی  بینه
تره یاد اینه؟
کاره سر دسته جمی راه کتنه دشته دله
کایر و همسایگی  یکدل و همکاری  بینه
تره یاد اینه؟
ماهی  روخنه   زلال  او   دله دیار   بیهه
تیکا  و  ایا  اونجه  تله  تا  جا  بازی  بینه
تره یاد اینه؟
ککلی داشتیمی ها کرک و سیکا  فراوونی
کجه کک رواق بنه چینه کا جا نازی بینه
تره یاد اینه
دشونه ماست و کره شیر و دوغه تو یاد نکن
شیر پلا ، تازه کره  شه لقمه جا  راضی  بینه
تره یاد اینه؟

شاعر:میرحمزه طاهری

شهر زیبـای من بابلسـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی

بهار بمو شه کاره سر
ورز موقع زمینه سر

گوشه ره گیرنی تیمه جار
ونه دله ره کندی خار

با چند تا مرزه دوره ور
اسا شه کاره گیرنی سر

اینجه اونجه ره لینگه لو
با لله جا گیرنی پیسو

تیم جاره کندی  مشته او
دشت کناره  کندی سو

ته تیمه بینج اوی دله
خیر و خشی خنه دله

قاطی نمک با ظرف او
با خشحالی گیرنی چکو

روزی دبار  با  گرم  او
یواش یواش تیم بونه سو

اسا شونی زمینه لو
با میس پاشنی روبرو

چنگ چنگ دهیل تیم جاره سر
موارکوا ته دوره ور

مرزه  بالا  شه  اینوری
شیرنی دنی تیم جار سری

اسا ته تیم بونه نشا
زمین نشا بونه شه جا

دسه جمی فصل نشا
ریکا کیجا مرد و زنا

وجین بزو دسه جمی
گرمی هوا  و  او کمی

شهر زیبـای من بابلسـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی
ای بینجه کر ای عشق کار
ای هسی تو کاره سوار

دائم تو باشی برقرار
داری همیشه تنه خار

📸:سیده معصومه کاری پور
روستای نصرت کلا هادی شهر

🎀 @BABOLSARIHA🎀

#شعر_مازنی

نِمازِ‌بِکّ‌وبو٬بی‌چمری‌چه؟
تِه‌دلْ‌‌زِلاله‌او٬بی‌چمری‌چه؟

تِه‌دابَووم٬قمیره‌نیشته‌تِه‌چش!
جانه‌پِر٬اَچّی‌بو٬بی‌چمری‌چه؟

شهــر زیبـای من بابلســـر
🎀 @BABOLSARIHA🎀

#شعر_مازنی

شعری زیبا از استاد رحمت الله حسن پور:

نَمبه فارسی نَخِشه؛تِه شِه زِبون رِه یاد نکن
مازرونه وَچوئی؛مازندرونِ یاد نَکِن

هر کِجه دَری دووش٬خدا تِه پِشتی گِر بوشه
خَله بالا که شونی٬شِه نردبونه یاد نَکِن

هرکی کار داشته تِره مردِ واری جواب هاده
گَته مردی که بَیی خورده وچون یاد نَکِن

تِره نَمبه که دیگه شیرنی دانمارکی نَخِر
نوش جان بوه تره٬تَندیرِ نون یاد نکن

خانی لَس لَس هِنیشی گپ بزنی شهر دِله
برج میلادِ بدی٬شِه دم زنونِ یاد نکن

گنه اکسیرِ محبت٬همه جا پیدا نَنه
اُنس و اُلفت که دَره اَمه میونِ یاد نکن

اتا آدم که تِوِسه شعر مادری گِنه
مرسی مرسی باووتی٬خِنابدون یاد نکن

شهــر زیبـای من بابلســـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی
جانِ مار

رفيقِ خوب وباوفا مه جان ماره عزيزترين خلقِ خدا مه جان ماره

اونکه با حال خسته ودست دَوِسته هِدائِه روحم رِه جلا مه جان ماره

اونکه با جيب خالي وفقر ونداري
هاکاردِه خاکِم ره طلا مه جان ماره

اونکه با سجاده ي سبز و مُهر و تسبيح
همش هسه غرق دعا مه جان ماره

اونکه درون مشکلات خانواده
همش وُونه آخر فدا مه جان ماره

اونکه به هر نفس درون دشت وصحرا مره  زنده یواش صدا مه جان ماره

شهــر زیبـای من بابلســـر
🎀 https://telegram.me/joinchat/BnosqjvMPlhHoPYJ4Jj4BA 🎀

