بالطفوف اربع بنينج كحلو يالطيبه عينج عالي ظل بيهم جبينج والنعم ____________ انطيتي لحسين اربع ابنين اليوث وتكولين خجلانه انه منه ياضوه العين انت تردين اوياهم تضحين يل كلج محنه وفيه ومنج اتغار الحمامات يمن انفاسج يطلعن كرامات وفيتي وكلتي لحسين السلامات بالوفه ما الج مقابل يامره اتضحي ابو فاضل اولادج الجانو يمينج عالي ظل بيهم جبينج والنعم _____________ انتي للناس قبلة احساس كلبج اكبر من وسع دنيا بكبرهه كلتي عباس ماله مقياس لجن فدوة انطيه للزهره وكمرها تموت الواحد ايروح ابولدهه بس انتي التضحي بكلشي عدهه عظميه وتفرح الزهره قصدهه للزجيه انطيته ولدج حسين منهم اغله عندج ابدور قدمتي بادينج عالي ظل بيهم جبينج _________________ يم الاقمار غيرتج نار المثلج وعباس ابنهه تنوصف بيش ابنج الحار قاد الانصار جان من يخزر عليهم يشرد الجيش اسباع اولادج وضحو بالارواح علي من النجف كلهم كلبي مرتاح قرولج فاتحة هذا اعظم اسلاح والنعم تربات حيدر بالوفه يرسمون منظر بيهم يبين حنينج عالي ظل بيهم جبينج ____________________ عالي الشان فوك الاكوان صرتي ملجأ للعليه ضاكت حياته انطيتي شجعان ويه عثمان عون وي عبد الله والكافل خواته ابطال وجانوا لسيدهم عيون اذا حشمت زينب كلبو الكون اذا هدهوا ولد حيدر يكولون حيدرا البيهم تفاخر يا بطل يمهم تجاسر كالوا الزينب نعينج عالي ظل بيهم جبينج _____________حسين المحامي