Aya Mutawe ❤

استغل وقتك الضايع💀

بما إننا بدأنا دراسة وأغلبنا بيضيع منه وقت لا بأس به
سواء في المواصلات أو انتظار محاضرة وهكذا🥲
فأنا في البوست دا جمعتلك أفضل 10 بودكاست أرشحهملك تسمعهم فالاوقات دي ومش هتحس بيها..

سماع البودكاست هيساعدك توسع مدارك عقلك وتغير أفكارك وتزود معلوماتك
ومواظبتك عليها حقيقي كفيلة تغير حياتك كلها، بس تكون بتسمع بودكاست مفيد🤓

لإن للأسف مش كل البودكاست يتسمع وفي محتوى تافه بيتسمع فقط لإنه تحت مسمى بودكاست😅💔

بالنسبالي بسمع البودكاست على سبوتفاي بعد ما جوجل قفلت موقع بودكاست الخاص
بس خد بالك لو هتسمع على سبوتفاي متسمعش أغاني عليه! فبدل ما داخل تستفاد تلاقيك بتشيل ذنوب..

ولو حابين أبقى أقولكم على ترشيحات لكتب تقرأوها لو عندكم وقت فراغ كبير أو بتضيعوا أكتر من ساعة فالمواصلات عرفوني فالكومنتات🫣

وقراءة الكتب وسماع البودكاست لا تقل أهمية عن الأكل والشرب فزي ما بتغذي جسمك لازم تغذي عقلك 🏋️‍♂️

قولولي في الكومنتات محتاجين أرشحلكم إيه المرة الجاية، بالتوفيق♥

#Aya_Mutawe✍️
#Content_writer

https://www.facebook.com/share/p/C2QZJJ2nGEbPDN9W/?mibextid=oFDknk

الشغف كدبة مش بندور عليها ولا بنقعد نستناها👀

اجبر نفسك (تشتغل/تذاكر) وخليك منضبط ولما تنجز هتلاقي الشغف جايلك بنفسه 😌
لكن طول مانت مستنيه؟ صدقني مش هيجي وهيفضل يهرب منك🚶‍♂️
احنا مبنعتمدش عليه في الحياة عمومًا لأنها مش وردية😃

ومتنساش "أجمع عقلاء الأمة أن النعيم، لا يدرك بالنعيم" ♥
"ولو أن الناس كلما استصعبوا أمرًا تركوه، ماقام للناس دنيا ولا دين" ♥

آية مطاوع

قرأت جملة إمبارح بتقول
"ورط نفسك وأبدأ حقق اللي ورطت نفسك فيه
دا الحل الوحيد علشان تلتزم بأي خطه"

وقفت قدامها شوية بعدين لقيت إن فيها الحل عشان نلتزم بأي حاجة😃

السر في كلمتين بس والله "ورط نفسك"🫵

طول مانت قاعد مستنى الوقت اللي الدنيا هتكون وردي فيه، وكل حاجة تتصلح، وتجيب مكتب جديد، وتغير ديكور أوضتك، ويبقى عندك أدوات حلوة، ويومك منظم وذهنك صافي وقادر تشتغل وكل حاجة برفكت؛ فصدقني اليوم دا مش هيجي خالص لا بكرة ولا بعده ولا بعد شهر ولا بعد سنة.☹️

فالحل هو إنك تبدأ دلوقتي أيًا كانت الحاجة اللي عايز تعملها
أبدأ دلوقتي ودبس نفسك فيها هتلاقيك بالغصب بدأت تنتظم وأنجزت اللي مأجله بقالك كتير 😌

- عايز تاخد كورس ومأجله؟ روح ادفع فلوسه وسجل فيه
- عايز تحفظ قرآن؟ دور على شيخ واتفق معاه إنك هتبدأ تحفظ معاه
_ عايز تظبط جسمك وتحسن صحتك؟ روح ادفع اشتراك الجيم
- عايز تعمل أي حاجة؟ خد أول خطوة فيها

هتكون صعبة آه بس هتعلمك تصبر عالبدايات اللي بعده بيكون كله سهل😉

الظروف المثالية عمرها ما هتيجي طول مانت قاعد مكانك
الشغف هيفضل يهرب منك طول مانت بتأجل ومستنيه

