الشاعر محمد منير المياحي✍️

#محرم_الحرام_1445_هـ
#ليلة_السابع
مولاتي زينب صلوات الله عليها بقلبها الكسير
وانتظارها لمولاي قمر بني هاشم صلوات الله عليه تقول...
~~~

ياگمر اهلي الهواشم__بيك حلوة ايامي
امتانيه بنص المخيم__گلبي شوفك ضامي
عالجمر منتظرة روحي__رجعتك لأخيامي

واحد يصد للثاني
بَجّـيته وبجاني
الحسين متعوب متعوب متعوب
ابطيت خويه اعلينه
لشوفك اشتاگينه
الحيل مسلوب مسلوب مسلوب

الروح حنت خويه واعلينه بطيت
يصبر حسين اعله روحي شما بجيت
يطيح سگف البيت خويه لو هويت
اخلاف عينك مايظل بالحومه بيت

عباس ترضى حسين يركضلك ويوگع
وانـه مـن تطيح كـلـهـه اعليه تفزع
اليطيح فَيّ اخيامه من الجمر يشبع

~~~

الدمعة ماتنظم واضمها__العطش فر صيواني
انـه وحسين انكسرنه__القلق بـاگ الواني
يلا جا شو بطى مايك__كافي گلبي يتاني

تأخريت اهوايه
گلبي غص بحجايه
گلبي حساس حساس حساس
شعطلك يعيوني
أطفالك ينشدوني
وينه عباس عباس عباس

الحسرة تشرب روح البگلبه انتظار
الخوف بايگ لوني لأضفاف الصفار
ياكفيل ام عون خويه شنهي صار
بطيحتك تستفحل اعله اجدامي نار

ما يصدك گلبي عـالـي يطيح صـعـبـة
الگمر مـن يطيح تبدي النجمة غـربـة
گامت اختك تـنـزف الـدمـع و تشربة

~~~

طـرّت الخويه خيمنه__وخان بيه احسابي
أخ گلب ام عون ينزف__كلف بيك اصوابي
الماي ما يعرف اميرة__باگك امـن اطنابي

اعليك شيصبرني
خوتك تذكرني
بـذيـج الأيـام الأيـام الأيـام
جنت فيّ اخيالي
بس صرت جتالي
افياي مادام مادام مادام

بروحي احاجي وبعد ماظلالي راي
موتي لَتشوفين اخـوج بدمه جاي
حسين مايندل طريجه و كلفة هاي
ردلي شـايـب هـاي كسرتلي گفاي


ردلي مكسور وبياض يـخـط لحيته
لـو شـفـت حـالـه يبو فاضل بجيته
الجفن مـن گـد البجي خويه عميته

~~~

حسين رد واستقبليته__نعي لحاله وحالي
لا تشوف شلون طحنه__يعرف بس العالي
اخوانك الما مرة مالوا__ملنه يا كفالي

بقى راعي الشيمة
من عفتهه الخيمة
يگوم ويطيح ويطيح ويطيح
بفرگتك مذبوحه
حسين تاهت روحه
مـلـنه بالـريـح بالـريـح بالـريـح

احـنـه مـاننهز ولـكـن هـزنـه جـود
صوت هدم كلشي جان امن الصمود
حسين اول مرة شـو وحده يعود
خيامي طيحن طاح من عدجن عمود

