Prezidentimizning qarori bilan yoshlarning chet tillarini o‘rganishiga alohida e’tibor qaratayotganimizdan xabaringiz bor. Buning natijasida 18 turdagi xalqaro imtihon tizimlari bo‘yicha yuqori natijaga erishgan 13 084 nafar yoshning imtihon xarajatlari kompensatsiya qilib berildi. Bu qariyb 23 mlrd so‘mni tashkil qilmoqda. Birgina IELTS bo‘yicha 9 770 nafar yoshga kompensatsiya to‘landi. Bu tizimning qulayligi — barchasi onlayn. Ortiqcha ovoragarchilik yo‘q. Hujjatlar my.gov.uz orqali onlayn topshiriladi. Tasdiqnomadan so‘ng esa Xazna mobil ilovasi orqali imtihon pullarini onlayn qaytarib olsa bo‘ladi. Ilovani yuklab olish: iOS | Android @alisher_sadullaev