Adliya yangiliklari/Новости юстиции

#Adliya_xabari

Adliya vaziri Fargʻonada huquq fani oʻqituvchilari va mediatorlar bilan uchrashdi

Adliya vaziri Akbar Toshqulov yoshlarning maʼnaviyati va tarbiyasiga salbiy taʼsir koʻrsatuvchi omillarga nisbatan huquqiy immunitetni shakllantirish, har bir shaxsda qonunlarga va odob-axloq qoidalariga hurmat, milliy qadriyatlarga sadoqat, huquqbuzarliklarga nisbatan murosasizlik hissini uygʻotish masalalari yuzasidan Fargʻonada huquqshunoslik fani oʻqituvchilari bilan uchrashdi.

Uchrashuvda huquq fanining oʻqitishdagi mavjud muammolar va ularning yechimi, huquq taʼlimini yangi bosqichga olib chiqish masalalari muhokama qilindi. Oʻqituvchilar tomonidan maktablarda huquqshunoslik fanini chuqurroq oʻrgatish va oʻquvchilarning huquqiy ongini yanada oshirish boʻyicha takliflar berildi.

Shu kunning oʻzida adliya vaziri Fargʻona viloyatida faoliyat olib boruvchi professional mediatorlar bilan uchrashdi. Ishtirokchilar mediatsiya institutining bugungi holati hamda istiqboli, professional mediatorlarning faoliyatida uchrayotgan muammolar yuzasidan fikr almashdi.

Bugungi kunda Fargʻona viloyatida 125 nafar professional mediator faoliyat olib bormoqda. Mediatorlarning 102 nafari xususiy amaliyot bilan shugʻullanuvchi notariuslar, 13 nafari advokat va 10 nafari turli sohalarda faoliyat olib boruvchi fuqarolardan iboratdir.

Uchrashuv davomida mediatsiya sohasini tartibga soluvchi normativ-huquqiy hujjatlarni rivojlangan davlatlar qonunchiligi bilan uygʻunlashtirish boʻyicha takliflar bildirildi.

📌 Kanalga ulanish

#Adliya_xabari

Adliya vaziri Akbar Toshqulov Fargʻona viloyatiga xizmat safari doirasida Qoʻqon shahridagi “Kalvak guzari” MFYda “mahalla yettiligi”ning amalga oshirayotgan ishlari bilan tanishdi.

Uchrashuvda shahar adliya boʻlimi boshligʻi Oʻzbekiston Respublikasi Prezidentining 2024-yil 24-maydagi PF-80-sonli Farmoni ijrosi yuzasidan amalga oshirilgan ishlar toʻgʻrisida axborot berdi.

Adliya vaziri “Adliya mahalla” va “Online mahalla” platformalaridan foydalanish jarayonlari bilan tanishib, ishlarni toʻgʻri tashkil etish, xato-kamchiliklarga yoʻl qoʻymaslik hamda belgilangan talablarga qatʼiy amal qilish boʻyicha koʻrsatmalarni berdi.

Maʼlumot uchun, “Kalvak guzari” mahallasida 3 ming 500 nafardan ortiq aholi istiqomat qiladi. Fuqarolarning 47 foizi tadbirkorlik faoliyati bilan mashgʻul.

📌 Kanalga ulanish

#Adliya_xabari

Adliya vaziri Akbar Toshqulovning Fargʻona viloyatiga xizmat safari davom etmoqda. Navbatdagi manzil markazdan olis Beshariq tumanining “Rapqon” mahallasi boʻldi.

U yerda vazir “mahalla yettiligi” bilan uchrashdi. Akbar Toshqulov “online mahalla” platformasi orqali adliya organlariga yuborilayotgan murojaatlar, mavjud muammolarni ijobiy hal etish borasida olib borilayotgan ishlar bilan tanishdi.

Shuningdek, bugunning dolzarb masalalaridan biri — aholi tomonidan noqonuniy egallab olingan yerlarni hujjatlashtirish borasida Kadastr agentligining tuman boʻlimi xodimlari bilan alohida suhbatlashildi. Adliya vaziri aholiga qonunning mazmun-mohiyatini xalqchil tilda tushuntirish hamda adolatli va samarali ijro etilishi yuzasidan fikr yuritdi.

Shuningdek, adliya vaziri Oʻzbekiston tumanining “Oxta tagob” MFYda “mahalla yettiligi” bilan uchrashdi. Uchrashuvda tuman adliya boʻlimi boshligʻi tomonidan Oʻzbekiston Respublikasi Prezidentining 2024-yil 24-maydagi PF-80-sonli Farmoni ijrosi yuzasidan amalga oshirilgan ishlar toʻgʻrisida axborot berildi.

Vazir mahalla hududida aholi bilan uyma-uy yurib muloqot qilish, ularning kayfiyati va muammolarini oʻrganish, yoshlar bilan manzilli ishlash bilan bogʻliq vazifalarga toʻxtalib oʻtdi. “Mahalla yettiligi”ning aholi muammolarini oʻrganish va hal etish, xotin-qizlar bandligini taʼminlash, yoshlar bilan ishlash masalalari boʻyicha savollariga batafsil tushuntirishlar berildi.

📌 Kanalga ulanish

#Adliya_xabari

Prezident qarorlari hayotda va nazoratda

Adliya vaziri Akbar Toshqulov Fargʻona viloyatiga amalga oshirgan xizmat safari davomida Fargʻona futbol akademiyasidagi qurilish va rekonstruksiya ishlari bilan tanishdi. Ushbu akademiya “Ommaviy va professional futbolni har tomonlama rivojlantirishning qoʻshimcha chora-tadbirlari toʻgʻrisida”gi Prezident qarori asosida qayta rekonstruksiya qilingan.

Adliya vaziri Prezident qarori doirasida akademiyada amalga oshirilayotgan ishlar, yangidan qurilgan sunʼiy qoplamali maydon va kapital taʼmirlangan oʻquv binosi, yotoqxona va sport zal bilan tanishdi.

📌 Kanalga ulanish