🖋 Бүгүн “Чолбон” сурунаал төрүттэммит күнэ   💫 1926 сыл сэтинньи 2 күнүгэр Саха АССР обкомун уурааҕынан «Чолбон» сурунаал төрүттэммитэ. Сурунаалы Саха АССР Үөрэҕириигэ наркомата уонна «Саха омук» культурнай-сырдатар общество тэрийэн таһаарбыттара. Көрөн таһаарааччылар – Анемподист Иванович Софронов, Василий Никанорович Леонтьев уонна Алексей Федотович Бояров. 1940 сылтан «Хотугу сулус» диэн уус-уран альманах быһыытынан тахсар буолбута.  1990 сыллаахха сурунаал «Чолбон» диэн бастакы төрүттэммит аатыгар төннүбүтэ.   ⭐️ Ааспыт үйэ 70-с сылларыгар оператор Василий Кустуктуров ытык дьоммут, ааттаах-суоллаах суруйааччыларбыт Семен Данилов, Владимир Новиков-Күннүк Уурастыырап, Николай Мординов-Амма Аччыгыйа, Серафим Кулачиков-Эллэй, Дмитрий Сивцев-Суорун Омоллоон "Хотугу сулуска" үлэлии олороллорун үйэтитэн хаалларбытын таһаарабыт.   @arhiv_nvk_sakha суруттар