بس مجرد ما تبدأ تسحل نفسك! هتلاقيك بدأت تعمل ظروف مثالية خاصة بيك، وشغفك رجع وبقيت أحسن وأهدى نفسيًا وكل ما هتحقق حاجة الشغف هيزيد أصل هي علاقة طردية يا صديقي زود انتاجية، هيزيد الشغف، هتتظبط النفسية.🤩

بطل تسويف وشوف وراك إيه وقوم ورط نفسك فيه دلوقتي، بعدها أجبر نفسك تنجزه عشان تحقق أهدافك، بالتوفيق. ♥️

#آية_مطاوع
#كاتبة_محتوى

وأخيرًا!
لقد هرمنا والله 🤩❤️

تعالى أحكيلك قصة الكورس اللي أخدته مجانًا بالصدفة بسبب مسابقة عالفيس وغير حياتي كلها🫣♥

كانت تجربة ممتعة ومتميزة مع Learn 2 Earn والله🥹♥♥

واللي خلاها أكثر تميزًا كوتش Esraa Shehta اللي ممتنة إنها كانت المدربة بتاعتنا بجد؛ لأنها مكانتش مجرد كوتش شرحها سلس وبسيط وبتفهمنا بسهولة بس لاء دي كانت كمان أخت وصديقة شخص بيتقبلنا ويساعدنا بصدر رحب♥😉

وكوتش Doaa Mohamed Shafek المينتور العسل اللي اتحملت زني وأسألتي وأخطائي وتعديلها حقيقي شكرًا من قلبي ♥

ولا المتدربين السكر اللي كانو بيعملوا بيئة إيجابية تشجعنا تساعدنا نشتغل أكتر وكان مكسب حقيقي وصحاب جديدة ربنا يديمهم✨

حقيقي ممتنة لكل حاجة تخص الكورس دا والنتيجة الممتازة بفضل ربنا إني كنت من المتميزين فالكورس وأخدت كورس المقالات (منحة لتفوقي فالكورس الأول) 😂♥♥

تجربة ممتازة تستحق 10/10 ونجمة وبوسة🌟😘♥

والكورس أرشحه لأي حد حابب يدخل المجال دا لإنه بيأهلك تكون عارف أساسيات الـ content writing كلها😌♥

شكرًا Learn 2 earn على وجودكم معانا ❤️

النهاية 25/8/2024 ✅

آية مطاوع

https://www.facebook.com/share/p/8WAb1ZuCehg85MC5/?mibextid=xfxF2i

https://www.facebook.com/share/TWC8hJmdBYXRLi4Z/?mibextid=oFDknk

So proud والله😭❤️❤️❤️

خليك قاعد مكانك عادي
بس متيجيش كمان 5 سنين لما تلاقي كل اللي حواليك اتقدموا في حياتهم وأنت لسة محلك سر! 👀

فجأة هتلاقيك في أوضتك قاعد ماسك الموبايل بس هتلاقي كل أقرانك حققوا إنجازات في حياتهم😃

-اللي اتخرج بتقدير عالي وشغال في مكان كويس.

-اللي عمل شيفت كارير واستقل ماديًا.

-اللي حفظ القرآن كويس وثبته
-واللي حفظ أحاديث كتير

-اللي سافر وحقق حلمه وبقى يستكشف العالم.

-واللي اتعلم لغة جديد وأتقنها كويس.

وأنت قاعد تتفرج على كل دا من ورا الشاشة مكانك بين 4 حيطان وبتشتكي الظروف والأحوال🚶

طب وبعدين؟ هتفضل كدا كتير؟ 🙂

عايز تنجح؟ اتحرك (في الحركة بركة)

قوم من مكانك وحدد عايز تعمل إي وأبدأ علطول مفيش وقت للتسويف😶

-انزل الشارع وشوف الدنيا.
-احضر كورسات أونلاين وأوفلاين.
-أقرأ وغذي عقلك.
-ألعب رياضة وحافظ على صحتك.
-اتعلم المهارات الشخصية زي التخطيط وإدارة الوقت.

