☘لاستشهاد مولاتي زينب ع☘ لسان حال الشاعر👉 يشرح حال مولاتي زينب ع بالوضع الراهن شتگول:- صاحت زينب بلهفه يعباس تولوني يخويه گوم الارجاس ❥ـــــ❁ــــ❁ــــ❁ــــ❥ وگفوا دار ماداير على السور وگلبي يفور چن فورات تنور منعوا شيعتي واحبابي التزور وصرخات اليجوني تشيّب الراس ✍☘ام فراس الساعدي ☘ ❥ـــــ❁ــــ❁ــــ❁ــــ❥ صرخات اليجوني اتهدم الحيل اشوفن شيعتي دمعاتهااتسيل انهاري صار جنه يشبه الليل انه حزني عليهم للعظم جاس زهره الكناني✍🏻 ❥ـــــ❁ــــ❁ــــ❁ــــ❥ من ابعيد زواري يزورون مسدود الصحن وعليّه يبجون وينك يالگلت امريني يم عون تعال لمرقدي يا ابو النوماس ✍️الخادمة زينة الگريشاوية ❥ـــــ❁ــــ❁ــــ❁ــــ❥ تعال لمرقدي ياابو الغيره وشوف گلوب زواري الكسيره يمنعوهم يقيمون الشعيره بقيت بلا خدم وبدون حراس الخـ✍️ــادمه ام زيد الشمري ❥ـــــ❁ــــ❁ــــ❁ــــ❥ اليوم ابلاخدم موحشه الحضره من دون العزيه تظل قفره تجي الناس بلطم تجذب الحسره على امصابي الذي ابداً مينقاس 📚🖌️ام زهراء ❥ـــــ❁ــــ❁ــــ❁ــــ❥ خالي مرقدي ماهم أحبابي يبوالغيره العده سدته بابي أصيح ولاأخو يسمع جوابي أنهض يالحنين وصاحب الطاس ✍️أم حيدر العبادي ناصريه ❥ـــــ❁ــــ❁ــــ❁ــــ❥ تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي غير مبري الذمه لكل من يغيير الاسماء او ياخذ كلمات القصيده وينسبها اليه https://t.center/alkalm313