الشاعر عمار الساعدي

شاهد ابداع الشاعر كامل السعيدي


https://t.center/kamelAbdullah

(كروب خاص بالقرأن كذلك يوجد قناة خاصة بتعليم القرأن الكريم)
https://t.center/ayaaa2585

ملازم ورد جاهزة لجميع المواد للمعلميين والمدرسين.


https://t.center/ahmed_alziwar14

تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://t.center/Alsaidyh

منين يابوية ابحزن كلبي ابتدي
بعد فكدك كون اموتن والدي
زادت الارزاء....من الى الزهراء
...........
شابعة بعدك بجي....ابكلبي الك كومة حجي
يامحمد
جنت الي في او ستر....هسه كل لحظة انعصر
مالي احد

ابد مامراني ضيم أنه ابحياتك
يارسول الله يبوية او ياغلاتك
جنت مانامن اذا ماشم عباتك

دمعي بعدك...ماابطله
بوية مثلك...وين احصله

من عفتني كمت انوح الوحدي
بعد فكدك كون اموتن والدي
موتك قد جاء...من الى الزهراء
...................
من يحس بيه منو...بيتي ظل ابلا ابو
من غيابك
بيتي مثل المكبرة....نبجي أنه او حيدرة
يم ترابك

البيت مظلم يامحمد من رحيلك
كلشي يبجي اعليك بويه ويشتكيلك
ليش يتمت الزجيه رد دخيلك

من عفتني...كمت اعاني
موتي بعدك...جن اجاني
باجر العدوان ضدي تعتدي
بعد فكدك كون اموتن والدي
تجمع الأعداء...من الى الزهراء
..................
بوية ساعة موتتك...اتحولت كل صحبتك
عالخلافه
عالخلافه اتقاسموا....حتى تشييعك نسوا
ياوسافه

بوية فتح عينك وباوع عليهم
صحبه خوانه وجنت تعرف حجيهم
بغضا بحيدر علي شالوا ايديهم

بالجنازة....مااجولك
جم وصيه...حرفولك
وعصرتي اعله الباب ظلت شاهدي
بعد فكدك كون اموتن والدي
ناري في الأحشاء...من الى الزهراء
.................
الجانت اصحابك امس...بوية رفسوني رفس
هالصحابه
ابيتي جنت أنه فقط...ومحسني مني سكط
عالترابة

صحت يافضة ابعجل بس سنديني
صحبتك ياحيف موتولي جنيني
،الأول أو اوية الثاني همة العاصريني

مارعولك ...اي وصيه
من الصحابة...شفت أذية
والله ماسامح ابد كل معتدي
بعد فكدك كون اموتن والدي
انهم غوغاء...من الى الزهراء
.....................
بوية كوم المبغضه...خذوا حك المرتضى
وأهل بيتك
سلبوا حك الولي....بالوصية ايهم علي
كظ وصيتك

لجل حيدر بوية اني كمت ادافع
رادوا الكرار الهم بس يبايع
لو تشوف ابخدي آثار الأصابع

فدك مني ....هم خذوها
بوية بنتك...مارعوها
باجر اعله الصار اشكي السيدي
بعد فكدك كون اموتن والدي
انهم كالداء....من الى الزهراء
..............
ونسألكم الدعاء
الخادم عمار الساعدي

يخواني جيت الكربله....من بعد الغياب
محد تلكاني اشعجب....ياولد ابو تراب
يابعد اعيوني الثنتين
ياعباس او خوية حسبن
انه زينب ...أنه زينب
.................
يخواني جيت الكربله أنه وهالايتام
شرد احجي ليكم يخوتي عن وجعه الشام
الضيم العليه باليسر مامر بالاحلام
ضدي العدة بذلك السبي متحزمة احزام

