زي ما اللحظات الصعبة بتكشف الناس علي حقيقتها ، حتي لحظات الفرح بردو بتكشف صدق محبة الناس القريبين منك ، في ناس هتحبك طول ما هما مطمنين إنك اقل منهم ، المشاكل النفسية المُعقدة إللي عندهم هتطلع لما يشوفوك مبسوط بإنجاز في حياتك حتي لو صغير أو تافه بس هو مهم بالنسبالك و مفرَحك ، فيحاولوا يشوّهوه في نظرك أو يحبطوك بأي شكل ، مش أي قلب هيقدر يفرح بنجاح غيره ، أحياناً بننسي ان خطيئة قابيل أنه استكثر علي هابيل امتلاكه لحاجة شافها ميستاهلهاش ، و إن ده وارد يحصل من الناس القريبة لينا ، متستغربش هما هيستكتروا عليك الخير حتي و هما عارفين نصيبك من الابتلاء ، ربنا يكفينا شر فساد النفوس .
