قناة طف الرزايا 🇮🇶 آآآه يا زينب

قصيدة لاستشهاد الإمام موسى الكاظم ع

لسان حال الطبيب النصراني/خيال الشاعر

//وزن شيعتي//
**
هذا الجليل منين. وين اهله عنه الحين
لو عنه اتنشدون مصفر يويلي اللون٢

┈••●••┈ ┈••●••┈ ┈••●••┈┈••●••┈ ┈•

يسأل النصراني عنه من اجه جسر الرصافه
شاف ابن جعفر يويلي حاله مسموم وحسافه
مگيد بحبل وسناسل وسمه ذبلهن شفافه
والاثر باقي بجبينه سجده اوتشرح عفافه

وين اهله تاخذ ثار .. من السم عليه آثار
وسفه غمض العيون .. مصفر يويلي اللون٢

🖊#خادمة_الحجة

┈••●••┈ ┈••●••┈ ┈••●••┈

تجاوبه الشيعه بمدامع منها يا ويلي وتسيله
هذا موسى ابن جعفر صاحب السجده الطويله
وبسجون اهل الضلاله گَّضه عمره وباد حيله
ننطر اسنين بغيابه لشوفه نحسب ليله ليله

عدنه وعد وياه .. وعله الجسر نلكاه
وعده ابد منخون .. مصفر يويلي اللون٢

🖊#نبضي_حسين
┈••●••┈ ┈••●••┈ ┈••●••

حاله نشرحلك سنينه تساوه ليله وي نهاره
بسجنه ساجد وبدعاءه الدمع منه ايتجاره
يخلصه من سجنه وقيوده وبالگلب ملتهبه ناره
بياذنب تالي ايّتسمم الشيعه من عگبه حياره

والجمعه عالميعاد .. وعله جسر بغداد
ونعشه بگه مرهون .. مصفر يويلي اللون٢

🖊#رؤى_السلامي
┈••●••┈ ┈••●••┈ ┈••●••┈

الوجه أصفر يشوفه صاح هذا مسممينه
أنهظم من شاف جسمه بالحديد امكيدينه
أنبهر لمن نظرله نور يسطع من جبينه
نوره انوار الجلاله والوجه يشبه نبينه

وتأكِد الأنوار .. هذا إبن الاطهار
جده النبي يدرون .. مصفر يويلي اللون ٢

🖊#أزهار_جبار_الجياشي

┈••●••┈ ┈••●••┈ ┈••●••┈

وين هاشم عن إبنها شاعت امصيبة مماته
من بعد هظم و زنازن البيها گضاها حياته
العجب بيده السلاسل والرضوض مأذياته
احبابه مفجوعه وتشيعه الطيب التعرف صفاته

بعطر وكفن لفوه .. وذكروا جسد وذروه

عياله بسبي يمشون .. مصفر يويلي اللون٢
🖊#خادمة_أبي_الفضل

┈••●••┈ ┈••●••┈ ┈••●••┈

ذكروا حسين ومصابه وهلو ادموع العزيه
موسى بن جعفر تشوفه بنعشه موفوگ الوطيه
وجده اتوذر يويلي وخيل فوگاه اعوجيه
ولانعش شاله وتغسل بدمه وبدمعة رقيه

اوزينب بياحـــــــال تركض مبين انذال
وتالي سبيه ام عون مصفر يولي اللون٢

🖊#اسيل_الذهبي
تمت بحمد الله باقلام شاعرات مهدويات الهوى
لثلاثاء /٢٢/٢/٢٠٢٢
حقوق النشر محفوظة عند سيد الشهداء ع





https://t.center/azhar979