Tegramda esadir avgust yellari, Yaproqlar titraydi sokingina jim. Tillarang uzumdan bol emar ari, Yuragimda faryod solgay allakim. Tepamda vijirlar sevgim qaldirg‘och, Erta-kech olisga uchib ketar u. Asodir qo‘limda sarg‘aygan og‘och, Kuz sari boraman dilimda g‘ulu. Zero, kuzni sevgan, oh, daho Pushkin, Juvonmarg yaproqdek umri uzilgan. Dilgir yuragimda ilohiy to‘lqin, Tepamda turnalar ipday cho‘zilgan. 📘 Tursun Ali: Tanlangan asarlar - II