ودعته ومشه وعيوني هلن  يالمالك ابو جا باقـــي المن  ـــــــــــــ فاركنه ومشه من عدنه ابونه  وعن عيونه غمض اعـــــيونه  ابجي واصرخ ويه اليشيعونه  رجعولي ابوي اعيوني حنن  يالمالك ابو جا باقـــي المن  ـــــــــــــــــــــــ يالمالك ابو احســـــلك تموت  وتروح ويه ابوك بفرد تابوت البجنازه ابوه ايـروح زاتوات  كون عيونه من الضوه يطفن  ــــــــــــ ودعته ودفـــــــناه حدر التراب  ورجعنه انه وعلي للبيت شياب يصواب الابو ما مثله اصـــواب  وجروحي يبويه بكلبي فــــزن  ـــــــــــــــ شنسه من ابوي وحته انســــاه  صوره بعيني كلما اغمض الكاه ريت المـــوت لو ماخذني وياه  بلكي عيوني من دمعي يبردن  ــــــــــــــــ بعده مجانه حار وعطره بالبيت وبتابوته احسن روحي خـــليت  للدنيه وحزنهه كـون مـــا جيت  مصايب هالزمان شعندي خلن  ـــــــــــــــــ الشاعر  مصطفى الحسني