" ما كان العشم " _ ما هو الوقت البتتقال فيهو الجملة دي وقت ما ساهل عند أي زول؛ وراها مشاعر صادقه ولحظات كتيره ومقام كبير شديد بيكون جوانا للشخص دا.. نتفق إنو من أصعب الأحاسيس هو احساس إنو قيمتك تكون "صفر"، والأسوأ من كدا إنها تكون "صفر" عند أكتر ناس كنت متوقع إنو قيمتك عاليه عندهم.. وتجي وتتفاجأ في نفس اللحظة إنك مجرد أداة أو رقم بين أرقام كتير شديد _ بستعملوك عند اللزوم _. وفي نص اللخبطه بين مصدق وما مصدق، بين كنت شايف نفسك في حته ولقيت نفسك في حته تانيه خالص. وصورتك الحقيقيه في قلوبهم بعيده كل البُعد من زيف الكمة ما هو معليش يعني: ( حتفضل المواقف هي أصدق كلمة ). وتكتفي بين صدمة المكانة الجديده "اللي هي إنك ولا حاجة" وبين الشعور بي إنو "الحمد لله الجات لحدي هنا"، إنك تكتب رسالتين بس. الأولى: ما كان العشم. والتانية: شكرًا. " وشكرًا البتكتبها في الوقت دا، هي أصدق شكرًا بتكتبها في حياتك ". وبس. وبس والله 🖤 #Gedoo