وصية أم البنين لولدها القمر ع ليلة اربعه محرم...ام البنين ع لا ترد عباس يبنـــــــي لا تـرد نـــــذر لحسيني نذرتك يلولد توفّي يمــــــه ادري بيك بكــــــــربله تـشمر أديك فدوه عينك والزند ـــــــــــــــــــــــــــــــــــــــــــــــــــــــــ گلبي ابوداعه تعطل نشف دمـــــه تدري يايمه اختنگ لوما اشــــــمه چلمه من عندك ييمه انطني چلمه ماتخلي اخيول اميه ادوس جسمه گبلـــــه كونـــــك تنسحگ لجلـــــه دمـــــــك يحترگ وللخيول الغايره ابصدرك تصـــد لا ترد عباس يبني لا تـــــــــــــرد ـــــــــــــــــــــــــــــــــــــــــــــــــــــــــــــــ رخّص الروح لأخيك يــــبني فدوه حته ويه الزهره وجـه الملگه يسوه أنته وخوانك افزعو وصيرو تـــچوه عين عدوانه اعله چفه تبوگه گــــوه طيح گبلــــه عله الثره ضحي فدوه لخنصــره لاتعوف احسين وحده وتبتعد لا ترد عباس يبـــني لا تــــــرد ـــــــــــــــــــــــــــــــــــــــــــــــــــــــــ انه أدعيلك ييمه وهايه شيلــــــــه حرز شديته بيمينك للعقــــــــــــيله وصيه هاي وهاي الوصيه ثجـــــيله مدللــــــــــه وبالك يركبوها بهـزيلـه تحرس اختك يا سـمح حته لــــو راس ابـرمح ماكو غيرك اختك اعليه تستند لا تـــــردعباس يبني لا تــــــرد ــــــــــــــــــــــــــــــــــــــــــــــــــــــــــــــ صيت خل بالعلگمي والماي اشمره منيدك ولايطفي گلبگ أبد جــــمره هامتك اوكطع چفك صـــــار كسره الابن ابوك بغيبـــــــتك ينباگ عمره هيبه انته اوجيش الـــه هـــوا وخته دللــــــــــه يمه حلفتك بقل هوا الله احد لا تــــــــرد عباس يبني لا ترد ـــــــــــــــــــــــــــــــــــــــــــــــــــــــــــــــ دير بالك دمع زينب يـــــطر خدها هيه جم عباس بالطف يبني عدهه غيرتك ترضى العدو بهزله يشدها وبالصحاري اعداك يسبوها وحدها راح يذبحها السؤال ليش مشدوده ابحبال وين كفالج الچــــــــانالچ سند لا ترد عباس يبنـــــــي لا تـرد ــــــــــــــــــــــــــــــــــــــــــــــــــــــ تمت والحمدلله خادم الزهراء ع ياسر الزيادي