الشمر والله اشكثر اذاني
اسمع انواع الحجي خلاني
لو صحت فوك المتن طكاني

ياخوتي بدروب السبي...شكد طكوا ام عون
حتى العباية اتشككت....والدم عالمتون
ومحد شاف ادموع العين
ياعباس او خوية حسبن
أنه زينب...أنه زينب
....................
ياوسفة بدروب السبي شافتني هالناس
من انذبحتوا ابكربله كمت الطم الراس
وينك يبو الأكبر صحت وينك يعباس
أنه عزيرتكم ترة مابين،الارجاس

وسفه ياخوتي العدة شافوني
حركوا الخيمة ترة وحركوني
من الجهات الأربعة حاطوني

مدري أنه اطفيهه الخيم مدري احمي الاطفال
وكدامي يتضمحك شمر من جاب الاحبال
شدوا ايدي والرجلين
ياعباس او خوية حسبن
أنه زينب....أنه زينب
......................
ياخوتي من بعد الخيم بتنة ابخرابات
مو عالحصيرة نفترش فوك الترابات
واسمع حجيهم وانهضم شو كافلج مات
واشبكهن العشرة واون واصرخ حرامات

اخ لو موجودة ذيج الرايه
جان مايحجون اي احجايه
بس زماني شو عكس ويايه

جيف أنه حرمة بلا ولي وابلاية حراس
كامت علية بهالغرب تتمرجل الناس

وين الناس وانتم وين
ياعباس او خوية حسبن
أنه زينب....أنه زينب
.....................
من الشام اجيت الكربله يهل المحنه
بيدينه جبناه الدرب نلطم وجهنه
من الناكة طحت اعله الترب لمن وصلنه
ياخوتي كمت ازحف زحف لكبور اهلنه

والله جيت ازحف أنه لكبوركم
غير اموت أنه اذا ما ازوركم
لهسه بعيوني صور لنحوركم

الكم اجيت امغمضه والله لكبركم
ياخوتي حتى بهالكبر فايح عطركم

واقرة الكم سورة ياسين
ياعباس او خوية حسبن
أنه زينب....أنه زينب
..................
ونسألكم الدعاء
الخادم عمار الساعدي

الماخدم لحسينه...مو وفاي

.........
حضرينه احنه المواكب...بالجنوب وبالشمال
بسم الله اتوكلينه....صحنه يالزاير تعال
اتحزمت لجل الزيارة...نسوة واطفال ورجال
لاتهم اكصد يزاير....يمنه تشبع بس دلال

الك لازم...أنه الخادم...احطك بالكلب
على العادة....لبو السادة...تفضل يمي طب

بس اهلا تسمع بلساني
بنص دياري امشينه...يله وياي
الماخدم لحسينه....مو وفاي

...................

حسين فاتحته جبيرة...المابخل بابنه الرضيع
والمواكب كلهه بسمه...نذر صارت للجميع
خادمة بنص هالمواكب....لجل كل زاير مطيع
الخادم الخاطر دمائه...يبذل اشما يستطيع

بذل كلشي...على اليمشي...ولاضم اي فلس
لبو اليمه...نذر اسمه....صدك طيب نفس

واليخدم زاير هنيالة
الينطي من ادينه...شربه ماي
الماخدم لحسينه...مو وفاي

......................
هله بكل زاير يجينيه...من ديارة الكربله
والشوارع كلهه صاحت...ابولد ابو الأكبر هله
هالعزوببه احنه اهلهه....واليجينه اندلله
الماتكفيله المواكب....بالكلب نفرش اله

فدائية...حسينية....يالاصفه ام الذهب
فلا همنه... تعلمنه....من الحرة ام وهب

والمهدي ايعزب ويانه
بكل درب مهدينه...رايح جاي
الماخدم لحسينه....مو وفاي
................
بكل مواكب صرخة وحدة...يمنه زاير استريح
صار استنفار عدنة...من أجل دم الذبيح
مرة ياحيدر ننادي....مرة ابو الأكبر نصيح
بيرغ العباس شلنه...يبقه عالي او مايطيح

