لسان حال ام البنين عليهه السلام راح الكمر بقالي ضيه بسمه يلالي مثلي وحيد... يل باقي من جماله وديله هل رساله جفك بريد... _ يترك اثر جدمه ضوه...لو نوه يسافر الكمر شيصير بأمه التدري بي...رايح ابنهه للخطر مو فرد روحه اربعه...وكلهم نشامه يا بشر كلتلهم حسين القصد...خلو يرد سالم نحر درعه ودرع خيامه وفينه على اليتامه ما نخذله... ولعلكمي ييمه بجربه كمر نلمه للعايله... _ يا ضوه الباقي امن الكمر...خذ بيدك اليوجعني اله كله امك اشتاكت الك... روحي اشتياق محمله فرهدني الغروب وصرت... اشبه الصحره القاحله اه يا وجعهه البلكلب ....دوهنت روحي كربله كل هل وجع يمرني وبالي على الهجرني اسمه الغريب عندي المهم رجعته ولا اسمع بوكعته ويبقه سليب ____ مجازات تعب ايدي المضه...رايدته كله بهايه اطيح كل هاي السمه...بس لا تطيح الرايه ما دام بي من النفس...خل يبعد الغزايه يدري بنظرته اعلى الحرم...بيهه امان هوايه يا ربي كون اريدن جفوفه فده يطيحن واسمع خبر... متبدي يم نهرهم ويظل ستر خدرهم موش بخطر... __ وياك اخذ حفنت نجم..طشهه على وجوه الخيم وبشرني ما واصل عطش... لو عابر حدود العلم البوريده ابو الاكبر مشه....خافن مشه بجسمه الالم المتربع بعينه الخدر... بس لا اخذ حصته السهم هاي انه كل ظناهه فوك الرمح رجاهه من تنشد... كلت لعلي اعله هايه وكلبي عكدله رايه لذبح الولد... _ بس لا ترد وحدك علي....خل اعلى بالك يا ضوه ما واصلتهه بس ردت...اي شي الي من نينوه بس من وصلت لهل طلب..يا ضي احس كلبي انجوه بس لا تجيب أم الخدر...متعوبه لا خي لا لوه لمتانه والمدامع يكظن علي مواجع وانه احترك... مو خيمه بس جمرتي تبين على دمعتي من اختنك... #محمدتقي_البهادلي ✍🏻 اللهم عجل لوليك الفرج🙏🏻