‍ ناله قالخدی خیمه گاهوندن ثرّیا اغلادی گوردی اغلار قیزلاری جنّتده زهرا اغلادی قوردولار بزم عزا لاهوته قاره چکدیلر ذات حق محزون اولوب ادمله حوّا اغلادی آغلیور دنیا سنون ای شاه دین احوالیوه هود و یونس باش آچوب نوح و مسیحا آغلادی گلشنون پرپر اولوب گُل لر سولان ساعت اقا ماهی لر دریاده،قوشلار گویده،دریا آغلادی اکبرون آغلار قویاندا خیمه ده یوسف لری یوسفین یاد دان چیخاردوبدی زلیخا اغلادی اصغرین اوچ شعبه اوخ ئوپدی او دم کی حنجرین گوزلری قانلان دولوب عرش معلّی آغلادی نهر علقمده ابالفضلین او پوزگون حالینه انس و جن یرده بوتون گویلرده حورا آغلادی اود تو کنده گون او گون ،گودالیده گویدن یئره دم به دم باشدان باشا اود دوتدی سینا آغلادی پیکرون آت دیرناقی آلتدا سیناندان وار یقین عالمین ارکانی سیندی کل دنیا آغلادی درد و غصه حدّیدن آشدی،خدایا قیل نظر سیندی جان پیمانه سی حسرتله مینا آغلادی عشقیدن گوردی(شفق)گویلرده قان آئینه سی حقّی وار یازسا سنه اللّهدا، مولا آغلادی #شاعر_منصوری_شفق_اردبیلی #اجرا_مریم_نوری #تنظیم_منصوری @avae_maryam 🖤🖤🖤🖤🖤🖤🖤🖤🖤🖤🖤🏴🏴🏴🏴🏴🏴🏴🏴🏴🏴🏴🏴🏴