1. УЧРАШУВ Қайрилиб сен кетдинг. На «салом », на «хайр», Сен кетдинг, ҳеч сўзга эҳтиёжинг йўқ. Бир туман эдим мен, тарқай олмаган. Бир туйғу эдим мен, кўзлари юмуқ… Кетган томонингга қайрилди само, Тўсатдан чайқалиб кетди бир дарахт, Исмингни сўрмадим, билмадим аммо, Қайси ой, қайси кун, на-да қайси вақт. Титроқ нигоҳингни илғадим фақат Ва билдим, Эгамдан бу ҳам — иноят. Бир лаҳза қалбимни ёритди шу бахт — Нигоҳингдан тушган титроқ бир соя… ✍️Фароғат Камол шеъри 🎙Наргиза Қувончева ўқиди Бизни ижтимоий тармоқларда кузатиб боринг👇👇👇👇 @ahmadazam_lib www.ahmadazam.uz