خويه ساعات و يطيح حسين عاري
اعـذر اخـتـك خـاف تطلع للصحاري
وعگبك فَيّك ماكو فَـيّ جمرة البراري

~~~
خادم الحسين محمد منير المياحي

#محرم_الحرام_1445هـ
#ليلة_السابع
((آلآم الحسين))
____

هاي اول مره يسمعها دخيل
بصوت سكاي الفواطم والكفيل
حسين طالع لاجن بمشية يميل
وطاح لمن طيحو خاجيته

____

يمشي خطوه خطوه بيهه يستراح
بيد يسند ظهره وبأيد الاصفاح
هسه موش حسين من عباس طاح
إبلا عمود شلون يوگف بيته

___

حسين تيه دربه ويدورله أيد
تدلي جدمه التيه امجان العضيد
يعثر و دربه صبح كلش بعيد
يصيح عباس الجدم شلّيته

____

وصل درب المشرعه والدرب عام
شمر روحه وشم أخيه وگلبه هام
شنو رده لَـوّن نشدته الـخيام
بيا كتر ظهرك عجب خليته

____

الروح تحجي والجسد ماظاله راي
واعدت سكنه وتناطرني اعله ماي
يگله مـارديتهه وهـالـمـره هاي
واعدتهه ووعدي ماوفيته

____
خادم الحسين محمد منير المياحي

#محرم_الحرام_١٤٤٤هـ
#ليلة_السابع
#شجاعة_مولاي_قمر_بني_هاشم_ص
_______

الغيرة صنعك وانت واحد
تحرك الاحساسه جامد
انـت مـن تلوي رسـنـهـه
الزلمة ينكث واهوه شارد

عابد عيونك__الماكو من عدهه
كافل و قائد__وانت بس گدهه
مايجي زلمه__يرجّف السبعين
انت بس انت__تفلهه وتشدهه

عباس__من تطب تجفيهه
عباس__والرگب تلويهه
عباس__ياهو صار اگبالك
عباس__جفك امچويهه

_______

حـار كـلـك يـابـو فاضل
كاسر اخـشـوم الـقـبائل
واحـد و مـحد يـگـدرك
غضب فوك الحومه نازل

سيفك وجفك__غضب عالحومه
الما گدر يشرد__ينزع اهدومه
حته لـو يشرد__تجي گـدامـه
بكل جهة تطلع__تكض زردومه

عباس__تنخلس من صوتك
عباس__يادخيل امروتك
عباس__ما رحمت بواحد
عباس__قوّة الله بقوتك

_______

هاشمي وعالرگب دايس
ما الك بالطف منافس
لا سلف لا من عشيرة
عدهه مثلك هيج فارس

الدنيه مـو گدك__انـت لا اكبر
مـن ظـهـر انزع__والدك حيدر
اسمك امرجف__گلب كل فارس
الواجهك عباس__بشيلة يتستر

عباس__ياهو گابل عينك
عباس__ياظهر لحسينك
عباس__هـلا بالدچ بيهه
عباس__انجفت من رجلينك

_______

واحـد وعند آل هـاشـم
بـيـدك امفلش الصوارم
ادخيل جفك ياگمرنه
معتصم خدر الفواطم

عالارض تضوي__وعالخيم داير
يالمركض الجيش__عله الخد عابر
الماي مابي لون__وانت غيّرته
صار لونه ازرك__بجفك القادر

عباس__يالميبس الشاطي
عباس__ماكو غيرك ساقي
عباس__الكُل يروح وانت
عباس__فقط وجهك باقي

_______
خادم الحسين محمد منير المياحي

#محرم_الحرام_١٤٤٤هـ
#ليلة_السابع
((آلآم الحسين))
____

هاي اول مره يسمعها دخيل
بصوت سكاي الفواطم والكفيل
حسين طالع لاجن بمشية يميل
وطاح لمن طيحو خاجيته

____

يمشي خطوه خطوه بيهه يستراح
بيد يسند ظهره وبأيد الاصفاح
هسه موش حسين من عباس طاح
إبلا عمود شلون يوگف بيته

___

حسين تيه دربه ويدورله أيد
تدلي جدمه التيه امجان العضيد
يعثر و دربه صبح كلش بعيد
يصيح عباس الجدم شلّيته

____

وصل درب المشرعه والدرب عام
شمر روحه وشم أخيه وگلبه هام
شنو رده لَـوّن نشدته الـخيام
بيا كتر ظهرك عجب خليته

____

الروح تحجي والجسد ماظاله راي
واعدت سكنه وتناطرني اعله ماي
يگله مـارديتهه وهـالـمـره هاي
واعدتهه ووعدي ماوفيته

____
خادم الحسين محمد منير المياحي

#محرم_الحرام_١٤٤٤هـ
#ليلة_السابع
#شجاعة_مولاي_قمر_بني_هاشم
_

اسمك عباس يرجف كل الگلوب
و انته المحد گـدر يعبر مگفاه
من تنوي تطب عليهه تسد الدروب
سيفك يخطف رگب محد شافاه

ياهو المتوازي يجي اگبالك يحيد
وياهو المتوازي يظل مكسور ايـد
طلابه وبس انت كلف بيهه تصول