ترة الرايه...تضل هايه....ترف ليل ونهار
حملناهه ...او رفعانهه....تظل النه شعار

والرايه ترف للمشايه
جم علم علينه....للمشاي
الماخدم لحسينه...مو وفاي
...................
ابد ماكلنه تعبنه....ليل نخدم وي نهار
نخدم المشايه كلهه...واحنه الهم بأنتظار
حسين للخادم هويه....واليخدمه كلبه حار
الزاير اليمشي الطريقه....بالكلب نبنيله دار

تعاهدنه...وتوحدنه....كلب واحد نزور
دعينه الرب...مع زينب....نجي انزور النحور

وحسين انطوف ابشباجه
بحضرته نادينه....يامولاي
الماخدم لحسينه....مو وفاي
...................
ونسألكم الدعاء
الخادم عمار الساعدي

ها يالهواشم زينب اهنانه
اتلكوهه اختكم والله تعبانه
..............
ها يالهواشم زينب...امن الشام اجتكم تنحب
كوموا اعله اختكم كوموا...بردوا كلبهه اليلهب

ام عون اختكم هيه...ليكم ترد مسبيه
جم لوعه عاشت بالشام...مو وحدة فوك الميه

من التعب والضيم ذبلانه
ها يالهواشم زينب اهنانه
.....................
الشام اشكثر اذتهه....ليكم اجت يخوتهه
من وصلت الطف هيه...ظلت تزخ دمعتهه

ماواحد اتلكاهه....كومة حرم وياهه
تصرخ على الكافلهه...وتتعثر ابممشاهه

والشوفه العباس عطشانه
ها يالهواشم زينب اهنانه
.......................
اتجر الجدم بالكوة.....وتنادي وين الخوة
ليكم اجت ملهوفة....بيهه الزمان اشسوة

متعوبه بنت الزهرة....يمنه تباوع يسرة
كبر ابكبر تندهله....ياهمهه والله اشكبرة

بالغاضرية تصيح هاي أنه
ها يالهواشم زينب اهنانه
......................
ام عون اختكم رجعت...ضيم وضلايم شبعت
من عاشت بنص غربه...ابشع شتايم سمعت

محد هله كللهه....بالطف منو ظل الهه
لحسين تشكي مرة....ومرة تجي الكافلهه

من كد المهه الروح وجعانه
ها يالهواشم زينب اهنانه
........................
ماواحد ايحاجيهه...يسالهه هيه اشبيهه
مو موته ماتت هيه....جم مرة الموتيهه

فروهه ديرة الديرة....زينب كضتهه ابحيرة
بالشام ويه الكوفه....المن وجهه اتديرة

بالشام كل الناس خوانه
ها يالهواشم زينب اهنانه
....................
ونسألكم الدعاء
الخادم عمار الساعدي

لو هيج الزلم لوله
لعبوا بالحرب جوله
..................
ذوله انصاره بالخدمه
زلمه امحزم ابزلمه
كلهم صاحوا ابكلمه
فدوة الروح ابو اليمه

طبوا كربله...بيهم ياهله
صحبه من صدگ...أهل المرجله
الهم تحله هالصوله
لو هيج الزلم لوله
................
الكاع ابكربله انرجت
هامات الزلم وجت
چنهم عاصفه وعجت
واصوات الرعب ضجت

من طبوا سوه...رعدت نينوه
اصحاب ونعم....خنگوه الهوه
الطف ايصيح ابطوله
لو هيج الزلم لوله
................
موش الصحبه بالكثره
گلبوا يمنه عاليسره
كله الخاطر الزهره
عشره طبروا ابعشره

هالكون ارتعد...والصايح صعد
من صاحوا علي...ياحيدر مدد
ذوله اربات الفحوله
لو هيج الزلم لوله
.................
واحدهم صدگ هيبه
شاب ايقاتل وشيبه
ثبتوا والله بالنيبه
كلهم مرجله وطيبه

من اطهر بشر...ياقوت ودرر
صحبان وذهب....باقين الاثر
يم الباري مقبوله
لو هيج الزلم لوله
.................
حرگوا اخضر ابيابس
خلوا نينوه اترافس
فارس يسوه وي فارس
كلهم بللعشگ عابس