وكل ما الدنيا ترزعك فالأرض حاول تاني وتالت ممكن متوصلش غير فالمرة المية هتستسلم فالـ 99 ؟
في كل سقوط هتقوم منه هتحس بجملة كفاية إني حاولت🌻

• وافتكر ان مفيش مؤامرة من الكون ضدك ولا حاجة فاخرج من منطقة الراحة لان حياتنا قدام هي نتيجة قراراتنا دلوقتي😇

• ومحدش هيحبك وأنت فاشل😃
الناس مبتحبش الشخص الشكاء البكاء كثير الصياح 😕
فاشتغل براحة، النجاح عايز هدوء وكفاية ندب يا صديقي♥️✨

#آية_مطاوع
#كتابة_محتوى ✍

مبتحبش الفرهدة والخروج بس عايز تحقق دخل مادي وتقبض بالأخضر وأنت في البيت؟ 💸
يبقى الحل في العمل الحر أو ما يسمى بالفريلانسيج😉

الفريلانسيج هيحققلك الحرية في اختيار المجال اللي حابب تشتغل فيه، وهينمي قدراتك القيادية وشخصيتك، وهتكون مدير نفسك عشان مفيش مدير يتحكم فيك، وهيحققلك الاستقلال المادي كله وأنت مكانك فالبيت، أكمل ولا أقتنعت😂🫣
شوفت كل دي مميزات الفريلانسر بيحصل عليها😌♥

وهنا هرشدك لأول الطريق وأحطك على خط البداية فشوف المقالات الجاية فيها الخلاصة👇

• أفضل مجالات الفريلانسينج
https://bit.ly/3MfDkcR

• 10قواعد لاحتراف الفريلانسينج
https://bit.ly/3SFrmwr

• 10 وظائف تساعد النساء على العمل من المنزل
https://bit.ly/3WT9W28

• تعلم الجرافيك ديزاين مجانًا
https://bit.ly/4ce33wM

• اتعلم كتابة المحتوى زي المحترفين
https://bit.ly/3YAagE7

•الدليل الشامل لتعلم التسويق الرقمي
https://bit.ly/3LRZ51Y

• الترجمة الفورية مطلوبة جدًا ودي أهم نصايح لتعلم الترجمة
https://bit.ly/46z24pu

•أفضل 5 مصادر لتعلم البرمجة
https://bit.ly/3Ah1dxN

✍️ #آية_مطاوع
#كتابة_محتوى

المحاولة هي الطريقة الوحيدة لإثبات أننا مازلنا على قيد الحياة؛ فلذلك نحاول رغم شتات الطرق💗

وإني برغم الظلام لست بيائس
فالفجر من رحم الظلام سيولد
النور في قلبي وبين جوانحي
فـ علام أخشى السير فالظلماء؟

"إذا لم يكن عَوْنٌ من الله للفتى؛
فأوَّلُ ما يجني عليه اجتهادُهُ
وإن كان عونُ الله للعبدِ واصلا؛
تأَتَّى له من كُلِّ شيءٍ مِدادُهُ"

- علي بن أبي طالب رضي الله عنه♥️))

قد تتأخر فتسبق الجميع،
فقط انفض عنك غبار الفتور، وأبدأ 🌼
لا تعلن الخطوات،
اعلن الوصول♥️

"الأنضباط هو سر النجاح"♥️

تعالى أقولك على سر بسيط جدًا أكتشفته مؤخرًا غير حياة كتير من الناجحين وخلاهم يبطلوا تسويف ومماطلة ويبدأوا علطول وبدأت الاقي أثره معايا أنا كمان🌻

((قاعدة الخمس ثواني))

باختصار كدا دا اسم كتاب للكاتبة ميل روبنز
فكرته بتدور حول إنك لو عايز تعمل حاجة هي في صالحك وعدم عملها هيضرك بس مش قادر تقوم تعملها وملكش نفس لدا
كل اللي عليك هتعد عكسيًا من 5 لـ 1 وهتلقائي هتلاقي نفسك بتقوم تنفذه
دي خدعة نفسية بتلعب بيها على عقلك باعتبار أن خلاص في وقت شغال وقرب يخلص ولازم تقوم قبل ما يخلص
كمان عشان تقطع على عقلك الاسترسال في حبل الافكار اللي هيبدأ يشتغل ويجرك للتسويف كالعادة👀

