مذكرات عجوزة 👵🏻 من أمّنك لاتخونه ولو كنت خاين معناه اياك انك تطعن من وثق فيك واعتبرك اخوه ورفيق دربه قصتي اليوم موجعة شوية واشتيكم تاخذوا العبرة منها انا فدا لكم😘 شخصيات القصة نعرفهم قوي وهم للامانة محترمين بس احيانا طمع الدنيا وحب الذات يغلب الانسان ويخليه يتحول لا شخص ثاااني هولا الاثنين بدأوا مشروع من الصفر وبفضل الله كبر المشروع والاثنين مع بعض واحد منهم كان الممول والثاني كان هو المحرك والمغناطيس للنجاح ومرت السنين والامور ماشية بينهم الممول بيشل ارباحه والثاني بيشل راتب رغم انه هو سعما قلت لكم المحرك والمدير والمستقطب باختصار كان صانع النجاح والقوة لتيك الشراكة مانقلش ان الممول خان المدير حقه بس زاد عليه الطمع وفي يوم وعن طريق الصدفة لقي المدير اوراق حسابات المشروع القايم من اكثر من20سنة وابسر انه كان يتعب ويشقى وياكل الفتات وصاااحبه الذي كان واثق فيه بيربح ملايين كل سنة ويوم جاء الغلبان ذيه يواجه رفيق دربه بالذي اكتشفه🥺 تكبر عليه براس المال حقه وان له على الغلبان الشاقي التاعب الف فضل😒 المهم قال المدير انا اتقول لك كلمه امنك الله في تعب السنين وبس والطمع والكبر سعما قلت لكم غلاب قام الممول يحفر لشريك عمره وحمار الشقى حقه وطيره من الشراكة بدون حتى كلمة شكر طبعا ذيه المدير ماهوش عاجز انو يشارعه ويقلع عينه لكن اخلاقه نادره قال العيش والملح ماهان عليا والله ايخرج حقي يااحفادي الخيانة شوعه والطعنه حن تجي من الاقرب اليكم بتكون قاتله وسعما بيقلوا اذا انت قادر تظلم تذكر قدرة الله عليك وتذكروا ان العيش والملح مايهون ابدا وياويل الظالم او الغدار اذا دارت الايام عليه واليوم دنيا وغطوة اخرة ماعنقل لله وكيف انواجه صاحب الحق الذي اكلناه يامنعاه فكروا في العاقبة والعواقب قبل ماتفعلوا اي حاجة في حياتكم مذكرات عجوزة 👵🏻 تسال الله انو يرجع الماء بينهم لامجاريها