ЧЎЛПОН Шеърингизни қарғаб отилган тошлар — Шаъни паст, бағри пуч, дарди йўқ сўзлар. Қон ҳидига келган қузғунлар мисол Номингиз талади ўнлаб дардсизлар. Кишанлар овози таъқиб қилган Шарқ, Кўзга чалинади ғалат туманлар. Юртимнинг энг сўнгги кунлари билан Яшаган эдикми, деган гумонлар. Сиз айтган қўшиқда дилингиз доди, Сарғайган дафтарда занжирбанд нола. Ажалга юзма-юз аёл фарёди, Кўнгил — ихлосида алданган бола. Сиз айтган қўшиқда тутқунлик — соя, Дилнинг қони билан ёзилган ғамлар. Сизнинг дардингизни тушунар фақат Дунёга эрк излаб келган одамлар. ✍️Фароғат Камол шеъри Бизни ижтимоий тармоқларда кузатинг👇👇👇👇 @ahmadazam_lib www.ahmadazam.uz