- مثلًا عندك مذاكرة ومش قادر تقوم؟
عد من 5 لـ 1 وانطلق قوم أبدأ فيها

- وراك شغل ومش عايز تنجزه؟
عد عكسيًا وقوم له بسرعة

- عايز تروح الجيم أو تعمل رياضة ومكسل؟
عد من 5لـ1 وتلقائي هتلاقي نفسك قومت

وأخيرًا أنا عارفه انها فكرة بسيطة بس بتنفع
ونفعت مع ناس قبلك فمتحاولش تثبت فشل الفكرة
لأن ببساطة محدش هيستفيد منها غيرك
ومش هتستفاد حاجة لو حاولت تعمل دا بالعكس هتضيع وقتك عالفاضي ومحدش خسران غيرك
فاستغلها لصالحك أفضل🥰

وأخيرًا
مش لازم تكون جامد عشان تبدأ،
بس لازم تبدأ عشان تكون جامد♥️

استأذن بقا عشان ورايا قاعدة ال5 ثواني ألحق اطبقها قبل الامتحانات 👀

بالتوفيق ليكم♥️))

آية مطاوع

تعرف أن الزراعة مش مجرد إنك تحط البذرة فالارض وتقعد تتفرج عليها تطلع ؟
انت محتاج تسقيها وتهتم بيها عشان تسمي دي زراعة وتقدر تجني من وراها اللي زرعته
واللي عملته فالأول دا اسمه الإنتظار العقيم.

إي هو الإنتظار العقيم دا؟
"هو إنتظار جني مالم تزرع"
انت مزرعتش أصلًا فمستني تجني إي؟

- واحد مذاكرش ولا تعب وقاعد بس يضيع وقت ويتفرج من بعيد ومستني يجيب تقدير حلو من غير تعب.
- واحد تاني بيأجل شغله وبيكروته ونادرًا لما بيشتغل أصلًا ولا بيطور نفسه في شغله قاعد مستني تجيله فلوس من الهوا.
-واحدة مطنشة اولادها وبتلهيهم بالموبايل عشان ترتاح من زنهم ومبتهتمش بتربيتهم كويس ومستنية تطلع اطفال صالحين وسويين ومش متعلقين بالموبايل وخارقين؟
((وقيس على كدا كل حاجة عمومًا))

- عشان تحصل التقدير الكويس، لازم تتعب وتذاكر كويس
- عشان تكسب فلوس لازم تتعب في شغلك وتطوير نفسك ومهاراتك وتشتغل بتكثيف
- عشان ولادك يطلعوا أسوياء وصالحين لازم تتعبي على تربيتهم وتتحمليهم
- عشان تحصل على جسم صحي ورياضي لازم تجبر نفسك تلتزم بالدايت وتنزل جيم وتتمرن.
- عشان تجني، لازم تزرع.

لكن متبقاش قاعد مضيع وقتك كله ورامي طوبة كل حاجة ومستني نتايج من الهوا بمحض الصدفة، مفيش نجاح بيجي بالصدفة!

هو دا اللي بيتسمى الإنتظار العقيم اللي لو فضلت عايش فيه هتضيع وقتك وعمرك وهتيجي فالاخر تلاقي حياتك فاضية ومجنيتش أي حاجة، لأنك مزرعتش أصلًا!

حط بذرتك من دلوقتي وأبدأ ازرعها واسقيها واتعب فالاهتمام بيها عشان تجني من وراها بعد كدا أحلى الثمار

بالتوفيق♥️))
آية مطاوع

"أنقذتني الكُتُبُ من الرّتابة والغَضَب والجنون وتدمير الذَات،
وعلّمتني الحبّ، بل وأكثر من ذلك بكثير،
ما جعلني أبادلُها حُبًّا بحبّ، ومن كلّ قلبي" ♥️