يوم الجمعة فايق الصبح و العيلة مجتمعة بقوم أخوك الصغير وهو مارر من جنبك بصير يغني بأدنك الغنية الي بتكرها (يعني.. من باب المزح) بتقوم أنت بتعيط: خلص اسكت! بقوم بكفي بالغنية الي بتستفزك كتير و بصير يضحك انت هون بتعصب أكتر : خراس لا بقا تسمعني صوتك 😑 ما بيسكت، بكفيلك عالمقطع التاني ... بتقوم ماسك أي شي بإيدك وسافقو فيه موقف بسيط من الحياة اليومية بصير كتير  وبدل قدي صعب نتحكم بردات فعلنا السريعة (الي بيتولاها الحوفي) بهي المواقف الصغيرة دماغك بتوصلو فكرة انو حدا عم يهددو و أنو كرامتو بخطر... بتجي عزيزتنا اللوزة المنفعلة بتعطيك كل القوة والاستعداد لـ  (إما تضرب أو تهرب) و هيك بتبدأ نوبة الغضب و كل ما غذيتا أكتر بتزيد وبتزيد لحتى توصل لمرحلة أنك تضرب أخوك مثلا بس لأنو عم يغني غنية ما بتحبا طبعاً طبعاً بهي الحالة رح تلاقي كتير مبررات بريئة وطيبة ومقنعة لإلك متل : "أنا أكبر منو ما بيسمع كلمتي!" "هو بيعرف أني بكره الغنية وعم بعمل هيك قصداً" "شايفني فايق مو رايقلو" ولكن عزيزي هاد كلو ما ببرر سلوكك الغاضب للأسف أنت فكرت بكيفية الانتقام ورد الثأر.. بس هل يا ترى فكرت بنتائج هالسلوك الغاضب ؟؟ ♨️من السهل أن نغضب .. و الٱكثر سهولة أن نستجرّ الأسباب التي تجعلنا غاضبين والتي تبدو لنا مبررات مقنعة مما يعزز الوهم بقوتنا و ييسّر لنا أن نؤذي الآخر لكن المعرفة المهدئة قبل انفلات غضبك ستساهم في نتائج أفضل بكثير لك أولا وللآخر,💁🏻‍♀️