View in Telegram
Forwarded from نشر القصائد الحسينية لجميع الشعراء
#قصائد_ام_البنين
🖤الســلام علـﮯ مدرسة الوفاء ام البنين 🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
الدنيه ليل ابلا صبح .. بفراگم
وانـه يومـيه انجـرح .. بفراگم
اتــمـوت ام الاربــعـه .. بفراگم
-----------------------------------------------
حالـي حـال ام الولدها فاگـده
والـده وتدرون گـلـب الــوالده
اندعي گظـيت عمـري ساجده
الظـعن يا الله ادعـي اتـعـاوده
ادموعي عالخد تنفضح .. بفراگم
وانـه يـــومـيه انجـــرح .. بفراگم
اتـمـــوت ام الاربـــعــــه .. بفراگم
-----------------------------------------------
لــشوكت امكـــم تظــــل اتـــاني
وعـن ذكــركـم مايمــل الــــساني
انبنه فوگ اخدودي بيت احزاني
تـــره دمـعــي الـــي جـــره اذاني
والله كل دمعه رمح .. بفراگم
وانـه يوميه انجـرح .. بفراگم
اتـمـوت ام الاربــعـه .. بفراگم
-----------------------------------------------
يالرحلــتو ابمحـنتي عـفـتوني
من بــعدكم مـا اريــد اعيــوني
صعبه اعيش ابغيركم تدروني
انــشاالله اتــردون ماتنـسوني
عيني احس بيها ملـح .. بفراگم
وانـه يومــيه انجــرح .. بفراگم
اتـمـوت ام الاربــــعــه .. بفراگم
-----------------------------------------------
هسه زينب كون اشوف اشحالها
ردت اناشدهــا امنـَصير اگـــبالها
خـــــاف قصــر بالضــعن كفــالها
ادري مايــحمـــل هـــظــم دلالها
صعبه لو صار الجرح .. بفراگم
وانـه يوميه انــجـرح .. بفراگم
اتـمـوت ام الاربــــعـه .. بفراگم
-----------------------------------------------
ليــش روحي ماطــفت نيرانها
خــاف زيــنب ابــتدة احــزانها
الخيمه بس لامحترگ صيونها
جاي اشـم من كربــله دخــانها
هالخبر بس لايصح .. بفراگم
وانـه يوميه انجـرح .. بفراگم
اتـمـوت ام الاربــعـه .. بفراگم
-----------------------------------------------
ابــو فاضل دوم اناشـد ويـنه
مـومــهم لــو تنــگطع چـفينه
خاف هوه قصر اويه حسينه
انه وصيــته يحـفظه ابعــينه
مــو مهــم لو ينذبح .. بفراگم
وانـه يوميه انجـرح .. بفراگم
اتـمـوت ام الاربــعـه .. بفراگم
-----------------------------------------------
اشكثر مشتاگه امكم وتدروها
والوصـيه كــون مـــاتنــسـوها
ابحيره زيــنب يــمه لتخـلوها
اوحيده لو ظلت تره يـسبوها
وبالحـزن راح اتـشح .. بفراگم
وانـه يوميه انجــرح .. بفراگم
اتـمـــوت ام الاربـعـه .. بفراگم
-----------------------------------------------
تمت والحمد لله
حيدر تركي الكربلائي'
Love Center
Find friends or serious relationships easily