🇹🇯🇮🇷Тоҷикистону Эрон дар Душанбе мактаби байналмилалии “Рӯдакӣ” месозанд. Дар ин бора Сафорати Тоҷикистон дар Эрон хабар дода, навиштааст, ки ин масъала рӯзи 1-уми январ дар вохӯрии Низомиддин Зоҳидӣ, сафири Тоҷикистон дар ин кишвар ва Муҳаммад Таботабоӣ, раиси Маркази умури байналмилалӣ ва мадориси хориҷии Вазорати омӯзиш ва парвариши Эрон баррасӣ шудааст. Маълум нест, ки ин мактаб кай бунёд мешавад. Вале хабаргузории "Ирна" навиштааст, ки ин масъала рӯзи 29-уми декабри соли 2024 дар мулоқоти Низомиддин Зоҳидӣ бо Алиризо Козимӣ, Вазири омӯзиш ва парвариши Эрон ҳам муҳокима шудааст. Ба навиштаи манбаъ, сафири Тоҷикистон гуфтааст, ки сохтмон ва фаъолияти мактаби "Рӯдакӣ" дар се самт - моликият, мӯҳтавои китобҳои дарсӣ ва мудирият бо мушкилоте рӯбарӯ аст. Гуфта мешавад, Низомиддин Зоҳидӣ барои ҳалли ин мушкил аз Алиризо Козимӣ дархост кардааст, ин масъалаҳо ҳаллу фасл шаванд ва ин мактаб ҳарчи зудтар кушода шавад. ✅Бо 😍 бошед: Telegram ✅