#قصائد_محرم_1441 ــــــــــــــــــــــــــــــــــــــــــــــــــــــــ مولاتي ام البنين ع يا بِشِر تدري .. ينتهي عمري لو تگلي بكربله مات الحسين """"""" لو اسولفلك اظن تبچي اعله حالي ام او ربت اربعة وسهرت ليالي فدوه للغالي گلت ذوله الغوالي تالي مات حسين جاي اتگلي تالي عيوني تهمل دم .. لا يبن حذلم ميتة بعده وتنتهي ام البنين لو تگلي بكربله مات الحسين """"""" يا بِشِر مو هالخبر .. احچيلي غيره لو گلت مات .. الفُظ انفاسي الاخيره مات ابو اليمه تره احچايه چبيره يعني زينب بعده مسبيه واسيره تنضرب يعني .. والظهر محني تعمه عيني وراح اظل بلايه عين لو تگلي بكربله مات الحسين """""""" يا بِشِر بالله عليك حسين وينه لا تگلي ابكربله گطعوا وتينه ما اصدّگ ابن فاطم ذابحينه عاري لتگلي وردائه امسلبينه وبالشمس جسمه .. آ يبو اليمه ما اصدّگ ابني محزوز الوتين لو تگلي بكربله مات الحسين """"""""" وياه دزيت الگمر وتلاثة حُراس لا تگول انوبه ذبحوا ابني عباس حسين يعني يا بِشِر بالخيل ينداس وراسه من رمح لرمح يفتر على الناس حافر بخده .. وحافر بزنده ريت داسوا صدري مو صدره الحنين لو تگلي بكربله مات الحسين """"""""" حسين اذكُر من بده ليه يوادع شال ايده وشفت بيده خمس اصابع هسه چم اصبع بقن احچي المواجع لا تگلي چفه اصبع منه ضايع چفه دم يُگطُر .. گطعوا الخنصُر كون گطعوا خنصر ايديه الاثنين لو تگلي بكربله مات الحسين """"""""" اعتذر يم البنين احچيهه صعبه ظل غريب حسين وحده بين غُربه آل امية بالحجر صارت تضربه وحرمله بسهم المثلث صاب گلبه كافي لتّكمّل .. گلبي ما يحمِل گلبي يوگف يا بِشِر موتي يحين لو تگلي بكربله مات الحسين انيس الخفاجي الكربلائي