الكون بأكبره....صاروا مصدره
واحدهم علم....دنيا واخره
هاي الكلمة مگيوله
لو هيج الزلم لوله
................
ونسألكم الدعاء
الخادم عمار الساعدي

30
...........
هايبني يعبد الله
ها يبني يعبد الله
..................
ياعبد الله يوليدي
عطشان ومتت بيدي
موش اوريدك اوريدي

أنه امصوب ابنبله
ها يبني يعبد الله
..............
يوليدي شنو ذنبك
نبلة حرملة اتصوبك
ذاب امن العطش گلبك

فگدك يبني مو سهله
ها يبني يعبد الله
................
يبني النبلة اذتني
والله بگلبي صابتني
نار الفرگة چوتني

بيه الظالم اشخله
ها يبني يعبد الله
..................
ردتك يبني تتروة
ازغير وانت تتلوة
من حضني رحت گوة

أنه إب وفگد طفله
ها يبني يعبد الله
....................
بيدي تغفه ليليه
وجهك اصفن ابضيه
بعدة عمرك اشويه

تارك بالگلب عله
ها يبني يعبد الله
..................
بيه الفاجعة اشخلت
ها ياوردتي الذبلت
ليك ادموعي هالنزلت

بعدك نوحي مابطله
ها يبني يعبد الله
.................
ونسألكم الدعاء
الخادم عمار الساعدي

29
........
ذوله احنه خدام حسين الله وعلي ويانه
...............
حب الفحل وحدنه
وانحب صدگ سيدنه
غير الحسين اشعدنه
يبقى السبط قائدنه

ام الحسن وأم حسين طول الدرب ترعانه
................
من دربه من يمنعنه
يبقه السبط مرجعنه
من دونه ماكو معنه
لو ما وجودة ضعنه

نقسم قسم دون حسين ماتسوه ابد دنيانه
..................
كل خادم ايشد حيله
قاسم قسم هالليله
بالخدر وكل شيله
ماننسة حامي العيله

ماننسة ثار العباس وعيونه وي ذرعانه
................
كلمة شرف شيعيه
خذناهه من بدويه
ابكل الكرة الأرضيه
نخدم نظل يوميه

ابخدمتنه نفخر عالكون لو ضدنه كل اعدانه
...................
بيدينه تبقه الرايه
نحملهه كل اقرايه
عدنه الجنون اشوايه
للموت اله شرايه

وي أمه نلطم كل يوم كل الخدم حزنانه
....................
الموتة ابسبيله حلوه
دمنة الدمائة فدوه
هذا الحسين ويسوه
وابلا غرامه بلوه

بلوه الترك درب حسين نص السعير امچانه
.................
ونسألكم الدعاء
الخادم عمار الساعدي

28
..............
مضحين.... كلنه مضحين
يالحسين....نقسم يالحسين
.................
اجينه الكل نجاهد....ساعد ويه ساعد
امك شاهدة ابهاي...علينه والله شاهد
اذا تفتح هالگلوب...اسمك بيهه گاعد
تعرف صحبتك زين..زلم يوم الشدايد
اذا خيرونه نختار...غيرك ماكو واحد

محبين...نهتف محبين
يالحسين.... تقسم يالحسين
................
يمن فدوات لاسمك..نبوس اتراب جدمك
شنهو الدم يالحسين...اذا مانفدي دمك
بصبعك اشر وشوف...نفوت وداعة امك
هاي الساحة والجيش...سحل نسحلهه يمك
عندك صحبة زينين....هدفهه الكل تخدمك

موالين....لاسمك موالين
يالحسين....نقسم يالحسين
................
بس انطينه فرصه....جيش الشر نگرصه
الهواشم خلهه ترتاح ..ابحربكم النه حصه
ابو فاضل ليغتاض ..اله هالجيش نصه
زلم والخيل هاليوم ..نطگ گصه اعله گصه
مثل موسى ابن عمران....بديك انصير عصه

