قناة طف الرزايا 🇮🇶 آآآه يا زينب

#قصیده بنت الحسین ع رقیه (ع)


ملچومه رقيه ،، ونتهه خفيه
ونه تهدم الحيل
لمن يجــبل اليل
مهظومه وسبيه ،، ونتهه خفيه
-----------------------
زغيــره بالعمـــر ظلموهه يا ناس
فجعوهه بطشت من جابو الراس
ماعـــدهم رحــم لا ذرة احسـاس
هضموهه ابچتل والدهه الارجاس
منهه اتهدم الحــيل
تصيح الويل ياويل
وافتهه المنيه ،،، ونتهه خفيه

✍#ام رياض الاحمدي
-----------------------
اسروها يويلي و بلدرب طاحت
بنت حسين الوان القهر شافت
بعد ذاك الدلال ادموعهه صبت
روحي اتصيح من بعد الابو غابت
طفله منهم اتشيل
يبجي اعليهه العليل
ماتت وي عليه ،،، ونتهه خفيه

✍#علويه ام فاضل
-----------------------
تون واتصیح ویلی ولاهدت ساعه
وینه ابوی اریده الحلوه اطباعه
صبری انهدم بویه اتحطم اشراعه
وهم الکلب زادت بیه اوجاعه
شفت ادموعهه تسیل
منی ذاب الدلیل
يتيمه واجنبيه ٠٠ونتهه خفيه

✍ #ايمان ناصر الزهيري
-----------------------
ايديها اصغار مربوطه بالحبال
ونتهه رقيه أتهد الجبال
من السوط دمع العين همال
وتريدالابو يحضرها بالحال
سمعتهه تصرخ بليل
يعمه وين الكفيل
يتيمه واجنبيه ٠٠ونتهه خفيه

✍ #أزهار جبار الجياشي
-----------------------
مذبوح الابو شافته منحور
طاحت علطشت والکلب مکسور
بجت زینب علیهه وضلت اتفور
اجه السجادلیهه ابدمع منثور
ماتت وسفه بلیل
ابوها انسحک بلخیل
فکدناها البنیه ونتهه خفیه

✍#ام یاس الساعدیه
-----------------------

تمت بعون الله تعالى

بـ✍ــاقـ✍ــلام خـادمـات أهل البيت ع

✍#ام رياض الاحمدي
✍ #علویه ام فاضل
✍ #ايمان ناصر الزهيري
✍ #أزهار جبار الجياشي
✍#ام یاس الساعدیه

❌ لانجيز حذف الاسماء ❌






https://t.center/azhar979

#قصیده حسب المنام زینب ع .. تعاتب وادگول لا تكتبو زينب هلهلت من طلع عباس .. انه وين والهلاهل وين وانه كل ساعه ايجيبون الي مذبوح .. حدكم بلشعر وياي من تردون تكتبون


انه ما هلهلت لوداع اخوتي
مشوا عني وردت يا ناس موتي

الهلاهل صوت الافراح
وانه مني الكمر راح
انه ما هلهلت لوداع اخوتي
~~~~~~~
انه بیاحال بيد الموت ابحالي
من شفت الولی اموذر اگبالي
ابضعيف الصوت ويگلي تعالي
کفیله بالحرم خويه وأطفالي

ونجرح كلبي بوداعة
وارحل بعد ساعه
وين اليوم عنه// حركوها خيمنه
انه ما هلهلت لوداع اخوتي

✍ #علویه ام فاضل
~~~~~
يالتكتب شعرلا تجرح احساسي
وآنه بكربله راحو هلي وناسي
قلبي انهدم حيله اعله عباسي
أخوي احزام ظهري وتاج راسي

كلمتك كالخناجر
تزعل ابوفاضل
ياراعي نزلنه //الحك خويه النه
انه ما هلهلت لوداع اخوتي

✍ #ازهار جبار الجياشي
~~~~~~~
انه بياحال يل عني تكتبون
انه بلا كمر شلي بشوف العيون
الحالي اتصوروه لمن تنظمون
الدمع بالعين والسوط اعله المتون

تدوس الخيل صدره
وتوذر على الغبره
الدمع والنوح النه //بوداع المجنه
انه ما هلهلت لوداع اخوتي

✍ #خــــــادمةالزهراء(ع) آمٰ̲ہ ڪٰྀہٰٰٖرآر آلطۨہٰٰآئيِٰہٰ̲ھہ
~~~~~~~
اني ام الخدر بس گلبي ملچوم
من شفت اعله اخوتي اندارت الكوم
بجمرهه الخدر والصيوان مضروم
واني اخيالي المنشاف فد يوم

وانه بت الزجيه
السبي ميلوك اليه
بعد ذيج المحنه// انتغرب عن وطنه
انه ما هلهلت لوداع اخوتي

✍ #ايمان ناصر الزهيري
~~~~~~~
اني الطاهره المنسمع صوتي
اني الرايه الترف بجفوف اخوتي
اني السكتت كل طاغي بسكوتي
جبل ما دنگت حتی اویه موتي

راسي دوم عالي
ويظل حسين والي
الخيل اللي اسحكنه// هنه اللي سبنه
انه ما هلهلت لوداع اخوتي

✍ #خادمة الزهراء: عبير الخفاجي
~~~~~~~

تمت بعون الله تعالى

بـ✍ــاقـ✍ــلام خـادمـات أهل البيت ع


✍ #علویه ام فاضل
✍ #أزهار جبار الجياشي
✍ #ام کرار الطائیه
✍ #ايمان ناصر الزهيري
✍ #عبیر الخفاجی

❌ لانجيز حذف الاسماء ❌






اللهم صل على محمد وآل محمد 🥀
لبيك يا حسين
يا حسين أشفع لبويه وأمي بيوم الحشر ...
همه علموني خدمتك سيدي من الصغر ...

قناة لنشر القصائد الحسينيه والنعي بجميع الأطوار
https://t.center/azhar979