كما أسلفت سابقاً سأتحدث عن طرق ستحذو بك نحو الإلتزام : ١-ضع أهدافاً:أغلبنا لايتمتع بأهداف واضحة وصريحة تساعده في قيادة دفة حياته وتوجيهها نحو سليم الدروب فإنسان بلا أهداف عظيمة كسفينة تقودها الرياح لا تدري أي درب تسلك حين اتحدث عن الأهداف لا أقصد أهدافاً طويلة الأمد بل أتحدث عن مهام يومية وأسبوعية تنظم شتات يومك وتوجهك فيه . ٢-دوّن الأهداف:إن وجدت الأهداف ولم تدون ستبقى فكرة في رأسك تزاحمها باقي الأفكار فإن دونت باتت مؤنسةً لك ولا تنسى أنه تدوينك لأهدافك رح يعطيك أفضلية كبيرة بإنجازها ومن الضروري أنك تبقى على إطلاع مستمر على هي الأهداف بشكل دوري . ٣-ضع خطة:فاشل بخطة يهزم عبقري بلا خطة هي العبارة خليها برأسك وتذكرها منيح طبعاً الخطة لازم تكون مرنة ومعقولة وقابلة للتغير . ٤رتب أولوياتك :جيب ورقة بيضاء وحط عليها كلشي بيخطر ببالك من شغلات بدك تعملها بعدين رتبهم حسب الأولوية بالنسبة لإلك وحط اغلب وقتك وتركيزك عالأهم ٥-عيش بالمستقبل :غالباً الخيال بكون أهم من الواقع لهيك لحتى يتبنا برأسك رغبة لتحقيق هدفك عيش فيه وكأنك مأنجزو والرسم تخيل لألك وأنت عم تحقق هالشي هيك رح تبني لا إرادياً رغبة بتحقيقو ؛قصص العظماء والأبطال ما وصلت لعنا عن عبث مامنشان نعملها بوستات فيس ونتغنى فيها وصلت لحتى نتعلٌم وناخد العبرة منها فمثلاً لما أجى والد صلاح الدين الأيوبي وحملوا من بين الأطفال ورماه عالأرض ورجع حملو سألو ليش ماعم تبكي جاوبو بكل ثقة حاشا لفاتح بيت المقدس أن يبكي يعني من نعومة أظافره عايش مرحلة تحقيق أهداف بذهنو هاد الشي الي كان عم يحفزو لحتى يتابع سعي ويوصل لمبتغاه . ٦-ضع نفسك وأهدافهك على المحك :أقرب مثال لهالشي أنا صرلي أكتر من شهرين ضامر بنفسي ابدأ بالقناة فعلى مسلسل اليوم وبكرا والأسبوع الجي وهلق مافي فضى لجيت من كم يوم فتت أنشأتها رغم زحام يومي وقلت خلص لازم لاقي وقت ولو ربع ساعة وحطيت حالي تحت إلتزام معين بيجبرني ألاقي وقت منشان انشر فيه وأنت حط أهدافك على المحك وتعامل معها على انو الحياة كلها واقفة عليها فلما طارق بن زياد حرق السفن شو قال للجيش البحر من ورائكم والعدو من أمامكم فأما النصر أو الشهادة مافي خيار تالت وأنت نفس الشي بتعمل يا أما الوصول أو الموت عالطريق.