الميادين....نهوه الميادين
يالحسين.... تقسم يالحسين
................
اليموت اوياك رحمه...الزهرة اتسجل اسمه
كل واحد بالانصار...يموت الليله حلمه
محله الموتة يحسين ..فدائك هاي نعمه
جيشك يابو الاحرار....نزل عالجيش نقمه
والماجاهد وياك....ابد مو خوش زلمه

قرابين....جيشك قرابين
يالحسين....نقسم يالحسين
................
يشيخ وبيك نفخر...ولينه يابو الأكبر
نفوت بزود ونشيل...يابس ويه الأخضر
تصيح بصوت للموت...يظل مولانه حيدر
نخلي الحومه يحسين...تصيح الله اكبر
مثل طبات عزريل...نطب اعله المعسكر

جبيرين....زلمك چبيرين
يالحسين....نقسم يالحسين
................
ونسألكم الدعاء
الخادم عمار الساعدي

27
...........
ويلاه اصيحن حيل ويلاه
يحسين كل الهم جرعناه
................
تعبانه من گد الركض
يامن بگيت اعله الارض
بعدك عذابي مايفض
بس القهر والضيم شفناه
ويلاه اصيحن حيل ويلاه
.................
ياخوية وليتني الغرب
معمية من نار الحرب
ومورمه من گد الضرب
كلما اصيح اعليك احاه
ويلاه اصيحن حيل ويلاه
..................
شدوا ادية بالحبل
ويسب اخيتك چم نذل
چم طفله احامي وچم طفل
ذاك الدلال الكل فگدناه
ويلاه اصيحن حيل ويلاه
...................
اه يالعفتني املچمه
يالجثتك تنزف دمه
ترضاهه سبوا فاطمه
كل الحچي الماصخ سمعناه
ويلاه اصيحن حيل ويلاه
.....................
عايفتي وحدي امسلبه
أنه اختك المتعذبه
شوف العبايه امتربه
طاح العزيز الچنة بحماه
وبلاه اصيحن حيل ويلاه
....................
شوف الادين امشبگة
ورجليه كلهه امحرگة
حتى عبينة امشگگه
گمت أنه انادي واحسيناه
ويلاه اصيحن حيل ويلاه
.....................
وينك يبو طول الحلو
حرمه بگيت ابلا أخو
يتشمت اگبالي العدو
ويگول اخيچ هالكتلناه
ويلاه اصيحن حيل ويلاه
.....................
عدواني لاحظ لابخت
بيديهم الحرة انسبت
ياعشرتي اوياك انگضت
اه ياحنان الاخ فگدناه
ويلاه اصيحن حيل ويلاه
....................
ونسألكم الدعاء
الخادم عمار الساعدي

26
............
يوليدي جسام....يوليدي جسام
.................
امك تكسر الخاطر
گلب امك اشگد حاير
الله يساعد گلبي
جمر بغيابك صاير

تفكيري كله يمك
يايمة ياروح امك
مت بغيابك يالولد
بالخيمة جابك عمك

يوليدي جسام....يوليدي جسام
................
مو ظهري بس المحني
طاح ابغيابك متني
ماوچد أنه ابعيني
ها يالولد ها يبني

فدوة رحت لعيونك
وشلون اعيش ابدونك
يبني يتعب اسنيني
من امك ايحرمونك

يوليدي جسام.... يوليدي جسام
....................
عمري بعد مايسوة
يابو حواجب حلوة
متگطع انت گبالي
راحتلك امك فدوة

تكبر گلت واخطبلك
وابعرسك اني افرحلك
ومتخيلة ازفك بيدي
كل لحظة چنت احسبلك

يوليدي جسام.... يوليدي جسام
................
يوليدي چنت اتمنه
بيديك احطن حنه
وكل ربعك ايزفونك
وابعرسك أنه اتهنه

العرسك اعد يومية
وامحضرة الصينية
تالي تجيني ابدمك
وافتر زماني بية

يوليدي جسام.... يوليدي جسام
..................
واهدومك امحضرتهن
وابعنبر امبخرتهن
كل ساعة اشمن بيهن
بعدك منو اليلبسهن

