نزلة. لسيدتي ومولاتي ام البنين عليها السلام اية من رب السمه. نزلت لحامي الحمه ام البنين ام البنين ........... هاي ام الاربعه تعرفونها قدمت لحسين نور عيونها يا شبيهة فاطمة يسمّونها حتى مريم رددت خيعونها خدمت آل المصطفه. عن يقين ومعرفه ام البنين ام البنين ........... راسخ بآل النبي ايمانها الله شرّفها ورفع من شانها للزچية ضحّت بشبّانها حتى تشعر بيها وباحزانها للزچية فاطمه ام ولِدها وخادمه ام البنين ام البنين ........... هالجليله وفّت لأسيادها تنجب العباس حيدر رادها اكرمت هيه بجميع اولادها والطفوف تسولف بامجادها صيت الهه بكربله. عدها راعي المرجله ام البنين ام البنين ........... ما بچت عالأربعه الوفايه عالذبيح حسين تبچي هوايه تصيح خيعونك يراعي الرايه يالفديت حسين فزت بهايه عفيه ياهيبه وفخر ارفعت راسي ياگمر ام البنين ام البنين ........... لو بعيده بيثرب تشوفونها بكربله ام الگمر تلگونها يم ضريح حسين نور عيونها تگضي كل حاجه اذا تنخونها بالشدايد حاضره. هيه هاي الطاهره ام البنين. ام البنين ........... يالتزور حسين اذرف دمعتك وذكر ام عباس وطلب حاجتك بجربة العباس تطفي جمرتك ما تظل مهموم والله بحيرتك بلسم لكل معضله. عدها جاه ومنزله ام البنين. ام البنين #سيد_زيد_الفحام _________