♥🌺🍁♥تاریخ و ادبیات تالش ♥♥

" #تالشی_کسی_زمین_ژنده_نشا"

از سید مومن منفرد شمه همه روکه برا

تقدیم به تمام تالشان دنیا

🍃 🍃
〰〰🌿🌸🌿〰〰

#لاله_دریا_دیله_کو تالشی آفتاوی وینم
آفتاوی دیمی کو بی نازه الاله بچینم
وختی آفتاو خاسه جنگلی سری کو دتاوی
دومنی زم آبه دیل گیریه کشه کو آلاوی
تالشی جنگلی کو باسکمه دارون دییسم
کرا پارسونده۱ سسی کوکو زهاری کو مسم
دخونون بلبلی را بری بخون بهار اومه
بری ک^ زمستونی بره سری بر پنومه
بهاری قشنگی را شادییه رختی دکه ت^
بری دوش بکه، گولی سوزه سری کو پکه ت^
اوه ساله به بجاری برجه تا سوز آکرم
کوجی وخته بری مال و رمه گیریه ببرم
#تالشم_الاشی_شی دنیا کو سربلندیره
کیشه داری شیواره جنگلی کو پا مندیره
وینم از کادوسی نوم تاریخی کو ت^ دخونو
شونه اشتن لسی نه دشمنی جانی پسونو
#داتام_و_آرتا_دَخون دشمنی ناری بمونون
هر چی ظلم و ظالیمی ریشه اییا کو بسونون
چم^ دیل تنگ آبیه لدو خونه ت^ نزونی
سوته دیل کوکو نه وا چرا مرا ت نخونی
دشمنی دسی نه ت^ وختی پله پله بیره
ارسی اسرگی نه دریا کشه کو دشیره
ت^ چمه ایرانی باغی کو قشنگه ولی ره
به بخون قشنگه باغی دیله را بلبلی ره
رمه پا نه بوا به بندی رمه بردشونه
سغه دار و الاشی جانی همه هردشونه
سوزه ویشه یره آبه جانی را از بمرم
تالشی خاکی بی از ویجه ویجه کش آگرم
ت^ چمن زندگی را چمی سوییشه نفسم
چم^ سوته دیلی را بند و کوییشه نفسم
ت^ چمن چمی مینه نازه ستاره شی وشی
آستمونی کشه کو منگی آلاوی ت^ چشی
کوه و دریا مینه کو خاسه تالش شپغ ژنی
ت^ اشت^ دسی نه ظلم و ظالیمی ریشه کنی
اشت^ ویشه دیله کو پلنگه پوره درییه
اشت^ خاسه دیلی سر سیفا به غرصه پرییَه
چمی سو ت^ چم سرده دیلی را آفتاویره
ت^ چمن زندگی را پیلله رباری آویره
جنگلر ایرانی تاجه، از ترا خام بمرم
اشت^ پیلله دوشی کو غرصه و دردون پیگرم
اشت^ سر کفا به را خیلی ت^ غم هردره ناز
سییا سرده سوجه ناری کو رمش کردره ناز
شعر از سید مومن منفرد
یکه دریا اشت^ ناری کو کسی منده نشا
#تالشی_پشتی_یا_کو_کسی_زمین_ژنده_نشا......

#سید_مومن_منفرد شمه همه روکه برا
🍃 🍃
〰〰🌿🌸🌿〰〰
۱-پارسونده اولین پادشاه تاریخ کادوس ها
📚 https://t.center/Ahmadi111