النعمة اللي مش هتؤدي شكرها وتستغلها على أكمل وجه في الدنيا هتكون سبب في تأخيرك في دخول الجنة.. قال رسول الله ﷺ "يا مَعْشَرَ الفقراءِ ! أَلَا أُبَشِّرُكم ؟ إنَّ فقراءَ المؤمنينَ يَدْخُلُونَ الجنةَ قبلَ أغنيائِهم بنِصْفِ يومٍ : خَمْسِمَائةِ عامٍ" يعني إجمالاً كدة نعمة الفلوس اللي جاتلك في الدنيا عليها ضريبة لو مدفعتهاش هتكون حجة عليك.. ما هو ربنا حكم عدل ، مش هيساوي بين اثنين في الجزاء .. واحد منهم كان عنده فلوس وصحة ووووو وفي الآخر قصر في حق ربنا وماجتهدش في العبادة.. وبين واحد تاني كانت الدنيا ملطشة معاه أصلاً.. زي ما الفقر والمرض عاوزين صبر ورضا.. كمان الصحة والغنى عاوزين شكر بالأقوال والأفعال صلاة وصيام بقى وصدقات وحج إلى آخره.. وطبعاً الكلام مش خاص فقط بالفلوس.. بالعكس في نعم تانية أكتر تحتاج الشكر..زي الأمن والاستقرار مثلا.. في ناس دلوقتي بتتقطع حتت ومتشردة في الشوارع وغيره وصابرين.. انت بقى شكرت نعمة الأمن وبتعمل الفروض المطلوبة منك زي الصلاة والحجاب؟ لو معملتش كده هتلاقي الناس اللي عانت من الحروب وعدم الأمن في الدنيا سابقينك بمراحل في الجنة.. وقيس على كدة كل نعمة في حياتك.. #وقال_الرسول ﷺ #رسايل_في_حب_النبي ﷺ