قناة طف الرزايا 🇮🇶 آآآه يا زينب

#قصيدة// بلحن مرت سنة ونص حاج باسم//
🖤لسان حال مولاتنا زينب ع مع امها الزهراء ع🖤


شلون الحنينه تغيب عن داري
وعليج انوحن والدمع جاري

يا زهرة ايامي ونفس صدري
ابعث سلامي ويه الهوه اليسري

وعليج انوحن والدمع جاري
❀❀●●❀❀●●❀❀●●❀❀●●❀❀

ذكره... بعبره.... منج تضل بدارج احزينه
صوتج... رسمج...وكل ركن بدارج يّبجينه
وينج.... سنينج... تگضي بعجل يامن تركتينه
الهمسه.... لسه... بصوتج صداها بگلبي يحنينه

عالبال انتي يم حسن دومج
والبيت يتنفسهن ارسومج

حالي العدم من بعدج اخباري
وعليج انوحن والدمع جاري

✍🏼#نبضي_حسين

❀❀●●❀❀●●❀❀●●❀❀●●❀❀

يمه … كلمه … ظلت ابنفسي منچ اسمعها
اكبر … ويكثر … شوگي لصداها من يرجعها
روحي … ابنوحي … ظلت خلافچ حزني گّبعها
ونيني … وعيني … عگبچ طفت وتصب مدامعها

عيوني عمت من فارگت طولچ
تتمنه روحي ابحلم وتنولچ

بالطيف مُري وبرّدي ناري
وعليچ انوحن والدمع جاري

✍️. أم محمد علي الشيباني

❀❀●●❀❀●●❀❀●●❀❀●●❀❀

تنحب.. زينب.. يلغالية فراكج هدم حيلي
عگبج.... بنتج... بالهظم عذبني قهر ليلي
فدوه... عنوه .. يمه تعالي وكلمه احجيلي
اذبل.. وأنحل.. حته الأرض يايمه تبجيلي

فركتج يايمه بعد كلفه.
وروحي بعدها بروحتج ترفه.
الگلب نايح ليلي ونهاري.
وعليج انوحن والدمع جاري

. ✍🏻#مريم_العبوديه_اسيرة_الاحزان 💔

❀❀●●❀❀●●❀❀●●❀❀●●❀❀

دمعه... دمعه.. تنزل عليج وگلبي ظل يسعر
وداعج... فراكج... ها يالحبيبه جم جرح خضَّر
ونينج.. عينج.... يازهره وسفه والجفن احمر
ظلعج... كسرج.. لا ما يفارك عيني هالمنظر

مااكدر انسى دمعة عيونج
جني اشوفن من يعصرونج

بُعدچ ييمه شاغل أفكاري
واعليج انوحن والدمع جاري....

✍#خادمة_ابا_الفضل_ام_سجاد

❀❀●●❀❀●●❀❀●●❀❀●●❀❀

امي ... حلمي ...راحت وما ترجع بعد ليه
ردي ... وبردي ... النار البقت تحرك بالبنيه
صاحت ... ناحت...بيه جروح القلب مدميه
دارج...بغيابج... وحشه ييمه ومظلمه اعليه

بعدج بقيت اتسله بحزاني
والدهر بهمومه تولاني
طول العمر بيه الحزن ساري
وعليج انوحن والدمع جاري

✍#أزهار_جبار_الجياشي

❀❀●●❀❀●●❀❀●●❀❀●●❀❀

حيره.. زغيره.... دموعي أبد مافاركت عيني
ردي.. وحدي.... حبيبه ييمه شلون عفتيني
صعبه.. غربه ... مگدر بدونج وانتي تدريني
هضيمه... يتيمه.... ليليه افز منهو اليغطيني

ليليه افز وآني بردانه
وطولج ييمه خالي إمجانه

وإلمن ابوحن بعد. بأسراري
وعليج انوحن والدمع جاري

✍#ام_زيد_الهلالي


تمت بحمد الله بأقلام شاعرات مهدويات الهوى
الموافق/الأثنين/٢٢/١١/٢٠٢١
حقوق النشر محفوظة عند سيد الشهداء عليه السلام






https://t.center/azhar979