#таржима ОҚШОМ Кўк ёпинди қора рўмол, Мотамсаро она мисол. Кунгабоқарлар журъатсиз Бошин эгиб сурар хаёл. Уфқ олтин сулизорга Зарра-зарра сепар кумуш. Дайди қарға қанот чўзар, Чарчоғинми кўради туш. Жўр қўшиқнинг авжи тинди, Тўнг оғриқдай мудрар ўрмон. Жуфт қалдирғоч мизғиб қолди, Ҳарир кўрпа ёпди туман. Ҳолдан тойган шаффоф тўлқин Мудрар тўғон лабида жим. Чўпон ҳам хўб олмоқда тин, Пинак отган ҳассаси ҳам. Ухлар замин, кўк гумбази, Ажиб дилбар бир қучоқда. Чашма эса шивирлайди: “Ором олсам мен ҳам, қани!” ✍️Октавиан Гога шеъри 📝Рус тилидан Фароғат Камолова таржимаси Бизни ижтимоий тармоқларда кузатиб боринг👇👇👇👇 @ahmadazam_lib www.ahmadazam.uz