View in Telegram
د افغانستان اسلامي امارت خبرداری!
د پاکستان هوایي ډګرونو له لارې داعشي خوارجو پټنځایونو ته نوي افراد انتقالېږي
د افغانستان اسلامي امارت تازه خبر ورکړی، چې د کراچۍ او اسلام آباد هوایي ډګرونو له لارې داعشي خوارجو ( چې دوی یې شریرې کړۍ بولي) مرکزونو ته د ځینو آسیايي او اروپايي هېوادونو نوي اتباع انتقالېږې.
د اسلامي امارت امنیتي او تصفیوي کمېسیون خپل کلني راپور کې ویلي، داسې اطلاعات لاس کې لري، چې کېدای شي داعشي خوارج په راتلونکو میاشتو کې له دې افرادو څخه په استفادې د سیمې او نړۍ په بېلابېلو هېوادونو کې د بریدونو هڅه وکړي.
یاد کمېسیون ویلي، چې تېرو درېیو کلونو کې د داعشي خوارجو فتنه په بشپړ ډول ځپل شوې او د دوی د بریدونو طراحان او پلي کوونکي او سلګونه افراد یې یا وژل شوي یا نیول شوي، چې په نیول شوو او وژل شوو کې زیات شمېر بهرنیان شامل دي.
امنیتي او تصفیوي کمېسیون زیاته کړې، چې افغانستان کې د داعشي خوارجو له بې ساري ځپلو کېدو وروسته د دوی مشران او افراد ګاونډ ته وتښتېدل او د ځینو لوریو په هڅونه یې اوس بیرته د انسجام چارې پیل شوې او بلوچستان او خیبرپښتونخوا ځینې قبایلي سیمو کې ورته د روزنې کمپونه جوړ شوي.
د افغانستان اسلامي امارت داسې حال کې دا خبرداری خپروي چې تر دې وړاندې یې په پاکستاني حکومت غږ کړی و، چې د داعشي خوارجو له روزنې او ملاتړ لاس واخلي کنه د دې پروژې اور به تاسو ځان سره لمبه کړي.
#مجاهد_ټکى_کام_ټلګرام_چینل🤝
https://t.center/ahshshga
Love Center - Dating, Friends & Matches, NY, LA, Dubai, Global
Find friends or serious relationships easily