جفك جنه الصاعقة بوكت الرعيد

كمر كمر...
سيد الزلم
عباس يردمهم ردم
عباس كسار الجدم....كمر كمر

كمر كمر...
صگار الحرب
عباس زلمه شكد صعب
عباس يمه تنگلب....كمر كمر

يبو فاضل ياعباس

_

الشافك يابس لگو بمجانه وظال
مشلوله جدمه ولگو حلگه معووج
بـالـدنـيـه مـاجـه بعد مثلك ريّال
لـو ثـار عـنـده يـظـل يفور،، يلوج

راسك وحار وعينك بيهه كسوف
وجهك يرعب يالگمر وقت الخسوف
مـن تهضهضب تحير الناس حـيـل
حته الصاحي يظل هم ما يشوف

كمر كمر...
ناموس الخدر
عباس لا ما ينگدر
عباس تلگا كل شبر....كمر كمر

كمر كمر...
طكته تنسمع
عباس مايرحم ضلع
عباس كاطعهه كطع....كمر كمر

يبو فاضل ياعباس

_

ياهو الاسم أمه ظل عايش للدوم
وينتخى بيهه بحرب كدام الناس
تذكرهه جِنت ويطك عظم البلعوم
مـحـد يلحّك يدور اگبالك راس

بشيلتهه متحزم تطب متروس حيل
جفك مايرحم وكلهه تصيح ويـل
مرضعتك مدري شني ماظن حليب
جفك يـعـگـر بالزلم مـو الا خيل

كمر كمر...
ماظن تنوصف
عباس خاطفهم خطف
عباس بيهم مستخف....كمر كمر

كمر كمر...
واحـدٌ احـد
عباس مامثلك بعد
عباس سيفك ماكعد....كمر كمر

يبو فاضل ياعباس

_

سيفك للدم نطاله هيبة و صيت
و جفك للماي نطاله نشعه و روح
جدمك عالگاع طلع اكبر مو فيت
تلوح السبعه جنت لو ردت تلوح

ربك كلشي خله الك كلشي نطاك
زلمة وما مرة بحرب عبرو گفاك
تشد الـگـابـل يمنتك نـص المهر
تمشي ويبقى بالمهر يسحل وراك

كمر كمر...
ساحلهم سحل
عباس زلمة مايمل
عباس سواهم حجل....كمر كمر

كمر كمر...
خالس كربله
عباس عالي المنزله
عباس أية مرتله....كمر كمر

يبو فاضل ياعباس

_
خادم الحسين محمد منير المياحي

#محرم_الحرام
#ليلة_السابع
#لشجاعة_مولاي_قمر_بني_هاشم_ص_
————————————————-

شافو مهرته وكلهه رجفت
جدم ابو فاضل حرب طبت
كلهه تدور ختله شردت
خسفت اجدامه الكاع خسفت

بعيونه يجدح لهب—عباس ابو فاضل
عزريل بسمه انكتب—قابضها هل نازل

منه ترجف زلم—طبها يهدم هدم

————————————————-

ادخيله عله الميدان لو طب
زلمه اللاگاله منه مهرب
عباس حيدر سيفه مصلب
لباب الشجاعه اسمه مضرب

سيفه عله الشارب—ما يثني لو جاها
روس وعگل جايب—وي رفت الواها

الله حي الگمر—سوا بيهم دهر

————————————————-

بباب النهر ويلگط الروس
ياهو اليريده يجيبه مخلوس
عباس سيفه امكسر ضروس
والما يعجبه يحطه ويدوس

بأجدامه كلهه سوا—صار الوجه اصفر
غيّر شكل نينوا—صار الشكل احمر

دم ترس كربله—ابن المعدله

————————————————-

لولا القضا ماخله فرسان
عباس جفه صار دفان
للكوفه واصل جيش فحطان
حي الله غيرة بني عدنان

دمه يفور الكلف—والدم طبع لأهله
خسف بيهم خسف—ماظن تظل سهله

علي ابنه نجر—بخيله شد ويجر

————————————————-
خادم الحسين محمد منير المياحي

اللحن👈 @mm779mm

#محرم_الحرام
#ليلة_السابع

لسان حال مولاتي زينب ص عندما
وقع مولاي أبا الفضل العباس ص....
______________________________
كلشي سكت__من طاح الگمر
ولـلـخيمة مـاوصلنه__بـس سـمعنه__يخوي
معقولة وگع__سگاي الضعن
وحسيني بسرعه طالع__شفته جازع__يبوي


كل خطوة وگع__تيه دربه ويلي
واسمعته صرخ__وينك ياكفيلي
الدم بيه يبس__اخوي ومايجيلي

ظليت اصب بدموعي
وجفي شبج عالراس__بعيني گمت ماشوف
صاب الرجيف ضلوعي
لـمـن وگـع عـبـاس__الغربه ابتدت والخوف

اه ياويلي__ما يرد جنه لخيامه
اه ياويلي__عالخدر بعده السلامه
_____________________________
اوكفت انتظر__عالخد الطمت
ماعندي شخص اسئله__عني وصله__انگطع
ماني امكفله__لو راية انجفت
