عله بابي الهظم والنوح سجاد ونه ابكلبي انفرش للاه سجاد انه زين العباد وانه السجاد ونه الذبحو هله بالغاظريه ......... انه السجاد ونجومي تهاون واحس الحيل بمصابي تهاون يهل تذبح شبل حيدرتهاون ابوي ورت اشيلنه بديه ....... مصايب كربله ابكلبي سرالهه من يوم الظعن يحدي سرالهه حصره ابروحي ياشيعه سرالهه شكولن شفت ابوي اعله الوطيه ......... اجت ام المصايب لاوت الحيل بس اهات وهموم ونياحه انه السجادطحت املاكف البين مثل طير الوكع كسرو جناحه لاويت الليالي بجور الايام صلفه عيونهه كلهن وكاحه ........... اليالي بس علي بهموم عادات ونه شنسه الجروح ابساع عادات خذت منك زماني شلون عادات تعلمت البجي صبح ومسيه ....... بعدني مانسيت ابكربله اشصار وبعدذيج الصور تفتر عليه انه زين العبادوكلبي بيه نار تلهب ماطفت ناري السريه خلت كربله بعيوني تذكار دمعات المواجع والاذيه ...... انه السجاد وهمومي جوتني عليل وبس مصايبكم لفتني مثل جتف السلاسل جتفتني يملج الموت المن عطلتني عكب حسين ليش انته عفتني انه تمنيت لحضات المنيه ولاشوف الحصل بالغاظريه وتمشي بالظعن عمتي سبيه ولاشفت الجره بصرخة رقيه ولاكدامي ماتت بين اديه انه السجاد وهمومي عجيبه غريبه الحال يالوالد غريبه انه العنه مشه وايس طبيبه وتالي السم يخمد كل لهيبه ........... علي الحاج الصبيحاوي https://t.center/joinchat/AAAAAEN4vuuUfDbAramBIQ قناة خاصه نعي / ابوذيه / هوسات