محضرة الك هلهوله
تتركني مامعقوله
تالي تروح ابساعة
چن امك المچتوله

يوليدي جسام......يوليدي جسام
....................
ونسألكم الدعاء
الخادم عمار الساعدي

25
............
مثلك مايصح كافل
يالعباس ابو فاضل
................
راعي الجود...غيرة وزود
يارداد الحگوگ
والريشات ...فوگ الرأس
بس الراسك تلوگ
من تفوت...مثل الموت
تشمر بالرگب فوگ
تاج الرأس...يالعباس
ها يمخيط الحلوگ

سيفك كلش ايعور
مثلك سيدي ايشور
يالعباس ابو فاضل
..................
مثل السيل....زلم وخيل
گدامك يغرگون
كلش حار...تجدح نار
عينك يااخو ام عون
بالميدان ....هالفرسان
من طولك يلبدون
چنك ريح...من تصيح
من صوتك يجمدون

خشم العايل اتفركة
يالعاڜگ شكو عركة
يالعباس ابو فاضل
................
سيفك لاح....والكل صاح
جاكم داحي الباب
هالخيال...مثل الصال
بالخندگ والاحزاب
كل الفين...فوگ الفين
تشمر فوگ الاتراب
تذبح بيد....تسطر بيد
ها يمشلع الارگاب

مامرة ابحرب ترمش
نسخة والدك كلش
يالعباس ابو فاضل
..................
رايح جاي...فوگ الماي
غصه بهالزلم حاط
حربك عيد...ياصنديد
يازلمة امن الاگماط
يابو ذراع...تلوي اسباع
يالاول بالزماط
واللاگاك...ياعراك
بيهم تعگط اعگاط

انت الفارس الاول
دومك سيدي امعدل
يالعباس ابو فاضل
......................
ياصياد...يارداد
كلمن ماله رداد
ياسياف... يابو چتاف
دحرت هاي الاعداد
كل الجيش...يمك بيش
بيهم رايح أو راد
ياحياك...من يمناك
صارت كربله ارماد

زلمة ومن ظهر زلمة
سويت الصبح ظلمة
يالعباس ابو فاضل
.....................
ونسألكم الدعاء
الخادم عمار الساعدي

24
..................
خوية هذا الليل اخر ليل الي
خل اشمك واشبگك يابو علي
لو طلع باجر صباح
راح اشوفك عالرماح
...............
خوية آخر مرة هاية
نگعد بهاي الخيام
للصبح خلينه نسهر
وبالبچي يصير الكلام
يهنة خوية النوم بعدك
بعد هالليلة حرام
جنت متعودة اعله صوتك
أنه ليلية امن انام

والله مايهدالي بال
باچى اتضل عالرمال
منذبح باچر اشوفك وي هلي
خوية هذا الليل اخر ليل الي
....................
خوية خل نسهر سوية
بخيمة وحدة خل نبات
أنه اريد اوياك اسولف
خل نرجع الذكريات
الليلة أخر ليله هايه
باچر امودع الحياة
والله باچر لو عفتنة
نضيع اني والبنات

باچر بدونك نضيع...كلش الموقف فضيع
باچر الصرخات بالطف تعتلي
خوية هذا الليل اخر ليل الي
....................
ارد اگضي الليله يمك
حتى نحييهه سوه
ارد اشمن هوه منك
باچر ايضيگ الهوه
باجر الليله بدونك
ينطفي منهه الضوه
خوية خل نلتم سوية
ونلتف بهذا اللوه

خل يغطينة اللواء...مثل اصحاب الكساء
مثل اخوية وجدي والام وعلي
خوية هذا الليل اخر ليل الي
..................
شلون اشوفك خوية باجر
حافر يدوس عليك
وراسك اتگطعه الاعادي
كل نفس مايبقه بيك
خل ابوسن خنصر ايدك
باچر يضيع امن اديك
خوية باچر اشبع أنه
ضرب بسياط امن اجيك

