١ـكن مبادراً BE BROACTIVE: الظروف الصعبة والمحن ومشقات الطريق بتكسر بعض الناس وبعضهم الآخر بكون مبادر وبتخذ قرار بتحسين نفسه وما بتوقف ، بكون سيد لكل الحواليه لأنو هوي الي آخذ بزمام الأمور . ٢-إبدأ والنهاية في ذهنك BEGIN WITH THE END IN YOUR MIND حط تصورات لحياتك بعد عشر سنين و عيش مرحلة تحقيق أحلام بذهنك هاد الشي بيدفعك تستمر أكتر وأكتر ،فكر بنتيجة عملك وخليها مواساة لتعبك لو أنت متت شو بدك ينكتب وينقال عنك هاد كلو حطو بالحسبان وعيشو برأسك ولا تنسَ تخلي المساواة صح .. عملك =الشي الي بدك توصل له . ٣ـ ضع الأشياء الأولى أولاً : PUT FIRST THINGS FIRST بمعنى لما تقلي انو دراستك أهم شي بحياتك وأشوفك ماسك موبايلك خمس ساعات باليوم هون رح قلك انو عندك خطأ بتفكيرك وعندك إزكوجاية معاير أو تقلي نجاحك الديني كتير شي مقدس عندك وما أشوفك بالجامع غير بصلاة الجمعة بحب قلك أنت عم تحب الشيء ماعم تحب الطريق .. حابب الجنة ماحابب تعيش حياة ملتزمة وهيك انت لازم ترتب يومك وساعاتك حسب أولوياتك . ٤-فكر بطريقة المكسب المشترك : THINK WIN_WIN بحب أقلك ياصديقي انو نحن مننمو معاً ونجاح غيرك لا يؤدي لفشلك  ،ولا يؤمن أحدكم حتى يحب لأخيه ما يحب لنفسه لهيك لاتكون أناني وتخلي المشاعر السوداوية تسيطر عليك من جوا ! . ٥-افهم الناس أولاً قبل أن يفهموك : SEEK FIRST TO UNDERSTAND THEN TO BE UNDERSTOOD المقصد هون اعرف وابحث بتصرفات بيئتك المحيطة قبل ماتتهمهم أنهم ماعم يعاملوك بطريقة كويسة شو أسباب تصرفهم معك ,شوف وتعلّم من طريقة مواجهتهم للمواقف وكون مثل الأسد خليك عم تتربص بمواقف الكل . ٦-تعاون من الآخرين: SYNERGIZE أنت دائماً محتاج لشيء ناقصك .. شيء أنت عطول عندك يوم أول بأي شيء ماعندك المعرفة تعمل كلشي بحياتك لحالك وإذا عندك المعرفة ماعندك الوقت لهيك اعتمد مبدأ الكسب المشترك رح يكون طريق نجاحك أسلسل بالمشي لهيك تعاون مع الآخرين. ٧-سن المنشار SHARPEN THE SAW لما تحط أهداف كبيرة وبدك توصل لأماكن بعيدة تأكد أنو عندك إمكانية هالشي وإذا ماعندك أنفض الغبار واستعد منيح طوّر من مهاراتك ،قوّي من نفسك ولو شي بسيط كل يوم لهيك تأكد أنو لازم تسن المنشار .