كـفـالي يمشي عـنـي__هـسـه ونـي__انسمع

ودعـت الصبر __وانطر بس يجيني
شو طَول عجب__يعصر جفني عيني
لو رد دون اخو__اشد حبلي بديني

من هسه أشد احبالي
فـوك الـرجـل والايـد__لـو مـااجـه السگاي
لـو بـس رحل كفالي
حسينه يظل اوحيد__وينطرني ركض هواي

اه ياويلي__بالگلب عايش كلامه
اه ياويلي__عالخدر بعده السلامه
_____________________________
بَـيّـن شخص__بس محني الظهر
مستثگل يمشي گوه__ومـالـه تجوه__انعمه
منو ذاك الاجه__يـاروحـي اظـن
حسين الرد روحه جمره__وكله حسره__ودمه

تـگـابـلـنـه بـدمـع__وشينفع دمعنه
تـيـهـنـه الـحجي__واتطشرت خيمنه
عـامـود الـخـيم__طايح وي گمرنه

راح وبـدت غـربـتـنـه
وضحكت علينه اشكال__ماطالع الهه السان
فـگـد الـگـمـر عـذبـنـه
سـاعـه ويجي الجتال__ماتبقى عندي اخوان


اه ياويلي__مابـعـد تنفع ندامه
اه ياويلي__عالخدر بعده السلامه
_____________________________
حسين انكسر __ كسرت غصن
وأنه بحسراتي انوحن__وين اروحن__صحت
حيرة و الـم__فَـيّـنـه انـطـفـى
والبس من جفه اشرب__عنّي غرّب__نحت

مـلجـومـة بأخو__مثله من اجيبن
وجـروحـي بدت__بفگده مايطيبن
ابو الأكبر بـجـه__ وگـلالـي قريبن

للهزلة حضري اجفوفج
اتحملي العليج يصير __شفته شكثر محتار
صعبة يخيتي اشوفج
وعـيـنـج عـلـيـه تـديـر__جدمج اصد بي نار

اه ياويلي__والنظر بادي بظلامه
اه ياويلي__عالخدر بعده السلامه
______________________________
خادم الحسين محمد منير المياحي

اللحن 👈 @mm779mm

#محرم_الحرام
#ليلة_السابع

الآلآم مولاي الحسين ص عندما رجع من مولاي أبا الفضل العباس وهو منكسر يخاطب مولاتي زينب ص

__________________________
طاح العباس..وراح الشوف أمن عيوني
دنگت الراس..ابـجي وخـاف يشوفوني
رديت المتيه البيه
دلتني الخيمة رقيه
__________________________
من المخيم حد وكعته بهالمسافة أرجعت شايب
حسين موش حسين راجع جلجلت فوگي المصايب
راح حيلي وجدمي يرجف صرت اهوى عالترايب
حگي لو طيحن يخويه گلبي مـن اهروشه ذايب

هناك ظلت روحي
وين اضم جروحي
واشيسكت نوحي__وعباس الراح

زينب حشمي..هلبت يسمع لو صحتي
البيرغ هـزي.. محتاجه وضيج وكتي
شوف العباس امّيّه
دلتني الخيمة رقيه
__________________________
خويه گوديني لمجانه خل اطب للخيمة اشمهه
شلون اجر بيدي عمدهه وخيمة العباس اسمهه
خويه بس صدي عليهه مـاي ينبع مـن رسمهه
شايلة الـعـبـاس كـلـه زينب شـمـكـبـر حجمهه

مشت ذيج ايامه
راح طول اجدامه
اخوج شد الثامه__والطم ضليت

الطم جا ليش.. حگي لو الطم راسي
جانالي الجيش..عباس اهلي وكل ناسي
عشرة وراحت هاهيه
دلتني الخيمة رقيه
__________________________
عمري ما مخنوك هسه گوه يوصل هوى لـريتي
لا تسئليني اعـلـه شيبي شابت بشوفه لـحيتي
انه لو مـا انتي زينب بصف اخونه جـت منيتي
بس اجيت اجدامي اجرها خاف ببحدج بقيتي


دمه تارس عينه
راح عـم سكينه
اتكطعت جفينه__ومامش سگاي

كلش مخنوك.. الله يصبرك يا گلبي
حگك محروك..مدوهن مااندل دربي
عجل ياموت الجيه
دلتني الخيمة رقيه
__________________________
لـلاخـو متروس عـازة و يعرف الفاگد عضيده
وين ينطي وجهه بـلا الماهو اخو واهوه يريده
خيمة انه وسگفي طايح اتحضرت فوگي الرعيده
انكشف ظهري ستوحدوني وأيده عن ايدي بعيده

فگده كاسر ظهري
لله سلمت امري
ما اريدن عمري__وشلي بلياه

بيه يشمتون..من تالي وخل يسمعها
طلعت العيون..الجان بسيفه امخرعها
رايح كلشي أمن أيديه
دلتني الخيمة رقيه
__________________________
خادم الحسين محمد منير المياحي