◾️ 2022 жылы ақтөбелік ерлі-зайыптылар ажырасып кеткен. ◾️ Олардың бір жасар баласының тұрғылықты жері анасымен бірге екені анықталды, оның пайдасына баланың әкесінен бала кәмелетке толғанға дейін ай сайынғы табысының ¼ бөлігі мөлшерінде алимент өндірілді. ◾️ Сот орындаушысы жауапкердің жалақысынан айына 30 мың теңге көлемінде тұрақсыздық айыбын өндіріп алды. ◾️ Баланың анасы жауапкердің отбасының кәсіпкерлік қызметі туралы біліп, алимент мөлшерін азайту мақсатында оның табысын әдейі төмендетіп отыр деп есептеген. ◾️ Осыған байланысты ол сотқа жауапкердің табысына барабар алимент өндірудің бастапқы тәртібін үлеспен де, тұрақты ақшалай сомада да алимент өндіруге ауыстыру туралы талап қоюмен жүгінген. ◾️ Ақтөбе облысының кәмелетке толмағандардың істері жөніндегі мамандандырылған ауданаралық соты істі зерттей келе, жауапкер ата-анасының меншігіндегі дәріханада 120 мың теңге жалақымен ресми түрде жұмыс істейтінін анықтады. ◾️ Алайда 2022 жылдан 2024 жылдың қыркүйегіне дейін оның банктік шоттарына 7 миллионнан астам теңге түсіп, шоттардағы максималды қалдық 512,7 миллион теңгеге жеткен. ◾️ Жауапкер бұл қаражат ата-анасына тиесілі екенін алға тартқан, бірақ сотқа өзінің сөзін дәлелдейтін айғақ ұсынбаған. ◾️ Сонымен қатар, жауапкердің атына екі автокөлік тіркелген, бұл да кірісті жасыру мүмкіндігін көрсетеді. ◾️ Сот жауапкердің тұрақты табысының және қосымша табысының дәлелдемелерінің бар екендігін, бұл да алименттерді есептеу кезінде ескерілуі қажеттігін атап өтті. ◾️ Сот кәмелетке толмаған баланың мүддесін ескере отырып, жауапкерден талап қоюшының пайдасына ай сайынғы табысының ¼ бөлігі мөлшерінде ғана емес, сонымен бірге тұрақты ақшалай сомада – 20 АЕК мөлшерінде алимент өндіру туралы шешім қабылдады. ◾️ Соттың шешімі заңды күшіне енді. https://t.center/aktobesot