Сен менга ишонгин, майли, битмаган Барча ғамларингни мен билан қолдир. Балки юрагингда эриб кетмаган Қишдан қолиб кетган қорларинг бордир. Бошингдан кечганни сўзла, мен каби Хаёллар бағрида юрган бир жонсан. Балки сен кимнингдир севги эртаги, Суюк бир хотира, аччиқ армонсан. Юлдузлар эртакдай кулган пайти сен Эҳтимол ўчирмай чироқларингни, Фаришта кечага балки айтарсан Юрагингда қолган ардоқларингни. Кўзларингда сирли хаёл кўлкаси, Сен менга ишонгин, айтиб бер, кимсан. Ҳали айтмаганинг дардларинг билан Ҳар ҳолда сен менга жуда яқинсан... ✍️Фароғат Камол шеъри 🎙Наргиза Қувончева ўқиди Бизни ижтимоий тармоқларда кузатинг👇👇👇👇 @ahmadazam_lib www.ahmadazam.uz