Ўхшатмадим Сизга ҳеч кимни, Бир оз яна ўксиндим чоғи, Дилда қолиб кетган туйғунинг Қийин экан энди ўчмоғи. Жим-жит тунда йиғласа кимдир, Йиғлаб-йиғлаб овунса ҳам сўнг, Қолиб кетар туннинг бағрида Ўша овоз қолдирган бир мунг. У йиғлаган гарчи мен эмас, Йиғлаб Сизга айтмаганман роз, Юрагимнинг ичидан келар Лекин ўша тундаги овоз. Ўзим билмай маъюс тортаман Юлдузлар жим чақнаган чоғи. Дилда қолиб кетган туйғунинг Қийин экан энди ўчмоғи… ✍️Фароғат Камол шеъри Бизни ижтимоий тармоқларда кузатиб боринг👇👇👇👇 @ahmadazam_lib www.ahmadazam.uz