باچر اشبع بس حرگ...وبيه چم سوط اليدگ
جروح بيه باچر اشگد تمتلي
خوية هذا الليل اخر ليل الي
....................
باچر اعله التله اصيحن
ومحد ايردلي جواب
ياحسين وچني اشوفك
وصله وصله اعله التراب
مذبحة اهلك واخوتك
شيب واطفال وشباب
ياحسين وباچر اني
راح اموت امن العذاب

من يلفوني ابحبل...يمي ماواحد عدل
عالنهر يبقه الي گال ادللي
خوية هذا الليل اخر ليل الي
...................
ونسألكم الدعاء
الخادم عمار الساعدي

23
............
قاسم ياجمال الله
طب وهلهلت رمله
...................
طب ولف الانگاب
چنه الحيد ابو تراب
شاب وبالحرب حار
ابسيف المجتبى طاب

فدوة الذيج العيون
اجمل شاب بالكون
ابمهرته صال عالجيش
خله الكل يلبدون

لف اعمامة المجتبى عالرأس
لابس درع ابوه واللامه والطاس
عمه حسين گله عفية بالحيد
تسلم بين اخوية ايصيح عباس

تتمايل خلاهه الحومة

يدبج صار عالمهرة....ابراسه لايگة الخضرة
قاسم ياجمال الله
.................
جاسم شبل الاسباع
رابد بيهم الگاع
منه الكل يشردون
يغط عالجيش كل ساع

رعبهه وحتى الخيول
عگرهه لمن يصول
ابن هاشم بالعراك
اخذهه العرض بالطول

دگرهه الكل دگرهه الانس والجان
مثل صولات جدة علي من چان
كلهه تصيح فدوة ادخيلك اليوم
سيفك خله بيهه هواي نيشان

برگاب الجيش ايحد سيفه


العسكر منك اتچوه....نازل الهم ابقوه

قاسم ياجمال الله
.................
يشاب وبالحرب صال
يفدوة الحاجبه اهلال
ابو عيون الوسيعات
بخزرته اتطيح الارجال

يطگ بيدينة عالروس
الزلم خلاهه متحوس
يكسر بيدة الارماح
وجهه الحومة مخلوس

وصل سابع سمه من عدهم الصوت
من جاسم زلمهم شافوا الموت
يستنگي اعله كيفه جاسم اليوم
ابو النفس الابيه امن الله مبخوت

شالاهه الحومة او دگاهه

تارس بيهم البيدة...هوس والعلم بيدة
قاسم ياجمال الله
...................
بعد كل شردة متفيد
الحرب للهاشمي عيد
الشجاعة العندة جسام
وراثه من علي الحيد

ذبحهه الروس الاكبار
بقت تتباچه الازغار
برجل جاسم يبوسون
كتلنه سيفك الحار

دخيلك كافي فدوة ابروح الحسين
ترة العسكر گضيتة وطار ثلثين
هذا انت وگظيت الجيش جسام
بعد اشوية عمك يكتل امنين

بالراية ايهوس بالنيبة

اترك للشهم حصة....العسكر طيرت نصة
جاسم ياجمال الله
..................
يشمر بالزلم فوگ
زلمة وفارك احلوگ
جاسم من صدگ حيد
سايگهم صدگ سوگ

صارت كربله ارماد
العسكر بيدة ينباد
يصول ومثل الاعصار
بيهم رايح أو راد

خليت الزلم بس تنزع هدوم
وبوكت الظهر شافوهه النجوم
كل فارس اجاك اتضربه بالسيف
فنه المن ضربتك يگدر ايگوم

ضرباته من الجد موروثه

ضربة سيفك امرورة...مدري اشايلة احرورة
جاسم ياجمال الله
....................
ونسألكم الدعاء
الخادم عمار الساعدي

22
.... ..........
شيخ ونفض عباتة
صارت جمر ريشاتة
حلف راعي اللوة...يگلبهه نينوة
...............
يامحلة صارمة ...وذراعه للسمة
سبحان الراسمة...وجه عندة اشحلاته

