ْعذَبّ الُشِعرَِ

خل البشر تذكرك بالخير والطيـب
السمـعـة الـزيـنـه رصيد و غنيمه

أن جيت تلقى المسهلا والتراحيب
وأن غبت تمدحك النفوس الكريمه

بين القرايب لاتكابر وتغتر
والجار لاتهضم حقوقه ولو جار

ياللي تقول نواجه الشر بالشر
قل للمطافي تطفي النار بالنار

خلك على كل المخاليق غالي
بالبعد عنهم واحترامك لنفسك

واكرم رفيقك لا حصلك مجالي
وان شان طبعك مايزينك لبسك

أحذر تغش الناس لو كان غشوك
غادر بصمت وخل خاطرك صافي

والدرب خله سمح لا تزرعه شوك
يمكن يجيبك يوم وتمر حافي

يفرجهِا رب كريم عزيز الجّاه
يعلم بهِا يوم ضاقت الوسيعّه .

‏كريم النوايا ما يبي للجميل ردود
‏يحده على درب الصخا طيب عاداته

لاتشتكي للناس من ضيق الأوضاع
أكسب غناة النفس لو نممٌت جايع

وإن شفت بين النّاس فتنة وتشهير
‏إلجم لسانك قـَبـل لا يــنـعـثـربـك

‏ادمح خطا المخطين والحي لـ الحيّ
‏ما فيه درب إلاّ وفيه انحرافه

‏واذا اختلفت أنت ورفيقك على شيّ
‏فكّر .. وتدري انه على شي تافه

عريب المجاني ما يقرب من المنقود
‏ ذلوله عن دروب الخطا والوطا بركا

‏وضعيف الروابع ترثة الشايب المعقود
‏يحسب المراجل كيف يسبق على المركا

لـمتابعيني قدر لو ما تكلمت
‏وبالقلب شي ما نطق به لساني
‏ٰ
‏للي يتفاعل او يتابعني بصمت
‏شكري وتقديري وجل امتناني

يامحللين الهرج للهرج نقاد
‏وافضل مكانه للمودب سكوته

‏بعض الاوادم باول الهرج ينقاد
‏واصبح كما الكوره وكلاً يشوته

ترى الحياء راعيه لو مامعه عرف
‏حياه بين الناس يرفع مقامه
‏َ
‏حتى لو انه لاحكو مانطق حرف
‏يجمّله صمته وقلة كلامه

عندي على بعض العلاقات تشطيب
‏بعض أصـدقاي اللي تغيّر شطبته
‏من لا حسبنـي في كبار المــواجيب
‏طـال الزمـــن والا قصـر ما حسبته

مَن يحط أذنه على كل سَماعة
‏جات فرقا ما بَعدها تجمّاعي
‏إن تجمّعنا على العز والطاعة
‏وإن تفرقنا فجوج الله وّساعي

الجَناب السمح .. والوَجه الحَياوي
‏والكَلام الذَرب .. والنَفس النقيّة
‏والعَقل .. والدين .. والكَف الرهاوي
‏سَبع .. تَفرض لك حضور وقابليّة

حنــا لنـــا شيـمه وقيمه وناموس
‏نبدي بهــا مـــع الوجيه الفليحه

‏اما يطــاولنا علـــى الـطايله روس
‏والا لحــد يحسـب علـينا مطيحه

‏من طاح بيدين السراحين مفروس
‏لو يتبع الصيحه ثمانين صيحه

‏نجامل العامل من القوس للقوس
‏لكن ترى بعض الخطا ما نبيحه