مودع الله عـمه هـاي آخر مسيه مـودع الله گــربت مــني الــمنيه ──────⊱◈◈◈⊰─── هــاي آخــر لـيله ويــاك واودعــك،،، من البچي فدوه يعمه كفه دمــعك،،، انـي ضيعني زمـــاني ولايـضعيك،،، ريحه من حسين ضل انت وتچيه ✍️ام محمد التميميه ──────⊱◈◈◈⊰─── امودع الله برحلتی هایه الاخیره،،، ارتاح یا عمه من احچایة السیره،،، ینتهی أبــآه والـــم عمـر الامیــره،،،، تدری های آثار طفّي والرزیه،،، ✍🏻ام مهدی مجدم ──────⊱◈◈◈⊰─── تدري هـاي اخر مسيه اويـاك اني،،، جــار يالعابد زمــاني وحــيرانــي،،، دهـري حاربني اهواي ودولـــباني،،، شـايفه بـعيني كل هم وأذيه ✍️ ام مهدي الفرطوسي ──────⊱◈◈◈⊰─── هایــه اخر لیله عمه وماکو رجعـــــه،،، انتوادع خلي نسچب دمعــــه دمعــــــه،، روحی ذابت علولی ذوبت اشمعه،، خلصت ياموت قصت هل سبیه،،، ✍🏻ام مهدی مجدم ──────⊱◈◈◈⊰─── سلبوها اخیامی من سلبو ثیابـــه،،، انكسر ظهري ويكسر ظهره ومصابه،،، تدري هاي الدنيا ظلمه الچنهه غابه ،،،، اهناك یم رب العرش واشکی القضیه،،، ✍🏻ام مهدی مجدم ──────⊱◈◈◈⊰─── تمت بأاقلام شاعرات رابطة كفيل زينب عليها السلام https://t.center/alkalm313