كسر وجه الگمر...مايشبه البشر
نص كربلة ظهر ...صفات الرب صفاته

مثل الجبل گوي...يلوي الزلم لوي
شايل خلگ ابدوي...الحرايب ذن مالاته

اذا طب ابحرب....طبگ شرق ابغرب
مثل الفحل حملاتة
شيخ ونفض عباتة
...................
حي الله هالسبع...مايلبس الدرع
ذرعانه بالصفع....تخلي الشارة بيهم

عباس ابو البخت...ريشاتة دخنت
والمهرة بي سرت...تگله ها عليهم

والهدة تحله اله...خالسهه كربله
خزراتة قاتله...يكبر من يجيهم

دابج فوگ الأرض ..ملك طول ابعرض
مثل موسى ابعصاتة
شيخ ونفض عباتة
....................
زلمة وما ينلحگ...خله الطف يحترگ
من هاشم بي عرگ....يعرگ الهاشمية

والله يحب العرك...بيهم يفرك فرك
دايس روس الشرك...تصيح الغوث امية

للغيم الدم صعد...ورنة سيفة رعد
سيفة ايگله بعد....نصف ليك والية

يضربة صارمة...تگاطف للسمة
تخلس خلس صيحاتة
شيخ ونفض عباتة
................
حوك وكلش كلف...شنو السبعين الف
نتف بيهم نتف....مثل نتف الشوارب

سيد هاي الحرب...غالب ماينغلب
استاذ بهالضرب...يموت اعله الحرايب

الهم سد الطرق...يطرق بيهم طرق
نازل مثل البرق....على الوالد يحارب

بطل هالهاشمي...عماهه الكل عمي
ينور الله اشحلاتة
شيخ ونفض عباتة
..................
الله انطاه منزله.... الكافل لاگت اله
الأول بالمرجله...والاول بالاخوه

نعم الأخ للاخو.....الكاسر ظهر العدو
العباس اشگد كفو....بطل للغيرة هوه

اخو حسين وحسن...شهد ليه الزمن
ستر لختة أو وطن...ينگط بس مروه

سبع من المهد....اسد وابن الأسد
نذر للاخ حياتة
شيخ ونفض عباتة
..................
ونسألكم الدعاء
الخادم عمار الساعدي

21
...........
راح اخوية....راح اخوية
اه يزينب.....راح اخوية
................
هسه چنت يمة....مات الاخو الزلمة
لو بس تشوفينة...عينج صدگ تعمة

رحت امشي بالگوة...متعني للخوة
مو ذاك ابد طولة....ماچن ابد هو

راح اخوية...راح اخوية
.....................
خوية انكسر حيلي....راح اليتچيلي
ابعيني گمت ماشوف...صبحي أنه من ليلي

بيه صدگ غصه....باقي الگمر نصة
لو شفتي دم هامة....يابس على الكصه

راح اخوية....راح اخوية
.................
شگ السهم عينه.....ومتگطعة چفينه
هو بأخير انفاس.... يطلب تعذرينه

شابع طبر شابع.....وي الترب طابع
ماباقي من عباس....كل الگمر ضايع

راح اخوية....راح اخوية
.................
يشبگني مايگدر....گدامي يتحسر
ماعندي جف يگول....ياخوية ابو الأكبر

خفت الچم جروحة ... ودموعي مفضوحة
يازينب العباس....بيدي اشهگت روحة

راح اخوية....راح اخوية
...................
جيتج انه ابحرگة…گلبي و گف حگة
عفت الاخو عالماي…طايح مثل ورگة

صواب الگمر بيه….يختي يعلويه
من النهر لهنا….زاد العمر بيه

راح اخوية…راح اخوية
……………….
راح الگمر صوته….والروحة مبخوته
من راح اخوية الحيد…..مت انه الف موته

ماظل الي واحد….شيصبر الفاگد
ياعازة الخوان….الله علي شاهد

راح أخوية ….راح اخوية
…………….
ونسألكم الدعاء
الخادم عمار الساعدي