راحو بلايه وداع الجانو اليه عمري بجفاهم ضاع شفت المنيه بقيت احلم يردون وصبر كوه العيون انه بلياهم شلون راحو بلايه وداع ....... من يوم المشو ماسلهمت عيني حال الضيم حالي وكصرت سنيني اخلصنه النهار متانيه عله الباب ‏بلكت لن خبر منهم يجيني ‏احجي المن جروحي ‏تنوح السبعه من نوحي ‏طلعت روحي من روحي ‏راحو بلايه وداع ‏ ‏....... صبرت وصبريت الروح بالونه عله ضعن المشه ومامش خبر منه ابوي حسين يوم الراح من عندي صرت موت ولحد وتراب اتمنه بقيت اتمنه شوفتهم ونطر يمته رجعتهم طالت عني غيبتهم راحو بلايه وداع ......... اعاتب والعتب شيفيد من اعتب نار بنص دليلي تسعر وتلهب وينك ياهواهم كلش شتاكيت صرت مثل السنابل غفله اتسلب الدموع تموت بالفركه كلبي ورحي محتركه بقيت بعازة الشبكه راحو بلايه وداع ......... افز من الهوه لو مر على بابي غريبه ومدري وين مسافره احبابي اناشد بالمشه ضليت انه والراح بلكه ولن خبر ايبرد اصوابي لا طارش ولا مكتوب يهلي الفركه جا جم دوب شمعه تحترك وذوب راحو بلايه وداع ............. امس بليل كوه جفني غمضته وشفت بالطيف منظر ريت ماشفته ابوي حسين شفته عله ارمل مذبوح وصدره الخيل روحه وجيه ساحكته طايح منذبح عريان دمه تارس الميدان وعنه ادور النسوان راحو بلايه وداع الشاعر مصطفى الحسني