 #شعر_مازنی

بهار بمو ونوشه تالی کنده
اماره سال نو جا حالی کنده

دپوشی یه هلی دار اسبه تی تی 
فرش بیه اینجه و اونجه مشته تی تی

ککی مار شه گله دیار هاکرده
سبزه گل ره شه پیش قرار هاکرده

بیارده چلچلا خار خاره پیغوم
دیگه باد بهار ما بیته وه نوم

کشنه روش ، روخنه مشته او ئه
ونه لو گلخنه ، چه مشته بو ئه

زمسونه سوحاله بیز ور هیته
چله ره با بهار ماه خیز ور هیته

تکون بیته همن با شه بهاری
چمر بیته همن تا چش دیاری

سو ببّه دشت و صحرا با ونوشه
او بیّه برف و سرما گوشه گوشه

خونه بلبل اونجه گلی به گلی
دنه پیغوم همه پلی به پلی 

برو بهار مازرون ره هارش
گل و قشنگی میون ره هارش

بهار تره دعوت به کار هاکرده
تنبلی اون راسی فرار هاکرده

بهاره آی بهاره آی بهاره
ونوشه مشتلق چییه بهاره

شهــر زیبـای من بابلســـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی

تِلا وَنْگ بَزو ، فِرو بُورْده شُو ، مِه یار نِمو
دِل پِره دَرده ، نُور ره بَوِرْده ، مِه چِشمه سُو

بَس که هارِشیمه دِرازه راه ره
بَس که وَنْگ هِدامه جانه خدا ره

دِل بَیّه  لِر، درد بَیْته سَر
کِه ره بَووهِم شه حال وزاره

خدایا بَرِسِن مه جانه یار ره
دِلداره سه دِل زَنّه پَر

هاکِرده غم مه دِل ره پِر ، شه جانه جا بَهیمه سِر
خدا مه یار دَره کِجه ، هاکِرده چه وِه اَنْده دِر

شهــر زیبـای من بابلســـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی

عشق هر کس ونه جان ماره
کی گنه نا؟ ونه دل بوه پاره

مارون جا دلسوز تر کی دره؟
وشون جا رفقون ک بالا سره

هیچ کی ب خدا امه یار نبونه
هیچ کی ب خدا جان مار نبونه

وشون دس دله پینه بزه دا
من ش جان مار گته وچه دا

و م سر شو تا صباحی هنیشته
و مسه ش جان جوونی بیشته

و ش زندگی جا ک خیر ندیه
جز م خشبختی ک فکر دنیه

درسه هسمی از خاک و گل
ولی الماسه امه مارون دل

این گفته خدا و پیامبراست
ک بهشت زیر پا مادر است

شاعر : جواد ادبی فیروزجاه

شهــر زیبـای من بابلســـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی

بهـار بمــو بهــار ، تـی تـی درنه
        پیغـــوم هـــادین که سال اتی درنه

ونــوشه نــــوج بــزو بیشار بهییه
         ککیمــار لمـــه سر ســـــوار بهییه

هلـی دار اسبه پیــرن تــن دکــرده
          عمــو نورز تمومه ونگ هکرده
 
پرس خــو و هنیشتن دیگـــه وسه
          هلــو دار تی تی صـــــورتی دوسه

بلبل خـــونه بهـــاره نـــو ره دارمی
          لتکاسر ونـــوشه ی بـو ره دارمی

کلک سر اوجـــی و زلنگــه بــــوهه
           کیله سر نعنا و سرسمه بــــوهه

خش بمــونی شمه بهــار مـــوارک
           سلامتی دارین خـار خـار مـــوارک

الهــی هیچ دلــــی نــاخش نبــــاشه
         خیر و خشی همــه وســــــه دواشه
***
شاعر : میر حمزه طاهر ی هریکنده ای نوپا

#شعر_مازنی

دریغ از ونگ و وای سرنماشون
دریغ از خش صدای سرنماشون

دریغ از کوکی وکوتر خونش
رمش سیو تیکای سرنماشون

دریغ از کدخدای پاک محله
تله ی گوک زای سرنماشون

دریغ ازمنگو وتشک و تلیسه
چمر جونکای سرنماشون

دریغواز چشمه و بچای بچا او
نسیم و سوز وای سرنماشون

دریغ از گالش و چپون و صحرا
منش کیج کیجای همه چی دون



‌ شهــرزیبـای من بابلســـر
🎀 https://telegram.me/joinchat/BnosqjvMPlhHoPYJ4Jj4BA 🎀

#شعر_مازنی_بابلسریها

اِسپه پيرهن نكن ته تن دياره
يواش يواش برو مه مار بيداره
يواش يواش برو انجيل سايه
نا مه مار بشناسه نا مه همسايه


‌ شهــرزیبـای من بابلســـر
🎀 @BABOLSARIHA 🎀