✅SAYYOR QABUL: MUROJAATLARGA IJOBIY YECHIM TOPISH MEXANIZMI 🟣Bugun, 23-yanvar kuni Abu Rayhon Beruniy nomidagi Urganch davlat universiteti Madaniyat saroyida Xorazm viloyatidagi yoshlarning muammolarini o’rganish, ularga yechim topish, yoshlarning taklif va tashabbuslarini tinglash va qoʻllab-quvvatlash maqsadida sayyor qabul tashkil etildi. 🟣Unda Oliy taʼlim, fan va innovatsiyalar vazirligining mas'ul xodimlari, Oliy taʼlim, fan va innovatsiyalar vazirligi Xorazm viloyati hududiy boshqarmasi boshlig‘i, Xorazm viloyati davlat va nodavlat oliy ta’lim muassasalari rektorlari ishtirok etib, viloyatdagi oliy ta′lim muassasalari talabalari, abituriyentlar va ularning ota-onalarining soha bo‘yicha mavjud muammolarini muhokama qilish va yechimini aniqlash uchun har birlari bilan alohida muloqot olib borishdi. 🟣Muloqot davomida yoshlardan kelib tushgan savol va muammolar tinglanib, ular bo‘yicha amaliy yechimlar taklif etildi. Shuningdek, yoshlarning tashabbuslarini qo‘llab-quvvatlashga oid chora-tadbirlar belgilandi. Murojaatlar yuzasidan tegishli mas’ullarga topshiriqlar berildi. 🟣Mazkur tadbir yoshlarning ijtimoiy faolligini oshirish, ularning huquq va manfaatlarini himoya qilish, shuningdek, ularni har tomonlama qo‘llab-quvvatlashga qaratilgan navbatdagi muhim qadam bo‘ldi. 🌐aokaxorazm.uz | 💬Facebook | ✅Telegram |🌐Instagram