🍀قناة النعي والابوذية🍀

ابو ذيات نعي بحق الامام حسن العسكري عليه السلام
.

خجل كلمن نضر عينه مناراه
وراي العلم من عنده   مناراه
واله بسامره منصوبه مناراه
تلوح لليريد يزور هيه
.
.
اسهام اجفاك بل دلال صوبين
الحسن تنعاك كل ناس صوبين
عليك عيون داحي الباب صبن
ادموم وتلطم الزهره الزجيه
.
.
شوكت تضهر تداعي بيوم ثاراك
بجينه شعجب مافد يوم ثاراك
تريد الكلب يصفه بيوم ثاريك
حتى للضهور تبان جيه
.
.
حسن صالح العيساوي

ابوذيه للرسول

البخت دار بهداوة.. دار عينه
وصدرة برمح باشط.. دارعينه
الشمر يذبح واخيي... دار عينه
علي وانكطع نفسه وحار بيه


بجينه وآنه لتضن.. دمعي ابينه
افه وماراح تلكه.. دمعه بينه
شبكنه حسين وتخر.. دم عبينه
لحد مانكعت أرض الغاضرية


وحك فراكك الطشر.. لمتنه
طاح حسين والوادم.. لمتنه
انسحك متنه وامد ايدي.. لمتنه
غفلة وجرته الخيل من ادية

تل ما شفنه بالطف.. بس تل ام عون
هلي والدم خذاكم. بس تلمعون
شني معقولة زينب. بس تلم عون
وتعوف حسين مرمي اعله الوطية

موش ادموع بالطف ماشكتله
دمه والروح شكوة ماشكتله
الشمر عطشان گلي ماشي اكتله
بحقد وذبح اخوج بذني اديه

اسماعيل السعيدي

#استشهاد_رسول_الله (ص)

كظيم الـهم واصـيحَن آه واراه
أصِل دار النبي ابـيـا عين واراه
أناشد يا هو وسـط اللحد واراه
گالـوا حِـضَر بـس حيدر وصيّه

**

اعله غيرك ما يصب دمعي ولا نـوح
ولا أبــتـعـد عـــن دربـــك ولا نـــوح
آدم مـــا حــمـل هـضـمك ولا نــوح
ولا مــوســى حـمــل مـثـلـك أذيّــه

١-ولا نوح: الواو للعطف، لا للنفي، نوح من النوح وهو البكاء الشديد.
٢-ولا نوح: المراد ولا أتنحّى، يُقال: نحاه عنه إذا صرفه وأبعده.
٣-ولا نوح: المراد نبي الله نوح (ع).

#ابوذية_جابر_الكاظمي
#جابر_الكاظمي

نعي
الزهراء ع اتخاطب رسول لله  ص


يـبـويـه صـورتك بـالـعـين    ظـلـت والــدمـــع جـــاري
تـمـنـيـت انــدفــن ويــــاك    يـغـالـي ورحـمــة الـبـاري
أيـــام الــفـــــرح راحــــت    وبـگـيـت اتــلــوّع بـنـاري
يـالـهـادي اشـبـقــه عـنـدي    ريـتـك تـســمــع اخـبـاري


بـدمــوع الـحــزن ظـلـيـت    يـبـويـه وصـورتـك سـلـوه
اطـيــوفــك تـمـر عـالـبــال    وذيــچ  ايـامـنـه  الـحـلـوه
عـفـتـنـي بـلـوعـتـي بـويـه    و گـلـبـي بــنــارك اتــچـوه
مـا ٱريــده الــعــمــر بـعـدك    يـغـالـي وابـــد مــا يـسـوه


يــتــيــمــه بـغـيـبـتـك انـه    وجـنـاحـه الــحــزن مـــده
دارك مــوحــشــه وظـلـمـه    فــجــئــه ونــورك اتــبــده
افــراگــك جـــرح روحـــي    والــحـيــل الــبُــعــد هــده
أتـــذّكــــر چـــنــت ويـــاك    حــلــوه وغـالــيــه الگـعـده

                           *---------------*---------------*

✍خادم الحسين ع
الشاعر رعد الجريخي

لسان حال الزهراء بعد فقد رسول لله


عـلـى بـابـي لـيـالـي الـسـود.. وچان
وبــعــد مـــا تـبـرد الـنـيـران.. وچان
مـشــه عـنـي عــزيــز الـروح.. وچان

أبــوي وخــيــمــتـي وفــيــاي الـيــه

                                       *---------------*---------------*

✍خادم رسول لله ع
الشاعر رعد الجريخي

نعي
السيده الزهراء اتخاطب دار المصطفى


يـادار الـوحـي وين الـوحـي صار
اوّويـن الـصـورتـه بالعـين تـذكـار
ظـلـت دمـــعــتّــي يـا دار مــدرار
راح الـچـان وجـهـه اليزهـر انـوار


فـارگـتـي الرسـول وگـرت الـعـيـن
يــا دار الـوحــي بـيـمـن تـزهـريـن
اصـدلّـچ مـوحـشـه ومكدرچ البين
عگـب راعي الرساله الـثـبـت الدين


يـالـبـابــچ گـبـل لـلـنـاس مــفــتـوح
والمحـتـاج مـنـه بـحـاجـتـه ايـروح
سـلـوتـنــه يــدار الـهـادي بـالــنــوح
وعگب المصطفى عاشـرنـه الجروح

                                         *---------------*---------------*

✍ خادم الحسين ع
الشاعر رعد الجريخي

١١٧٧- جراح محمدية

كظيم وچــم جرح گلبي ترابي
وعيوني اعله اهل بيتي ترابي
تره ياناس بعــده اخضر ترابي
وانصبتو السقيفه وخــنتو بيه

✍ فراس المحمداوي

١١٧٦- سيدي يارسول الله

اسنينك من اذه اهـل الكفر خوّان
وچم صاحب بصاحب طلع خوّان
مــــــالك يارســـــــول الله خوّان
عله اجنازتك بس حــامي الحميه

✍ فراس المحمداوي

چثيره همومها اعله الگلب.   كفان؟
بس يدموعها لو ساع..............كفان

بعدها اعله الحزن طفله
بدمعها ليش تتسله
اصبحت من المحن هزله
عليها يزمخ اخوله

والها ورمن بالحبل .....كفان
وسوط اعله الضهر حاني رقيه


✍نور الولايه الفاطميه


https://t.center/+63HK-Y3_SrQzZTEy

١١٥٥- الغوث يا ابا الفضل

غده بظهر اليتامه السوط لشّاط
ومحتاره ابره للّـــي طاح لشّاط
وين اليوديني بعجـــــــل لشّاط
وانده كافــــــــلي وينتهض ليه

✍ فراس المحمداوي